或者，唔係一個你中意既故事: Ch.6

都最後都係伸左隻腳上我大脾，我輕力咁轉動佢腳踝，明顯表情話我知唔係小事。
食完早餐後，我自把自為咁孭返起佢，帶左佢去睇醫生。
途中都少不了佢毒打，扭耳仔、拉頭髮、咬膊頭。
「帶我返學校啊！」 真係唔應該俾佢食飽。
「到底你有幾中意返學，你要返都仲有十幾年你返。」
「你理得我！」
幾經辛苦到左一間中醫館。
醫生憑佢專業判斷直接問我「跌親丫同學仔，膊頭都出緊血。」
我望一望我膊頭位，再望一望依個女魔頭，「咪同我講你流牙血！」
回歸有禮貌嘅我「醫生佢隻腳踝扭親。」




醫生都用佢嘅專業 化解尷尬，好快咁診症，用鐵打油左卒右卒。
彤彤姐都好同步咁用佢指甲係我手臂左卒右卒。
「醫生差不多就好！」無錯係我依個漢子講嘅，在卒落去我隻手唔使要。

所有事完成後，她獲得一張醫生假紙＃佢開心返晒，我獲得滿身傷痕。
佢又再次跳上我背脊，身心都放鬆返嘅我，明顯咁感受到波濤胸湧，又或者頭先無咁心貼身，正常我不知所措之時。
「好～可以返學校啦～」
「吓，我就話啫 你有病假喎 仲返去？」
「返少日都會追唔上進度架！」
「你哋精英班，都仲要聽書架咩？ 自學都得啦」




「你係咪傻架， 我哋都只係普通人，只係比你哋更努力，唔係天生就咁高分。」
一路討論好多野，又了解佢更多事，發覺佢原來都唔係咁串姐。

返到學校簽到返，我孭左佢到醫療室放低佢。
而我就俾人帶左去訓導室， 喜提嚴重遲到一個，擴課警告一個，放學留堂兩小時，非常豐富。
一輪訓話後仲叫我唔好同人打交 血跡啊！，放我返課室後，迎接我嘅係女魔頭嘅笑容＃好假的笑容。