英雄再三聯盟：宇宙洪荒: 昭雪（上）
回憶之中 約隱約現 我係其中一個魔盒入面 有一個面孔陌生嘅人 慢慢走近
我無法離開呢個人 佢越走越近 接近之時大力扯開三個魔盒之間嘅鑰匙 而我就意外地離開魔盒本體 其他兩個魔盒就消失左 可以話去左第二度
我知道我一定會搵到佢地兩個
雖則如此 我竟然可以出嚟透氣 都係一種榮幸 但只要魔盒結合之時 就係地球毀滅之時 我相信 果個人唔會就咁罷休...
「唔好開心得太早 其實無人可以救到你架喇 妹妹仔...」一把粗獷嘅男人聲 令我有啲唔自然 來頭應該唔細 加上我聲音尤如女聲柔和 就判決我係一位女子
「小女子...我」
我係度諗 我係咪應該要離開現場 呢個人下一秒會做啲咩真係預計唔到
「小咩女咩子 雪妖就雪妖 你都知我嚟嘅目的係咩野...」眼前敵軍其實係烏野來軍 一個兇惡嘅人 面孔係怪獸 但身體同人一樣 有手有腳 仲有尾巴 最重要耳仔係一般妖精耳朵
「你嘅目的我唔想知 我淨係知道 魔盒失落於地球上 你茂茂然去結合三個魔盒 地球就會滅亡 」我係魔盒守護人 絕對唔可以俾呢件事發生
「笑死 無左魔盒你地都無得生存 好快就會死 乜你唔想搵番魔盒咩？」烏野來軍理所當然
「關你咩事？我唔想地球玩完 我會阻撓你繼續行動」我發嬲
「收聲 我唔容許你繼續講埋啲廢話 就算我搵唔到其餘兩個魔盒 我都要你死......」烏野來軍突然上前捉住我條頸 我幾乎完全抖唔到氣。
但我死左 魔盒都唔會出現
「你...」
「你咩呀你 你越來越克我憎...」烏野來軍係最後一刻放低左我
點解呀...佢咩事...
「點解...」
「為左魔盒嘅存亡 我係唔會呢個時候殺左你 我無咁蠢 哈哈哈...我要你記得我 我係烏野來軍 下一次我嚟嘅時候就係你死亡之時」鳥野來軍一瞬即逝 佢真係好飄忽
.......
新野區火山口
昭雪知道地球之後會有危機 而同伴都失散 唔知何去何從 昭雪都係魔盒出嚟 佢對其餘兩個精靈會有強烈反應 只要佢地係附近出現 就會發光發亮 係最獨特嘅信號 同時只有佢自己知
正好
昭雪有人類嘅思想 佢唔想將呢一切美好嘅地球毀滅 無論如何佢都要搵一個人幫手 由始至終佢都最怕烏野來軍 呢種恐懼係來自佢本身嘅氣味 完全無法克服得到
附近最近嘅城市就係小之 佢開始尋覓理想 希望搵到天選之人....
