風之鍊金術士譚:與異世界女高中生之邂逅: 第7章：同床共處
第7章：同床共處
「咦？睇嚟天都開始黑……時侯都唔早嚕，開始準備今晚嘅晚飯好冇？」漢什望一眼窗外的天色後向巧晴問道。
「都好喎，返咗嚟之後都一段時間……」巧晴摸一摸自己的肚子回答道。
「咁好啦，今晚就食得豐富少少啦！」
「好吖唔該哂！」巧晴回眸一笑作感謝。
之後，漢什就去準備一頓稍為豐富的晚餐，接著在完成後也與巧晴一同進餐，而巧晴亦表示很滿意漢什所作的飯菜。
「話時話，點解你係鍊金術士，但煮飯又咁叻嘅？」巧晴在進餐的期間好奇問道。
「咁鍊金術士都要生活都要食嘢㗎嗎！我本身又一個人住，唔識自己煮飯嘅話想餓死咩！」
「原來係咁......你又講得幾有道理嘅......」巧晴有點自愧不如般說著。
的確而言，雖然巧晴本身也會少許煮食技能，但對於由小至大都有母親代為做飯或可以隨意方便去附近餐廳吃飯的巧晴來說，是有點難體會一切煮食甚至家務均要自理的生活。
相應漢什見到巧晴會如此反應時，也在心裡面感到奇怪。
在吃完晚餐，再一同清潔好用過的碗碟後，最後巧晴和漢什分別作一作梳洗後，也已經是接近午夜的時候，兩人也感到有些疲倦和睡意。
「呵......睇落都夜啦，我諗我都差唔多係時候要瞓啦。」
漢什望著附近牆上擺鐘的時間後，突然打住呵欠說道。
「呵......都好嘅，我都有啲攰啦......」巧晴同樣也感到有些倦意。
「咁瞓啦，等我幫你上去點床頭燈啦。」
「唔該哂！」
接著，漢什和巧晴就上了二樓，而漢什先自行入臥室內點房內的床頭燈和換好睡衣，當中床頭燈是使用魔力來點著的，同時巧晴則在房門外等待。
「入嚟啦。」漢什在一切妥當後對巧晴叫道。
「嗯......」
接著，巧晴也進入房間內，並在內裡的床上坐下，而她仍然選擇穿著自己的校服充作睡衣。
「咦？咁漢什你係咪又落返地下張梳化度瞓啊？」巧晴此時突然對漢什問道。
「冇錯啊，因為呢間屋得呢張床咋嗎，而依家又借俾你瞓咗……」
聽到漢什這樣說出原因後，巧晴頓時感到有些不好意思。
「咁啊……不如你……都上埋嚟……一切瞓啦……反正呢床又係雙人床。」巧晴出於好意但又有點難為情般建議著漢什。
「但會唔會有啲......始終我係男仔而你係女仔......」
漢什表示有些猶疑，這基於他自知他們兩人只是相識短時間的男女，直接就同床共寢現時對雙方均可能會感到尷尬，這或許巧晴也知道的。
「唔緊要啦，反正你張床都算大張，一齊瞓嘅話我哋之間都仲可以留有空間。」巧晴落落大方地說道。
「既然你都冇所謂......咁我就唔客氣啦。」最後漢什亦決定接受巧晴的““好意””。
之後，漢什也走上臥室內的雙人床上坐下，而巧晴也自動把整個人移至最入的位置以遷就漢什，同時也保持一定的距離。
「估唔到你份人都幾直率大方嗰喎！」漢什不忘稱讚道。
「你唔好誤會啊！其實我都唔係好想同你同床共寑㗎......只不過我怕你會以瞓梳化而瞓得唔好，之後借啲意話精神差......而唔幫我研究返去香港嘅方法咋。」巧晴裝作倔強說著。
「而且......你今日救過我一命，加上今日返到工房之後你都會照顧吓我，我諗你本身人格應該唔差......所以我都相信漢什你應該唔會對我做啲乜嘅......」
接著，巧晴又變得溫言細語般說出自己相信漢什的人格。
「原來係咁......多謝你咁讚我啊，你真係得意喔......」漢什微笑說道。
「乜嘢得意啊？我唔係小妹妹啊，我十六歲㗎啦！」巧晴被漢什無意中的挑逗弄得有些臉紅。
「你做乜事啊？我講錯嘢？」
漢什此時卻搞不懂巧晴為何會突然臉紅，顯然不知自己剛才的說話根本對一名少女是有些挑逗的意味。
「都係冇乜嘢啊！」巧晴同時也以有些不耐煩的語氣打發了漢什。
與此同時，巧晴也打側躺在床上並背對著漢什，而漢什見巧晴一片不想再談的樣子，也決定都是先就寢再算。
「咁早抖啦。」
