命中注定我與妳?: 7. 拒絕對方好意

「或者妳會唔會同屋企商量下先?」
 
呢個時候，我跟住媽咪同姑姐一齊行到去家姐身邊
 
「小敏!」
 
「媽咪!」
 
「咩事?」
 




「呢位係DGS嘅校長….」
 
「妳好程太」
 
「校長妳好，我個女係咪有D咩唔禮貌?」
 
「唔係，其實我係想問下同學，會唔會考慮過黎我地學校讀書。我會免佢所有學費，肯定佢成績入大學，如果妳肯，我仲可以要求DBS收兩個細佬去佢地到讀書」
 
媽咪同姑姐互相對望
 




「校長，即係…妳想挖角?將小敏挖過去DGS幫妳地打比賽?」
 
「冇錯，程太妳會唔會考慮下?」
 
媽咪望住家姐「小敏，妳自己做決定」
 
「程太妳俾同學自己決定?唔需要商量?」
 
「我一向俾三個小朋友最大自由度」媽咪好溫柔咁講
 




「程太妳教育方法唔錯，請問妳做盛行?」
 
「我同校長妳一樣，都係教書，我教中學」
 
「係邊間學校咁好?可以有妳呢位老師?」
 
「英華女學校，我係英華嘅生物科科主任，亦係OG」
 
DGS校長聽到之後好似呆一呆咁，佢應該萬萬都估唔到，佢係挖緊英華女校老師個女
 
「校長，我爸爸同媽咪、爺爺麻麻，仲有姨姨，我身邊呢位姑姐，都係英華出黎。我一定唔會背叛英華，而且我兩個細佬，一個英皇書院、一個聖類斯小學，我相信佢地都唔會有興趣轉校」
 
家姐靜左陣
 
「而且，英華女校校長孔美玲，係我爸爸契媽，我由細到大都叫佢婆婆，我係唔會離開我婆婆。唔好意思校長，我唔可以接受妳嘅邀請，而且，我一日係英華讀書，我都唔會俾妳地DGS贏到學界女排冠軍」




 
DGS校長聽到家姐咁講不單止冇嬲，仲好欣賞家姐
 
「呵呵，估唔到而家仲有妳呢種咁忠誠嘅學生，我對妳另眼雙開。妳講嘅野我會同孔校長講返，佢真係好幸運，有個咁好嘅學生」
 
「校長，婆婆佢好快就會知道」家姐指一指姑姐
 
「妳好校長，我係英華女校嘅訓導主任張詩敏Jasmine，同時我係孔校長嘅獨生女。呢個係我個女」
 
「校長妳好」慧思好乖咁同DGS校長打招呼
 
「哈，孔校長有妳地幾個，真係好福氣。小妹妹，麻煩妳同婆婆講，話女拔校長收到大姐姐嘅挑戰，我地下年再打一場好睇嘅比賽啦」
 
「知道校長」
 




「小妹妹，妳叫咩名?」
 
「我叫李慧思，Charlotte，我讀香港真光中學小學部」
 
DGS校長摸一摸慧思個頭
 
「咁我明白啦，希望我地出年決賽再見啦」
 
正當DGS校長轉身果時，家姐叫全部球員企好
 
「多謝校長教導!!!」X n