英雄再三聯盟：宇宙洪荒: 昭雪（中）
終於番到自己屋企 真開心
不過知道醫院搞到咁 我都唔好意思留係屋企 雖然報左平安
「我終於番到屋企喇 ...」
我向阿理打個訊息
我知道佢忙緊 我都唔敢打擾佢 而家番去都做唔到啲咩
睇見昭雪就真係辛苦 要日日匿係屋企 又唔可以出去 真係好悶 而家最想就係放假 搵到烏野來軍
昭雪 係門口 牆上 禁左一個制 其實係冷氣制 昭雪對新事物非常好奇 好正常嘅 但係果間屋個度無理由無見過冷氣
「唔好意思...我好怕熱 」昭雪知道我望住佢
原來係佢係 隻好怕熱嘅生物 可能同個名字有關 姐係雪櫃唔可以擺放啲熱野入去 會令到雪櫃變壞
「我想問...你一受熱會點？」我問
「我會溶化 我會頂唔順」昭雪立即攤係張沙發度
「你都幾大小姐咁款..下次開冷氣之前問一問我 電費唔駛你交 但唔係俾你任意揮霍 」我入嚟嘅時候覺得唔太熱 不過只存在於我嘅角度
「對唔住呀...我...」昭雪連忙道歉
「你同我講咪得 ..我都怕熱嘅..」
有陣時真係唔知點安慰佢好 可能我講野都會帶骨
「你煮野食咁叻 我買定啲餸係度 你煮啲好野我食就當係電費啦..何況我開始日日忙 之後我會抽時間放幾日假」
「好啦 我一定會煮得好好味 咁等你返嚟」昭雪雖然係一種生物 但廚藝都令我嘖嘖稱奇
不過昭雪留係間屋度都係對住四面牆 冷淡嘅一日 同我屋企隻貓一樣
「仲有 有你係度我隻貓無咁悶 你可以幫手照顧下佢」我走向小貓之處
我相信呢幾日 阿理應該有嚟過呢度 餵一餵我隻貓 如果唔係一定實餓親佢
「喵~」
「其實我對個隻野存在 恐懼感...」昭雪竟然會俾隻貓嚇一嚇
「吓...？認真咩？你竟然驚貓？ 貓咁得意 又唔會咬人...」我道
「可能係烏野來軍感染到我 」昭雪道
隻貓無行過去昭雪身上 佢只係乖乖地訓係地上
「你要慢慢適應下 佢會係屋企 你要幫手照顧佢呀」我想昭雪可以克服恐懼
「我會盡我能力」
昭雪一驚上嚟會唔會對我隻貓做啲咩 呢樣真係唔敢想象
「真係會克服？」我問
「你對我有恩 我唔可以破壞呢個人情 我昭雪話一就一 」昭雪再道「如果貓係唔會主動傷人嘅話 我覺得同佢玩應該都唔錯」
「你明白就最好啦...」我轉個話題 「之後我會介紹我番工朋友俾你認識 佢成日都過嚟嘅」
「你有無同佢拉埋天窗？」昭雪問道
「咁直接嘅咩？估唔到外星生物會問啲咁嘅野..」我道
「我講野比較直接 我覺得唔需要有野隱瞞 因為我當你係朋友 」昭雪道
真係估唔到佢會當我係佢朋友 呢個係我榮幸
我用左一晚時間教識佢屋企所有野 佢學新嘅事物真係好快 真係比一般正常聰明幾倍 又肯花對時間學習 我都好開心
第二朝早 我始終要放低昭雪係屋企 阿理佢地係度等緊我返工 我無理由再放假 唔理佢地 有咩事都好 佢地都幫過我
豪哥嘅office
唔駛多講 第一時間緊你大力攬住我 仲要攬到實一實 攬到我就嚟窒息咁滯
「咳...豪哥」不過我唔會鬆手嘅 呢個係我同豪哥之間溝通方式之一 佢份人比較隨和 慢慢鬆開雙手
「你日日咁OT 我應該多謝你就真 個條婆娘想炒左你 醫院無左你點得..仲有呢啲係醫院內務嘅事 醫院最大係我 佢有咩資格炒我啲人」豪哥竟然係背後講賴恩善壞話 有時 豪哥都有可愛嘅一面
「多謝豪哥 嘅關照 之後我會做好呢份工」我道
