風之鍊金術士譚:與異世界女高中生之邂逅: 第19章: 水下採集？
第19章: 水下採集？
翌日的早上，在漢什和巧晴兩人吃完早餐後，漢什突然提出今日出去河對面的野外採集材料，這是其中一個漢什從未帶巧晴去過的區域。
「點解咁突然嘅？」巧晴有點不解地問道。
「因為我採集珍珠同水草，而穿過南方野外森林有一個湖，嗰到應該有唔少高品質嘅可以收集，所以想過去博一博運氣，除咗可以用嚟調合之外......仲可以賣去寶物商人度賺錢，可以話係一石二鳥啊！」漢什說出這次出行採集的目的。
「嗯。」
「至於巧晴你就今日幫我睇住個工房先啦。」
「我都要去啊！」巧晴口硬要求道。
「但係......」
「你擺我一個人喺度，又想悶死我呀？俾我同你去又有乜問題喎？」巧晴開始質問道。
最後，漢什和巧晴在經過一輪舌戰後，漢什再次說不過巧晴，於是只好讓她跟隨。
接著，他們兩人先一同換好行裝、準備食水、乾糧和地圖，另外漢什亦照舊帶上了自己的魔法杖作為旁身武器......
「但巧晴你照舊都要帶把匕首旁身......有咩事都可以自衛喎，因為始終今次去嘅地方會有較高機會有魔物或者野獸出沒。」漢什照上次一樣將一把匕首給予巧晴。
「唔該哂你......我本身都識啲自衛術，唔洗太擔心我！」巧晴收下匕首並掛在皮帶來帶上旁身。
「咁巧晴你準備好未？準備好就行啦。」
「嗯......我已經準備好，隨時可以起行！」巧晴微笑回道。
「咁我哋行啦。」
接著，漢什就和巧晴一同離開工房，並穿過了鍊金工房旁邊的小河，路過了另一條小河莊後就到達野外，這是一處微微高低起伏的野原。
「穿過呢一帶的草原後就係森林，裡面會有比較多野獸同會比較陰暗，巧晴你要跟實我唔好走失啊！」漢什看著指南針和地圖並提醒巧晴。
「知道！」
而在穿越這個野原及森林的期間，漢什也未有閒著，在沿途亦會收集一些他認為品質尚好及自己工房需要的材料......
「呢度好似有啲陰森恐怖咁嘅......」巧晴在緊貼漢什通過森林時感到有些可怕。
「好快過呢個森林㗎啦，之後到湖嗰邊就會冇咩樹同光猛啲㗎啦。」漢什嘗試安撫巧晴。
「呃......」
其實，巧晴會有可怕的感覺並不是無跡可尋的，因為這個森林除了因為樹木生得比較茂密而遮蔽了一些陽光而顯得較為陰森恐怖之外，這裡的土地及部份樹枝卻有一些奇怪的吸盤形狀腳印，種種跡象的確難以令人感到安心......
如是者，漢什他們亦有驚無險地穿過了這個陰森的森林，亦在穿過了一小片草地後到達一個靠住瀑布，寬闊及風光如畫的石澗湖......
「呢度好靚啊......」巧晴見到這裡充滿自然而風光明媚的景致時不禁讚嘆著。
「睇嚟呢度應該有好多嘅水草同珍珠喎。」漢什觀望這個澄澈的湖說著。
「喺邊度啊？唔會係......」巧晴亦跟漢什望住湖水並感到好奇地問道。
「話明係水草珍珠，就梗係喺水裡面㗎啦！」
「咁唔通你要潛落水底度採集？」
「冇錯啊......鍊金術士為咗採集想要嘅材料，難免會上山下海㗎。」漢什當場對巧晴說教。
「吓......」
「係喎......不如趁機會今日教埋你潛水採集囉？」漢什順勢向巧晴提議。
「唔呀......我唔識游水㗎！」巧晴自知不諳水性而即時耍手擰頭拒絕漢什的提議。
此刻，巧晴心中也想起，她不少類型的運動都會，絕不是完全為““死讀書””的女學生，但唯獨游泳以至大多數水上活動是例外......
「咁真係有啲意外喔。」漢什突然這樣說使巧晴感到有些奇怪。
「乜嘢意外啊？」
「就係平時時不時對我懶高竇嘅巧晴......估唔到都會有主動話唔得嘅事呢。」漢什對巧晴抿著嘴笑挖苦道。
「笑乜嘢笑啫！......咁係人都有擅長同唔擅長嘅事㗎嗎。」巧晴嘟著嘴回道。
「唔好嬲......咁不如我今日順便教你游水啦，反正依家時間尚早。」
一會之後，漢什直接向巧晴提出教她泳術的建議。
「多謝你嘅好意，但都係免啦。」巧晴婉拒掉漢什的提議。
漢什見巧晴這樣拒絕後，也尊重她的決定，不勉強她......