小之阿之地方-----夕日系醫院
我叫 韓心瑜
（昭雪 新降臨）
心肺科略有知名醫生
今日係第20日加班
好野又有好多野做 搞到自己嘅野都無時間處理
同樣無假放 又要日日都至少OT到9點至10點 每朝早番8點 放工番去就等於即刻訓教
好彩 除左我 醫院所有人都要OT 全因政府嘅腐敗 小之阿之最有名嘅醫院就係我地 連附近小之都會搵我地睇醫生 有咩辦法唔忙到死 唔開院長嘅事 唔係佢嘅錯 佢好好人 仲幫醫院同政府爭取係出面搵多啲外援入嚟幫手 因為醫院長期唔夠人手 其他低層嘅一定唔好受 除左一部份人辭左職 有另一半等於蛇王 我有時見到佢地咁樣都真係無咁好氣 同院長講又點 佢地再走 我就要連洗手間清潔都做埋 日日睇客唔緊要 仲要更多排期嘅手術等緊我地 院長有諗過想為我地低層加人工 或者提高新入職嘅朋友 但現時低層真係加唔落手 無理由蛇王嘅可以有人工加 我唔覺得佢地加完會做野囉
新入職果啲 對唔住無人想IN 地方嘅人無一個願意日日OT 又無假放
「我都想可以離開呀 但無計 呢度最好醫生都係哂呢度 咁市民個個都嚟呢度有咩咁出奇...」阿通都係醫生 仲要鐵人過我 我都做到要生要死 佢都無埋怨一句
「只怕政府太腐敗了」我道
「唔好咁講 好多事 政府都係身不由己 」阿通本身係檯上做緊文件野 跟住起身過嚟拍拍我膊頭就離開辦公室
如果我可以似佢一樣咁樂觀就好了
手術室 阿通都有自己手術要跟 仲要排到密密麻麻 點解最近小之阿之多左好多人要做手術 因為市民事無大小都搵我地.... 鬼叫我地城中出名嘅那一個醫院
不過今日我唔駛OT到九點 呢個喜悅即時腎上腺向上升 不過點攰都好 最後決定去酒吧飲酒減下壓
小之阿之 附近酒吧 snack bar
「晚晚OT到9點 你仲有時間去飲酒 應該要休息一下先係」阿理都係醫生 仲要同我同一個garde 同我一樣都係好努力 不問世事 只顧救人 佢都理唔到唔做野嘅人 佢都係等上面再安排點處理 最緊要都係安份守己就得 放況做醫生人工咁高 無人會想同錢作對 但都唔會違背自己原則
「你都係吖 唔休息嚟酒吧飲酒」我再飲一啖啤酒 都唔知幾多日無咁舒服一下 乜野疲勞都即時無埋
「我係跟住你嚟 睇下你去邊 不過都估到番工都番到好辛苦 完全頂唔順 」阿理問道
「你唔係咩日日都係咁」我道
「我當然係啦 我都係嚟飲悶酒嘅 不過你放心啦 捱多一陣就可以放長假了 聽講有外面醫生落嚟」
阿理收到一啲小道消息 真係真假我真係分唔到
「如果真嘅話 咁真係開心野嚟 值得慶祝嘅」我確認我自己有啲醉意 仲打左一個嗝
就係咁我就開始斷左片 佢對我做左啲咩 我唔清楚 之後就訓著左...
某程度上 阿理係一個好人嚟
咁開心嘅日子 緊係要盡興
Bi...bi ..bi...bi....bi...bi ..
其實我自己都唔係好飲得 但係唔飲下酒 真係好痛苦 日日咁番工法 第二朝一醒來就去左另一個世界 好似好迷幻 但又好真實 四周都係石壁 我大概會估自己會係山窿入面 但我見唔到有一道光嘅出口 個頭仲有啲暈暈地 就好似俾人打暈左咁 雖然我係醫生 但我都解唔開呢個痛楚 最慘山窿係無人係度 想喊又喊唔出 又唔知自己身在何處 我拎開褲袋嘅電話 講到明係山窿入面 邊度有訊號？完
禁極都無訊息 我放棄左電話求救呢個念頭
禁極都無訊息 我放棄左電話求救呢個念頭
不過我電話仲有電力 開住閃光燈 一路直行睇下咩情況 照依家呢個情形嚟睇 直行都係暢順嘅 起碼無人阻住左我 最怕就係遇到啲咩蛇蟲鼠蟻 我最驚就係呢啲 唔理咁多 出到去先講...
我好小心一步一步咁行 行左換半路就開始有啲唔對路 個身開始好凍 我覺得出口應該就係不遠處 但我仲係越行越凍 越行越凍 加上我件衫又唔夠厚 完全承受唔到呢個寒風 仲不時打吃嚏 再過一陣睇嚟我都係頂唔住喇 我諗我會無命 我會死係呢度 死係呢個唔知邊度嘅地方
Bi......