「放心啦 之後會有人手安排 多左幾Team人 我會俾你地輪住放假 你有咩野你要第二時間同我講 我點會撐你」豪哥微笑道
「點解係第二時間？」我問
「第一時間緊係搵左阿理先 佢係度 我唔會爬第一」豪哥道
「竟然係咁...」我道
有幾Team隊過嚟 我都會負責教佢地醫院日常運作 等佢地可以盡早識認新環境
除左我 仲有阿理 阿華 阿信幫手 係就係攰左啲 但之後有得放假可以休息抖下
話哂我地都係人 唔係機械人
同豪哥會面後 跟住就搵阿理 佢同豪哥一樣滿臉期待緊我返嚟 係醫院我當阿理係同事之上 嘅朋友 我相信佢都會當我係佢朋友
自己崗位 意外地 有人打掃過 除左阿理都無第二個 佢真係世間一百分暖男 返工已經咁忙 竟然仲有時間幫我打掃
「阿理...」我道
「你平安無事返工就好啦 我地不知幾掛住你 」阿理係自己座位上
「對唔住 俾到你地咁大麻煩」我都唔意思休息咁耐
「傻啦 呢度OT得最多係你 你好應該抖下嘅 」阿理道
「點都論到論到你地放假先 我啱啱先抖完 係咪先...」我道
「你都講得啱嘅 之後再安排啦...」阿理道
「今日多唔多會要開？」我問阿理 我啱啱先返嚟好想跟番啲手尾
「而家有個手術要跟 都幾麻煩 不如你都幫我吖...」阿理抱怨住手上一份文件 交俾我睇
我點頭之後就同佢立即去手術室
咁啱 手術室門前 有兩個人坐左係門口 我相信應該係病人嘅屋企人 佢地唔敢正面望住前面 隻手遮住自己 我地經過佢都睇唔到我地
「病人嘅家屬...？」阿理對佢地嘅出現十分好奇
「醫生 你一定要救救我個女」病人家屬上前捉緊醫生隻手
「無事架 我地係城市最好嘅醫生 你地一定要相信我哋 呢個手術雖然好複雜 但係我有信心應付今次嘅手術」阿理對住病人嘅家屬一啲都冇怯場 我十分欣賞佢
「我係醫生嘅助手 成個過程都會幫佢 所以唔駛擔心呀」我都帶住微笑地講 俾個希望佢地
佢地聽完我地嘅說話 即時冷靜落嚟 之後就同阿理入去手術室
用左四個鐘成個手術過程非常順利 本來係得一個副手 而家我番左嚟 就多一個副手 我睇到佢有啲不滿 但我都無理到佢嘅感受 畢竟手術最緊要 我覺得以病人為上 唔應該感情用事...
阿理亦好享受同我一齊嘅時光
醫院門口
烏野來軍
一個兇巴巴嘅怪人嚟睇病 在此之前佢由一個地方穿越另一個地方 意外地嚟左 小之阿之醫院
仲要嘅係 佢見到賴嘉信經過 雖然第一眼無咩好感 但賴嘉信忙緊自己工作經過嘅同情 望左烏野來軍一眼 跟住就行左開去
「我感覺到呢度有昭雪嘅氣息...」烏野來軍 來意並非善意 但佢唔知道昭雪其實係我屋企舒服緊
但周圍所有路人都焦點係佢身上
烏來野軍開始發出一種抗拒嘅臭味
「真係好臭...」
「睇嚟我將呢度剷平...」烏野來軍對住自己講野 完全唔理其他人諗咩
有一個路人係佢背後 見佢揹住兩個盒嘅物體 對佢提高警覺
「有兩個盒嘅怪人 有可疑...」
「唔好理咁多 快啲走 留係度好危險」
本來想嚟睇急症嘅佢地都調頭走
賴嘉信見到情況都唔對路 立即番入醫生房打俾豪哥 豪哥又咁啱唔係自己office 阿華又係房入面見到阿信急急腳打電話
「咩事？」
「出面嚟左個怪人 要通知一下豪哥..但佢電話一直都唔通.」阿信道
「佢好似同緊啲新人開會 所以唔聽電話...」阿華道
