或者，唔係一個你中意既故事: Ch.5

我係銀包拎出一塊膠布，「哪，自己貼」。
佢嘗試對一對，發覺唔多就手。又俾返我。
有風度嘅我當然都不計前事咁幫佢貼。
正當我仔細咁貼上去嘅時候，＊原來佢隻腳都幾靚，光～滑～。加上古銅色肌膚，都知一定係長腳姐姐。

「貼幾耐丫，鹹濕仔」笑面殺手就係咁嘅樣。
「咁..個位咁細難對準」心虛如我。
「俾我咬返啖」佢相當認真， 「邊個教你咁計？知唔知咩叫恩將仇報～」。
「你又知唔知咩叫恩怨分明？」佢都係無表情咁講。
「What...?」正當我口啞啞嘅時候巴士到站。




「不如返學先...仲有7～ 6分鐘我地就遲到」指一指手機佢睇。
佢一企起身，隻腳明顯唔對路。我屈指一算，應該係拗柴。
咁你慢慢行 唔急， 當我以為可以擺脫她時。
一股重力加衝擊力 以及一個人形物體跳上我背脊。
伴隨''啪''一聲「小姐又話唔好掂你，咁依家點計」。
「帶我返學，大家當無數」＃大佬～你真係當我欠你架。
「彤彤姐，頭先聽到啪左聲嗎？ 以我嘅傷 加你嘅殘 唔好話準時 唔使睇鐵打都偷笑。 不如都係食個早餐先 反正都係遲到」
「唔要！」
「好！ 反對無效」 於是我就孭住佢前往最近嘅M記。
「食咩丫？」




「唔食！」
「咁我決定啦」我搵左個位放低左佢就去買左個 珍寶醒晨套餐
拎左餐就坐返佢對面，「唔遲都遲左啦，嬲都無用架」＃我可能我就係學渣垃圾啦，遲到對我地黎講就只係常態，大不了咪抄下書，留下堂。
我邊咬薯餅，邊推個熱香餅去佢面前。
佢還是很不爭氣地，開始淋糖漿。
我下意識咁 望一望佢腳踝，明顯腫左。
「俾隻腳我睇睇」
「當點丫變態佬」厭氣樣
＃你表情起碼係怕醜啦 咁厭氣係咩事！
「我意思係腳踝，定你想我跪低睇啊」我都無奈樣。




正當我假裝跪低嘅時候。