有隻野行緊埋嚟 bi就係佢嘅腳步聲 隻野好得意 佢自稱自己為昭雪 因為佢個樣都係女雪妖咁款 把聲仲要有啲細路女風格 佢行埋嚟我身邊 想俾啲溫暖我 雖然昭雪係一隻女雪妖 但都係一隻善良有靈性女雪妖 唔忍心睇住我死係呢度 但佢救我有另一個目的 就係想我幫佢
昭雪嘅溫暖程度相當驚人 即時零下幾度都無有怕 簡直係禦寒好幫手 而我一樣不醒人事 佢見狀就慢慢帶我出去山窿 出到去除左暴雪風 眼前嘅路完全睇唔清 除左昭雪 仲有佢可以抵擋暴風雪
帶我離開暴風雪 帶我離開險境
足足訓左三日三夜先醒番 但我醒番竟然唔係小之阿之酒吧 而係另一個唔知咩地方 一個四方八面普通嘅屋企 我望出窗口 約隱約現又好似係好熟悉嘅地方
屋企內竟然無人 我再摷下褲袋 電話一樣係度 我毫無猶豫打左個電話 好好彩 電話打得過我嘅好朋友 醫院啲人話我失左蹤
「你尋晚醉左之後我就帶左你去樓上嘅房 仲以為你第二朝醒番會返嚟 跟住你又唔知去左邊失蹤左 成間醫院嘅人都搵緊你呀」阿理語氣唔似有發火 佢知道我實在太攰 日日咁ot. 只係覺得我並唔係一個無交帶嘅人
「我都唔知而家係邊度呀 不過我會盡快番嚟架喇」我道
「小之阿之應承過會派人嚟幫手我地間醫院 真係講得出做得到呀 我後日都放兩日假呀 佢地擔心你安危 得手我會同佢地回報 放心啦 你真係攰嘅話就休息多兩三日啦 人手方面唔成問題 」阿理講完我就放心哂
「真係可以鬆一口氣...」我係廚房攞左一杯水飲 阿理知道我平安無事就掛線 咁啱昭雪就番左嚟
我個一刻嚇左一嚇 一隻大大嘅女雪妖係我眼前 點會估到係女雪妖救左我
竟然....
「你係...？」我好奇地問
「我係昭雪」佢答
吓...？佢識講人話 真係史上唯一驚天大發現...
呢個世界真係有外星生物存在 定係工作過度先會變成咁
我見到女雪妖拎左一抽二抽 都係菜嚟 佢想煮野食定係想毒死我？如果想毒死我嘅話就唔駛救醒我 我先對佢起戒心 之後先慢慢再查證 我第一時間就會想問
呢度係邊度嚟...？
「呢度係小之 係我救左你 同時又有野想你幫手 事態嚴重 希望你唔好介懷..」
昭雪本無惡意 但我無能力幫到佢 一個凡人如何同外星生物鬥 雖然我仲未知佢嘅目的係咩
「有野要我幫手？仲有你覺得我可以幫到你啲咩？」我問
「我係來自魔盒入面一隻守護雪精靈 不過係一次意外分離 ...」
之後昭雪將佢嘅事講到一清二楚 我都係信佢半成 有另一半我反而覺得佢唔似係講大話嘅人 佢講過想保護地球
「咁昭雪你諗住有咩打算？」我問
「你聽完我嘅一席話 竟然會信我？」昭雪迴避我嘅問題
「信 你有心害我就唔駛講件事我知 就當你呃我 我相信你本善良 唔係啲咩壞人 如果係壞人我一定唔會放過你...」其實我脾氣都唔係好惹嘅
「跟住落嚟 我會附上你身 畢竟你係人類 唔夠烏野來軍打 但係我上左人類身上 身體會變大 戰鬥力量都會大幾倍...」昭雪道
我覺得越來越越似一套科幻片
我心係度諗多一隻寵物其實都無壞 越睇昭雪就越得意
「我係唔係真係可以信你？」我一度質疑 或者試下佢嘅反應
「你可以信我 唔信我都得 我唔勉強人嘅 但我希望你可以幫手救救地球」我睇到昭雪嘅眼裡有一絲渴望嘅光
霎時間 要做一個英雄 真係呢生人諗都無諗過
呢件事應唔應該同阿理講好？ 聽起上嚟又真係幾荒謬