「咁我一陣間就潛入水底採集，你喺水邊等我就可以。」
「吓！但你冇潛水裝或呼吸管㗎喎。」巧晴有點擔憂地說道。
但是，漢什並沒有理會巧晴的憂慮，反而是在一旁巧晴看不到的地方已更換好游水用的衣著，準備並帶上了在水中專用的採集袋及採集用的小刀，看來已準備周全。
「潛水裝？直接閉氣潛入去咪得囉。」
「會唔會有危險㗎......如果你有咩嘢事......都唔知點救你，我又唔識游水。」
巧晴見到近瀑布處深不見底的湖水，感到憂心忡忡地說道。
「唔洗擔心㗎，我細個嗰陣已經成日跌落河或水池度游水潛水㗎啦，閉氣潛水呢啲難我唔到嘅。」漢什自信滿滿地回應巧晴的憂心。
「之但係......」
「你喺水邊等我㗎啦，完全唔洗擔心。」
「唉......咁好啦，但你要小心啲，唔好勉強啊。」
之後，漢什就在巧晴的祝福下跳入湖中，並閉氣潛落水底......
而漢什在潛進湖底後，果不其然發現了湖底蘊藏不少品質上乘的水草、珍珠及水晶，於是乎漢什亦將它們逐一採集並放入採集袋中……
與此同時，巧晴在等候的時候亦在水邊的岩石坐下，同時也小心翼翼而謹慎地把兩隻腳亦浸住水，兼一路輕輕踢水守候，祈求漢什可以平安無事回到水面。
「嘿哎！」
漢什在一會後亦平安游上水面，看來巧晴的擔憂是多餘的。
「你採集完啦？」
「嗯......啱啱採集到唔少水草、珍珠同水晶呢。」
漢什在回應巧晴的同時，亦在巧晴旁邊上岸休息。
接著，漢什就把在水中採集到而放入到袋中的材料，遂一拿出來放在地上作整理。
「睇嚟品質唔錯，完全適合可以用嚟做鍊金術材料。」漢什整理完後說道。
「吓......你頭先潛水咁耐就係為咗呢啲嘢呀？」巧晴在旁問道。
「冇錯啊......你唔好睇佢哋好細啊，但其實都係响某啲鍊成品嘅重要所需材料嚟㗎。」
然後，漢什就順道逐一解釋這些在水中採集到的材料及它們的功效，巧晴亦有聽取及記下來......
「至於呢啲水藍色同綠色葉嘅水草就係莎卡水草，主要係用嚟調合藍鍊金溶劑或寶石都有機會用到嘅。」
「原來係咁......不過水藍色嘅水草又真係幾靚......幾特別㗎喎。」巧晴望住這些莎卡水草讚嘆道。
之後，漢什在說明完這些材料後，就把它們均放到自己的採集腰包中存放。
「好啦……就決定再捉啲魚當午飯啦！」
「你又潛落水底？」
「嗯......」
在未等得及巧晴的反應，漢什就先再次跳進湖中，並潛入水中捉魚來作為今日兩人的午餐。
「喂！又跳咗落水啦，佢份人真係急啊......」坐在水邊一路望著的巧晴感到有些無言。
在過了一陣子後，漢什就在水中抓了四條魚，並把這些漁獲放在採集袋內，接著見捉到的漁獲應該足夠就先返回水面。
「捉到魚啦？」巧晴對漢什確認著。
「係啊，用嚟做今日嘅午餐㗎。」漢什上岸後對巧晴回道。
同時，漢什亦把裝了這些““魚獲””的袋放在地上備用，並把當中其中一條魚展示給巧晴。
「條魚好大條喎！」巧晴看完漢什展示給她看的魚後說道。
「嗯......之後就攞去燒熟做我哋今日嘅午餐。」
「好喔！」
之後，漢什就先換回自己原有的衣服，並在就近的地方撿了一堆已乾枯的樹枝及野草作為柴火，以用於稍後生火煮食。
同時，巧晴見此亦主動幫忙把這些收集到的柴火堆在一起，以搭成用作點燃營火的木堆。而巧晴這樣主動幫忙構建木堆的行為，亦令漢什感到有點意外。
「好彩以前女童軍去露營嗰陣有整過吓營火啫......所以今次可以幫到吓漢什手......」巧晴有點僥倖地想著。
「既然巧晴你幫手堆好咗啲柴火，咁依家可以開始點火，之後用嚟燒頭先捉到嘅魚。」漢什向巧晴說道。
「好喔！但你諗住點樣生火啊？我哋又冇火槍。」
巧晴此時醒起這裡應是沒有露營用的火槍，所以她也沒法在柴火堆點火。
「火槍？呢啲打仗戰鬥先用嘅武器嚟㗎喎。」看來漢什誤解了巧晴口中所說的““火槍””。
「係咩？」巧晴只好扮作無知來應對漢什的反應。
「用魔法火柴咪可以囉。」
在說完後，漢什亦從自己的腰包中拿出一根小木棒，外形與地球的火柴無異，只是比較大和長。
「魔法火柴？睇嚟同我見過嘅火柴應該係有唔同㗎。」
「但點用㗎？」巧晴指住漢什手上的魔法火柴問道。
「等我示範一次俾你睇啦！」
「嗯。」
之後，漢什就開始在巧晴面前，使用手上的魔法火柴在巧晴剛剛整好的柴火堆上點營火......