風之鍊金術士譚:與異世界女高中生之邂逅: 第6章: 冰釋前嫌
第6章：冰釋前嫌
「呃......我件校裙！」
「發生乜嘢事啊巧晴？」
就在漢什和巧晴剛剛離開了巧晴差點出事的冷巷並在街上行走時，.發生了自己的校服裙有一處小破損。
「我件裙攔咗少少啊......應該係頭先俾個變態佬格硬扯我條裙嗰陣整攔㗎！」巧晴無可奈何地說道。
「咁啊......你行唔行到啊？」漢什為此關心著巧晴。
「不過個攔咗嘅位都係好細啫，一般行路都唔會有問題嘅。」巧晴樂觀及鎮定表示她沒有問題。
「咁我哋照返去蘇菲亞嗰度報平安先，之後就同你返工房度我幫你補返條裙好冇？」
「嗯......可以喔。」巧晴對此表示樂意。
「不過漢什竟然會識補衫......完全估唔到啊......」巧晴同時在心中意外漢什會主動表示自己懂得修補衣服。
之後，兩人亦一同先回到蘇菲亞家的飾品店，其後漢什對伊娃和蘇菲亞表示已找回巧晴，但卻未有說出巧晴差點被強暴的事，因為漢什也明白對於一名少女來說，這樣的經歷還是少提為妙。
「咁睇嚟你哋兩個和好如初啦喎。」
伊娃見到兩人現時看落相處融洽後，認定他們已和好如初。
「又唔好咁講，我和漢什都係尋日先識嘅，用和好如初呢個字好似有啲......」巧晴謙卑地回道。
「冇錯啊，我哋都係識咗唔夠一日。」漢什亦同樣認同道。
「雖然只係識咗唔夠一日，但你哋兩個依家都幾夾嗰喎。」伊娃仍不忘繼續調侃著巧晴他們兩人。
「唔好亂講！我同漢什佢一啲都唔熟！」巧晴急忙紅著臉搖頭否認。
但是，漢什卻反而未有理解到伊娃的調侃說話，所以對此並沒有反應。
「既然冇事都好啦！」蘇菲亞見巧晴和漢什言談正常時，有點歡喜地說著。
「係喎.....睇落你哋兩個應該未食午飯嗰喎，不如我整啲嘢俾你哋食啊？」
之後，細心的蘇菲亞估計他們兩人應該未吃午餐時，就提出親自做飯給巧晴和漢什享用......
「咁......都好喎，反正我都有一段時間冇食過蘇菲亞姐姐你煮嘅飯啦。」
漢什想一想後同意道，接著巧晴也表示就跟隨漢什的決定。
於是，漢什和巧晴就一同暫時留在店內，接受蘇菲亞的款待午餐，她這次作了簡單的燉牛肉配上酸菜的菜色。
在上菜後，漢什和巧晴二話不說開始享用著。
「蘇菲亞姐姐……你嘅手勢仲係咁好啊！」
漢什在進食時稱讚著蘇菲亞的廚藝。
「的確真係好好食啊，多謝蘇菲亞姐姐！」
巧晴同樣讚嘆著，同時也向蘇菲亞道謝。
「好食就隨便食啦！」蘇菲亞客氣地回道。
之後，漢什和巧晴在把各自的餐點吃完後，就和蘇菲亞說要一同回工房......
「話時話，咁巧晴你之後係咪都暫住喺漢什嘅鍊金工房度？」伊娃此時突然問道。
在面對伊娃這樣的提問時，巧晴是點頭默認著。
「其實我哋屋企仲有一間房空嘅，不如我將佢俾巧晴你去住啊？始終你依家同漢什孤男寡女喺同一間屋度會有啲......」伊娃對此有點憂慮並反建議道。
「唔洗啦！因為呢件事歸根究底都係漢什而起嘅，所以我唔想就咁麻煩都其他人。」巧晴爽朗而大方地婉拒了伊娃的建議。
「但係......」
「我會好好保護自己㗎，而且我覺得漢什佢應該都唔會對我點嘅。」
而漢什今日對巧晴她英雄救美般的表現，也令她相信漢什應該也算是正人君子，只是有點冒失及粗心大意。
「咁又係嘅，係我多慮啦。」
伊娃亦同樣明白漢什的性格，加上見巧晴也表示不介意，她也尊重巧晴的決定。
與此同時，漢什對於一個只相識了約一天的陌生少女，而且還在不久前吵了架，卻到了現在可以表示信任著自己感到十分意外。
其後，漢什和巧晴也在和蘇菲亞她們說說再見及感謝其今日的招待後，也一同起行回到工房整頓一下，包括要修補巧晴的校服裙......