「咁你都早抖啦漢什......」巧晴背對著漢什回應，之後她和漢什也一同就寢入睡。
就在一段時間後，巧晴卻又自行醒來，同時也不知不覺間想起了自己的家人，可能是因為今日已得知了自己應該要一段時間才可能有方法回去的事實的緣故，所以現時難免會有點思鄉的情感。
「咽......嗚咽......媽咪......家姐......我好掛住你哋吖......點解我要無喇喇俾帶嚟啲乜嘢異世界啊？我究竟做錯啲乜啊？咽......」
就在此時，巧晴也因思念家而哭泣著。
原來，巧晴她只是在漢什面前裝作堅強和從容，但其實內心的情緒卻因為想念家人而非常低落，到了漢什也入睡後，她心中的抑鬱也終於忍不住以梨花帶雨般的淚水展現出來。
「咽咽......咽咽......我想返屋企吖......！」巧晴繼續哭訴道。
「巧晴......你乜嘢事喊啊？」
雖然現時漢什和巧晴是背對背睡的，但無阻漢什聽到了巧晴的哭泣聲。
「漢什你未瞓啊？」巧晴收起哭聲問道。
「因為我唔係好瞓得著......瞓吓又醒吓咁......都唔知點解.......」漢什坦率回道。
「咁啊......不如傾陣計啦......話定大家都瞓唔著。」巧晴對漢什提議道。
同時，巧晴也先拭乾臉上的淚水並轉身面向漢什的身體。
「好啊......我冇所謂......」
接著，漢什也轉身面向巧晴......
「你係咪仲掛住你屋企人啊？聽到你又開始喊......」漢什首先開門見山問道。
「坦白講......係啊......」巧晴點頭回答道。
「原來係咁......果然你都係緊張你家人......」
「當然啦，我諗我媽咪......同我家姐都......應該不停咁搵緊我㗎啦......分分鐘可能喺屋企都......食唔安坐唔落㗎啦......仲有我爸爸可能見我失蹤咗成日幾都可能已經擔心緊，儘管我同佢年半前因為一啲““唔愉快嘅事””鬧大交而唔再講嘢兼冷戰咁滯......但我始終都算佢個女......」
巧晴說出了自己家人可能已在擔心自己。
「鬧大交？““唔愉快嘅事””即係咩事啊？」漢什好奇問道。
「呃......至於嗰件““唔愉快嘅事””......算啦，對於你哋世界嘅人嚟講......我講完你哋都唔會明㗎啦。」巧晴選擇對漢什隱瞞著。
「唔緊要，你唔想講我都唔會迫你。」漢什落落大方地說道。
「不過呢……究竟同自己親生父母生活嘅感覺係點㗎？」漢什突然無預警地向巧晴問著。
「有時可能會覺得佢哋管住哂好煩，但其實都好關心我……錫我，而我亦都好感恩同敬重媽咪辛辛苦苦十月懷胎生我出嚟㗎。」巧晴憑自身感受回答著。
「咁啊……」
「不過點解你會咁問嘅？你唔係都有父母嘅咩……」巧晴感到不解反問道。
「冇乜嘢......只係隨便亂問啫。」漢什有點生硬而敷衍回道。
「嗯......咁冇嘢啦。」
巧晴看出了漢什一臉不想說的表情後，也不再勉強漢什繼續回答。
「不過呢.....我想睇吓你用鍊金術啊......例如地下嗰個大鍋呢......」巧晴突然向漢什表示對鍊金術感到好奇。
「你講緊個鍊金釜啊。」
「原來佢叫做鍊金釜......」
「嗯......冇錯啊，係用嚟做調合嘅，你有興趣嘅話我可以聽日就示範一次調合嘅。」
「咁都好喎......但你會唔會好似上次咁，搞出個大頭佛出嚟㗎......」巧晴表示期待同時也有些擔憂著。
「放心啦，今次我會好小心，用返我知嘅材料配搭去調合，絕對唔會出意外㗎！」漢什以令人放心的語氣說著。
「咁一言為定！」
「呼......呼......」
與此同時，漢什也再次不知不覺地呼呼大睡著......
「已經瞓著咗啦......好好瞓返覺啦漢什......」巧晴見漢什已睡著時也無謂再打擾他。
「咁我都瞓啦......」
在和漢什同床交談的期間，巧晴心中的抑鬱也得到了一定的抒解，使她心靈也暫時安穩下來，亦在不久後也再次睡著進入夢鄉......