「嚟左喇咩？點解我都唔知嘅？」阿信道
「我都唔知呀 我啱先出面經過見到佢地到左 應該係同豪哥打左招呼先 或者你通知阿理阿瑜先 睇下點處理...？」阿華道
「都好...佢地都要知咩事」
阿信電話轉移到我私人號碼身上 皆因我嘅號碼非常易記
「你係唔係同阿理一齊呀？心瑜」
「係呀...阿信？聽你把聲好似好慌張咁嘅？」而家嘅我聽到阿信個邊有啲唔妥
「有個怪人走嚟急症室 我想嚟通知你地一聲...」
我聽完電話之後 我同阿理直望落地玻璃下 見到急症室嘅位置
雖然咁樣設計醫院嘅空間好少 但遇到咁嘅情況就相當好用 我的確望到一個怪人係急症室盤旋
「阿理 你見唔見到有個怪人」我問
阿理挨住落地玻璃
「我見到...駛唔駛報警？」
「唔駛 等我落去睇下咩事...」我想落去幫手處理
有咩依郁 我一定趕佢走
「萬事小心」阿理講完 停左一陣「都係唔好 我同你落去啦 」
我知道阿理唔想睇到我有事
我地搭𨋢落去急症室 一出𨋢就見到 怪人 捉住左一個著住校服揹住背囊嘅細路仔
有無搞錯呀 光天化日就啲咁刺激嘅事 雖然我對佢一啲唔驚 但唔識打架嘅我 最多同佢講和 我都算係一個斯文人
「今天嘅我 要剷平呢間hospital」烏野來軍大怒
「點解要中英夾雜？ 醫院咪醫院」周圍嘅人插上嘴
「你理得我呀 我鍾意講咩就講咩 把口生係我度 唔俾我亂講野？」烏野來軍簡直惡魔上身 推開個細路仔 慢慢走向前面人群
「報警啦 咁既情況我地阻止唔到佢 佢只會不斷係度搞事...」阿理想係褲袋拎出手機 準備之際 我阻止左佢
「唔好報警住 我趕佢走啦...」
只怪我口硬心軟
「但...而家咁嘅情況我都搞唔掂..」阿理覺得無需要同怪人哂咁多時間
「每個人都會有犯錯嘅一面 更何況係佢 我都想睇下佢嘅來意係咩先睇下決定下一步 無必要趕盡殺絕」我講完 向怪人方向行去
「妹妹仔 你唔係嫌命長？」烏野來軍嘅畫面望住我
「你走啦 ..呢度係醫院 唔係你搞事嘅地方 橫點你都唔係嚟睇醫生」我理直氣壯道
「真係好野...俾你睇穿左我添 ...的確我唔係嚟睇醫生 我係嚟搵人」烏野來軍講完 腳步己經到左 我面前 佢好大隻 阿理見到我好危險
「心瑜...小心呀」
我一眼望向阿理 點頭後轉向 怪人
「唔好意思...搵人更加唔係嚟醫院 應該去警局 」我指住醫院門口
「你都幾好野 我走左過嚟你一啲都唔驚 我欣賞你 」烏野來軍隨即大笑
「好快趣 呢個世界都會係我嘅...哈哈哈哈...」
烏野來軍講完 背向我地 瞬間消失於人群
「咩事？佢係外星人？」阿理呆左一陣
相反 我睇住怪人 我覺得佢同昭雪點都有千絲萬縷嘅關係
阿理睇到我 一啲恐懼都無 仲好似若無其事咁 情緒好鎮定
「應該係」
「我第一次見有人會消失 真係嚇死寶寶」阿理一個幽默令我有少少想笑
之後人群散開 我地繼續邊行邊講 霎時間急症室變返回復正常
我完全神不守舍阿理佢係見到嘅 因為佢知道我有啲唔妥 有野瞞住佢
「係唔係有野瞞住我？定係果個怪物你係識得嘅？」阿理望住我
我真係唔知點俾反應佢好 呢啲事好難開口嘅...
「我...」
「算啦...唔想講我唔會逼你嘅..」阿理自己走返去醫生房
今日嚟左幾隊人過嚟 豪哥同佢地開會 開完會之後 就帶佢地巡邏一下醫院嘅環境 有咩設施 啲房係邊等等..