「講到好似拍英雄片 不過 我應承你 直到魔盒搵到 同搞掂咩 烏野 」我覺得烏野來軍真係好難記 點解唔可以叫阿烏 或者烏野 仲容易啲記 「總之我會保你安全 你暫時只可以係我屋企 要我放假先可以出去」
「你想點叫就點叫啦 何況都係一名嚟」昭雪再問「等你放假 即係幾時？」
「最近有啲忙 而家又亂七八糟 我都未知呀」我都煩緊醫院嘅人手
「咁好啦 我希望盡快啦 咁地球嘅存亡就靠哂你喇..」昭雪側面微笑
昭雪唔知係邊度異左啲餸 佢咁嘅樣 出去一定俾人嚇親 話哂都係精靈 除非佢可以化身做人 但我再望真啲 除左多左個貓耳仔 佢真係似足一個人
佢係其中餸袋之中 拎出一個急凍牛排
「你...你想整牛排我食？」我係廚房出面望望
「為左令你同我增進感情 我希望可以煮餐好啲嘅 仲有我唔知咩係牛排 我見好吸引就買番嚟」昭雪邊做邊道
「你係雪精靈 點解會有錢可以買牛排 同埋租咁靚嘅屋？」呢個真係好知 話哂一個精靈點樣有錢 除非佢識變錢
「之前幫左一個老伯解決一件佢解決唔到嘅問題 我同佢講我想要酬勞 估唔到係咁豐厚」昭雪道
昭雪有一啲我地都無嘅能力 或者用個啲能力去幫人 跟住感動到阿伯 但我肯定阿伯一定係富豪 同埋件事應該幾大
我係醫院OT咁耐 日日都差唔多食飯盒 牛排究竟係咩味道 我都已經蒸化哂 而家昭雪令我重拾番個一種味道...
夕手系醫院
會議室
一個非緊急嘅會議
有個小之阿之地方高官賴恩善 醫院院長淳志豪 仲有阿理同嘉信都在場主要嘅因由係關於我 失蹤之事 之後我會稱賴恩善為老女人 我相信好多人都唔鐘意佢 唔好問我點解佢會知我失蹤嘅事 為左不擇手段 老女人乜都做得出...
淳志豪
我地通常叫佢做豪哥 因為佢為人偏向親切 但有時好嚴肅 佢都知道醫院咩事 成日諗方法解救 其實佢都好大壓力 我完全明佢辛苦嘅
「今日我嚟 除左有條team會過嚟幫手 仲有一件醫生失蹤案 希望可以有個交待..」賴恩善一副老貓燒鬚咁嘅樣 向阿豪落一個下馬威
「好多謝賴官俾左隊team我 令我地嘅同事都有時間放假同休息 至於醫生失蹤單野 絕無此事 係因為佢己經OT左一個月 我決定俾佢放假」阿豪回應 佢真心想幫我嘅 因為我比較其他醫生都更勤力
「啱啱先有隊team過嚟 佢地都要有時間適應 你依家嚟放一個咁重要嘅醫生放假？我而家有理由懷疑果位醫生並唔係你口中所講嘅放假 而係失職 我希望你可以打電話俾佢 我要佢報平安 仲有 如果真係失左蹤 你叫佢辭職啦 我地唔需要啲咁無交代嘅人」賴恩善背向阿豪望住落地天窗
嘉信個一刻覺得好荒謬 失左蹤你點打俾佢都係搵唔到啦 點報平安 但佢選擇唔出聲住
「呢啲係我地醫院件事 請問你有咩資格炒我地醫院嘅人 更何況要炒一個成日OT嘅醫生 佢走左 啲野邊個處理？你有人選？」阿豪大力咁拍檯反對
「無論如何 呢個高級醫生一定唔可以炒....」
「你真係好大個膽 院長都唔敢咁大聲 你竟然聲大夾咁兇我？我話俾你知 我要炒一個人駛乜俾面你」阿善講完立即深呼吸左一下 再道
「仲有唔該你打個電話 報個平安 」賴恩善係衫袋拎出一部自己嘅手機 其實都係返工專用嘅手機
「我自己都有手機 唔需要用你果個..」阿豪最怕嘅係我唔接電話 如果我唔聽就真係玩完
最後 阿理打唔通俾我 但阿理並無因為而驚慌 好彩嘅係出面啲護士醫生同佢都熟落 平時都會互相幫忙 阿理 打左俾一個護士 阿蓮 最緊要嘅係 阿蓮一接聽又真係聰明 知道打嚟嘅用意 同佢做場好戲