回到工房後，正當在漢什對巧晴說就現在開始為她修補其校服裙時，巧晴才醒起自己沒有其他褲或裙可作更換。所以，巧晴的校服基本上已經穿了兩天，但幸好這裡的天氣比起香港涼爽不少，故此就算穿多一天也不會發出明顯的汗臭味。
「原來你冇其他衫褲換㗎？」漢什如夢初醒地問道。
「緊係冇啦……我本來根本只係返緊學出去參觀，所以淨係著住件校服加一件學校冷衫，之後就無喇喇失驚無神咁俾你傳送咗過嚟啦，所我鬼有其他衫換啊！」
巧晴有點不滿地回道，亦因此對漢什再擺著臭臉。
「係喎……對唔住……」
漢什繼續表示抱歉，希望令巧晴息一息怒。
看來，漢什若之後要與巧晴一同生活，應該有排他受，雖然這可以說是漢什他自食其果……
接著，漢什只能把自己的褲子借給巧晴暫穿，儘管對巧晴來說有些不太合身。
「好似唔係好啱著咁……」
巧晴穿了漢什給予的男裝短褲後，憑當前感覺說著。
「但我邊會有啱你女仔身形嘅衫褲喎，一係淨係著住內褲頂住，等我盡快補好你件裙之後再著返囉。」
「你就想啦！照著住先囉，反正都係一陣啫。」
巧晴自知這只會再次在漢什面前““走光””，於是一口拒絕漢什的建議。
之後，漢什就開始從巧晴手中接過了她的藍色校服裙，但他卻未有拿出任何針線，反而是先把它平放在工作枱上，因而令到巧晴感到疑惑。
「你就咁將件裙放喺張枱上面，但又唔拎針線出嚟，咁點補杉啊？」巧晴感到奇怪而問道。
「睇我啦！」
「吓？」
接著，漢什拿起了自己的可伸縮魔法杖，並指著巧晴的校服裙......
「你想做乜啊？」
但是，漢什未有理會巧晴，反而是集中精神可以使用魔法使魔法杖上的綠色水晶發光......
不久後，綠色水晶射了一點白光到校服裙上的損破口，而光點一接觸到損破口後也擴展到整個破口。
「這究竟係？」巧晴對此完全搞不清狀況。
同時，被白光覆蓋住的損破口卻開始自動作修補，最後在白光消失後，整個損破口已消失得無影無縱，即象徵這件校服裙也修補完成。
「搞掂啦！」漢什通知著巧晴。
之後，巧晴立即開始檢查著自己的校服裙......
「補到好似新嘅一樣啊！」
巧晴一路穿回自己的校服裙，一路難以置信地說道。
「你點做到㗎漢什？」巧晴亦驚訝及好奇問著漢什。
「咪用鍊金魔法囉。」
「鍊金魔法？頭先你用魔法杖發出嘅光？」
「冇錯啊！你真係聰明啊，我頭先用嘅係修複術，顧名思義就係把一件物件小修小補嘅鍊金魔法，係鍊金術裡面最基本技術。」漢什稱讚著巧晴同時也進一步對她解釋著。
「原來咁都係鍊金術......雖然同我喺原世界對鍊金術本身嘅認知有啲唔同......或者比起鍊金術，漢什依家所用嘅更加似係魔法，一種科學上基本解釋唔到。」巧晴在心中想著這個世界的鍊金術。
「咁真係好神奇......好犀利啊！」雖然巧晴不太明白但仍不禁讚嘆著。
「吓......好基本嘅技術嚟咋喎。」漢什對於巧晴的反應感到不解。
「因為我嘅世界鍊金術只係科幻嘢，更加冇咩嘢魔法。」
巧晴說出自己在原世界時對於鍊金術的概念。
「咁你嘅世界可能同我哋唔同啩……」漢什對此表示難以理解。
「不過點都好啦，多謝你幫我補返我件校服裙啊！」最後巧晴亦對漢什感謝道。
「唔洗客氣！」
之後，漢什和巧晴一同在沙發上坐下休息一會，期間漢什突然對巧晴表示有點事要現在才方便問一問的，而巧晴則示意隨便問，態度亦比起昨晚初遇漢什時友善不少。
「其實你而家係咪仲嬲緊我？」
「其實坦白啲講......其實我心裡面都仲未完全原諒㗎......」巧晴照實地直話直說著。
「果然啊，始終都係我搞到你返唔到原來嘅屋企，而我依家可以話係未有頭緒可以幫你。」
漢什對此感到亦不出所料，同時也自責著。
「不過其實我心情都平伏咗......同冷靜咗落嚟啦。」
「即係？」
「而且......其實唔想發生都發生咗......已成定局囉，就算我依家點責怪你都好，都係無補於事㗎啦，咁又不如一齊再想辦法解決仲好啦。」巧晴感到豁達地說著。
「你又講得幾有道理......」
漢什說著時也不知不覺地感到慚愧，在得知巧晴面對可能長時間要留在此世界時也能豁然開朗去面對後......
「仲有你今日喺個變態佬面對好英雄咁救咗我，都算係將功補過喔。」
「而且如果今日件事唔係你肯跑過嚟救我，可能我......已經......被糟蹋到唔敢想像啦......」巧晴對於今日的事仍感到心有餘悸。
「對唔住啊......都係我先搞到你會遇到啲咁嘅事，你原本......其實應該係喺你講嘅““香港””安安穩穩咁生活㗎......所以我應承你就算要我付出一生時間都好......都會去研究方法去令你返到去香港，而我之前都會俾你喺我工房度無限期住㗎！」漢什對巧晴誓言會不計代價地幫助她。
「漢什......你又唔洗講到咁誇張。」巧晴心中有點不敢當般說道。
「不過你都要好好保護我喎，因為我始終都係一個柔弱女仔。」巧晴向漢什眨一貶眼說道。
「冇問題，我一定會好好保護你㗎！」漢什拍了心口保證道。
與此同時，鍊金工房外的天色也漸入黃昏……
就這樣，在兩人冰釋前嫌後，一個少年鍊金術士和來自異世界的學生妹，像冤家般的兩人，於鍊金工房共同的生活亦正式開始......