途中見到我地啲醫生護士都會逐一介紹 雖然有啲哂時間 但豪哥樂意咁做 佢都想我地早日可以放下假
佢都自己頭先有個怪人嚟左急症室 不過佢安然無恙 咁繼續正經野
一直介紹 直到經過我地崗位
「呢個係我地醫院病房高級醫生 鄺誠理」
豪哥講完 阿理就同team leader握手
「我地係小之地方嘅醫生 干堯穎..」
「後面果位係韓心瑜..」
「你真係好靚女呀 做醫生真係叻呀」
我都同阿穎握個手 講起靚女佢都唔差呀 仲好謙虛
都係不相白仲 要睇之後做野 處事方式睇下點
「多謝你地嚟幫我地呀」我道
「嚟好咁講 我地醫院都人手不足 政府都決定合併醫院 所以之後我地都會係度做野 希望大家多多指教」阿堯道
的而且確最近啲醫院人手方面流失率真係好高
又好少有其他人會讀醫科入嚟醫院 就算有人肯讀佢哋都仲未成火喉 雖然讀醫科嘅資格係比較嚴啲 但係呢個係關乎到人命 做得醫生同護士都唔應該玩玩下
「咁好啦...我都介紹完啦 我會想你地都安排佢地其中一 team嘅工作 」豪哥望住我地
「就我地調過嚟 我地對病房嘅運作都好熟悉」阿堯諗都唔諗
「都好嘅..我再同佢地介紹下我地嘅運作」阿理帶佢地幾個入去自己辦公室
而家繼續自己工作 巡視病人嘅病情
...
小之市屋 小市阿之市長在任之家
沙發上
「如果可以嘅話 今次嘅議題嘅焦點係賴高官度...」何伯爵搖頭道
「睇嚟佢做左啲野令你唔鍾意佢...係唔係因為佢插手小之阿之醫院嘅事務？」刑助手遞上一杯熱茶道
「話哂小之阿之醫院都係唯一有名氣嘅醫院 佢一插隻手落去 就會好大件事 我絕對唔容許有呢類嘅事再發生 」何伯爵一口飲完助手沖嘅熱茶 走去自己房間 用電腦出左一份email
何伯爵點都用佢手上嘅權力去罷免高官 佢玩得起 亦唔怕之後嘅是是非非
「只係一件好小嘅事...你使唔使再考慮下先呀？」助手係客廳收走隻杯 經過問道
「我尋日都考慮得太清楚」何伯爵無理會助手嘅說話 繼續打佢份email 道「我同豪哥做過野 我好清楚而家嘅情況」
助手心諗 賴恩善呢個女人就黎救唔番
「咁好啦...」
何伯爵仲未知道 助手係二五仔 助手之後會一五一十將件事講番俾賴恩善知
「古古怪怪咁...」
「無呀... 主人 我只係無諗過你會速戰速決」助手開始緊張起嚟
「我唔鍾意係背後做啲小動作 呢類人只會越來越越克我僧..」何伯爵閂埋手提電腦 email已經send好 高官總部 「我當你係得力助手先會講咁多野 我需要人力嘅時候 我都希望你可以幫到我 唔係畏首畏尾」
好快速就會開記者招待會 向傳媒會面同時城中市民都會知道 賴恩善被罷免一事
係電視上嘅直播 令我地都停留左落嚟
真係好多記者係現場影相 其實咁樣做只會令賴恩善更難堪 我相信佢係一個愛面子嘅女人 咁樣一玩 之前嘅野就前功盡廢..不過無人會想幫佢 就連市長都忍唔住出手要罷免嘅時候 就知道係幾嚴重
我地好難睇唔到新聞 醫生房外面就對住病房 病房中間牆上就掛住一個大電視 仲要係現場直播
不過我望一望就算數 繼續望番自己野 佢俾中炒又唔關我事 我做咩要理佢...
「今日嘅記者招待 真係睇到我好開心 個老女人終於都俾人炒 天有眼... 」阿豪番到自己辦公室就會打開電視 一直播 除非離開辦公室 如果唔係電視會一直播到尾 不過佢飲左一杯攤凍左嘅咖啡之後就離開左自己崗位
因人手問題 阿豪都要幫手為病人做手術 加上我地又忙緊
「手術室個期真係好密 佢地又要應付小隊 呢排真係辛苦哂佢地..」
豪哥伸一伸懶腰
有啲護士經過都會同豪哥打個招呼 豪哥每次都有善咁回覆佢地每一個人
手術室面前 豪哥就係另一個樣 一個認真嘅樣 的而且確 做手超謹慎嘅佢未曾係手術室出錯過 始終佢最大 要揹起呢個責任...
而係另一邊 賴恩善 知道自己之後會惡運纏身 唉左一口氣 有一種錯愕 地位同名譽一日之間無哂
唔駛可以再想番轉頭
花園裡 只剩下佢自己一個人 佢老公一早就離開人世 所以才會導致佢手段心狠手辣？殘暴不仁...
一個老女人望住天空...