「心瑜 你放假無咩野吖嘛 有個高官話驚你失左蹤喎 想打俾你聽下有無事..」阿理講得大聲 令老女人都聽到
「我要你喇叭當面俾我聽下 」老女人唔甘心 女好彩佢唔係開視頻 不過老女人都未見過我 所以都唔係好驚嘅
另一方面嘅阿蓮心知不妙 仲嗱嗱聲除左件護士衫 仲急急腳離開崗位 阿華係格籬見到並無太大反應 因為佢知道阿理打俾佢 更知道阿理呢個時候係開緊會
「快啲出去啦」阿華細細聲向阿蓮講
阿蓮九秒九出左去女職員廁所
「hello....醫生朋友」老女人率先回應
「高官 你好 我係韓心...瑜」阿蓮顯得有啲口窒窒
「唔駛咁緊張嘅 我地只係想睇下你有無事 見你平安無事 咁我就放心啦..」跟住就掛左線
雖然對阿蓮係講有啲驚慌 但最後都鬆左口氣 如果俾佢識穿左就真係連份工都保唔住 但有阿理係度 佢就唔怕 因為阿理都會有同樣嘅懲罰
番到會議室嘅畫面 佢不得相信左我無失蹤 係度係會議會位置徘徊一番
「我唔炒佢魷魚喇 就俾佢放假啦 最後幾句 聽日會有條team過嚟 呢個係政府嘅安排 麻煩你安排好人手 同處理一切事務」老女人講完之後離開左醫院 上左一架房車走人 佢連走都咁架勢過人
「佢走左即係心瑜無事 咁都好啲」阿理終於放鬆落嚟
「你臨危不亂 做得好好呀 好在我唔知道啫 如果唔係連我職位都搞唔掂 講大話好大罪」阿豪知道啱先情況危急 係冇辦法知咗嘅辦法 點都要打發個老女人走
「如果換轉係我 我都會咁做 佢頭先嘅嗰啲說話唔係令人發嬲而係令人好笑 唔怪得呢個城市嘅政府咁腐敗 就係因為有呢啲人嘅存在 聽日有隊team嚟係開心事嚟 如果冇乜嘢嘅話 我返返去急症室做嘢 有乜嘢就搵我啦」阿信先行離開咗會議室
阿豪向佢揮手再見
「如果冇乜嘢我都出返去做嘢先呀 睇下聽日佢哋嚟 到時再安排啲位置俾佢哋啦」阿理離開會議室
「好 再見」
只有阿豪係會議室留低 望住個窗
另一方面
阿華見到阿蓮跑番嚟 氣爐氣喘咁樣 就叫佢飲淡水抖下氣先
「點呀發生咩事呀 阿理嗰邊冇事吖嘛」阿華關心道 再幫佢斟水
「 佢打嚟叫我扮失蹤左韓心瑜 我覺得高官想了解下發生咩事 我講咗呢個大話嗰下個心真係好緊張好驚講錯嘢 如果畀佢知道我講咗個大話...」阿蓮唔想講落去
「冇事啦 我淨係知道政府嘅高官會派 條team落嚟 冇諗過佢連韓心瑜失蹤嘅事都知」阿華聽到自己老公番左去醫生房 順勢出去關心下件事
而阿華抖完之後就繼續做野 迎接下一位病人
我好快就會同昭雪一齊返嚟
我連同一個重大危機返嚟
唔好意思 呢啲野唔到我控制
昭雪一個動作慢慢植入左我身體 我有一下震痛嘅感覺 由頭到尾 短短用左三分鐘 植入左之後同平時嘅我無咩分別 只係多左一把聲 我希望佢係我番屋企嘅時候離開我嘅身體 無咩必要佢盡量唔好植入我身體 佢係屋企我又唔驚佢搞事 佢煮野食咁叻反而我收工一餐好嘅 我覺得好欣慰
有時係我原本真實嘅聲音 有時係昭雪自己嘅聲音 都真係幾嚇親人
公交車17 小之地方醫院去小之阿之火前站
竟然有車到小之阿之火車站 但架車時間有啲耐 一班係30分鐘
「你屋企係小之阿之？」昭雪係度叫著
「係呀 仲有呀 你無咩唔好出聲 廢時引起啲人懷疑」我扮拎起電話 然後細細聲同昭雪講
佢聽完之後都立即唔出聲 安然無恙咁番屋企
.....