英雄決定聯盟：超越人類的智慧: 異界殲滅者2：怒羞成怒（中）
我地將法醫條屍 拎到無雷公咁遠嘅山旮旯暗戰好相信一定無人知係邊度 捷克好大膽提出問題
「我地完左啤酒節 不如由我解剖條屍..？」
「哇...矮仔 幾時變到咁大膽嘅...」隼有啲懷疑捷克
「我地又唔係人類 我地又唔會中安格毒素 點解唔可以...？」捷克道
「我話你大膽在 唔怕唔見到人類嘅內臟」捷克諗起就會想嘔
「咁得啦 我地去解 你唔跟我地睇咪得囉...」捷克道
「係唔係大家都一致同意架？得你自己一個表態」隼道
「我同意 橫點條屍都係棄 如果解剖 可能仲有啲不知名嘅野 咁都係好事..」暗戰無諗過捷克會咁大膽提出呢個方案 其餘嘅都唔敢主動解剖
捷克雖然細細粒 但有佢嘅眼晴電腦 加上佢又願意解剖 暗戰點都會支持..
暗護 同暗騎都舉腳同意 捷克嘅決定
「是但啦 你都同意 我無理由撐落去...」隼道
到左晚上7點
馬克斯村莊
林立酒館
酒館就唔算大 不過佢有第二層 除左二層會開放 出面都加左好多檯檯凳凳 聽講係最近翻新過 用嚟招呼啤酒節 邊有諗過阿英為左啤酒節而去擴大間酒館 重要係自己貼錢裝修...
統計顯示 馬克斯村民唔多大約有7000幾個 咁酒館一定坐唔哂 雖然最後都係坐爆哂人 ...
暗戰以為啤酒節會拎住桶酒係度唱歌又跳舞 但門外都有咁多檯凳 就懷疑緊呢個真係啤酒節？。
我地晦經係酒館內打等 仲見到阿英一腳踢
暗戰唔敢打擾佢 仲想幫埋一份 不過被阿英拒誅門外 佢唔想有人搞亂佢嘅工作模式 我地係其中一檯 而且附近都坐左村民 暗戰問隨便其中一個人
「我想問下 啤酒節唔係應該載歌載舞嘅咩？擺咁多檯凳做咩？」
「你諗多了 邊度有咁多載歌載舞 呢度大家都係圍埋一齊 自的都螺齊齊整整..」村民A斟左杯酒俾暗戰 「多謝...」
今晚我地主要想嚟食炸雞食到飽同飲任飲啤酒 地球人嘅啤酒係有啲苦澀味 不過聞嚟去都係香嘅..
「啲啤酒一定就嚟過期 唔係都唔會免費任飲...」暗護道
「都係嘅 咁咪貨咪要一早訂？」捷克道
「唔到十五鐘己經坐爆人 睇嚟啤酒節對呢啲村嚟講一定有好深嘅意義..」暗戰諗左一陣 先醒起 查爾一定會嚟 但又未見到佢嘅蹤影...
阿英好快手將一盤炸雞放到我地檯上 隼口角都垂涎三尺
講到食 隼一定唔會同其他人客氣.. 隼嘅食相 同三日無食野一樣 第四日仲有任食餐..
「慢慢食啦 前世未食過未食過炸雞咩...」暗戰提醒道
「肚餓吖嘛...」隼一大啖炸雞一隻又一隻
「真係無你收..」暗戰道
個個飲好盡情 仲未見查爾喺酒館 呢條友又話嚟 講講下連阿英都唔見咗 其他村民呢就淨係飲酒同食野 對老闆存唔存在嘅字冇咩好感
「大家有冇見到老闆娘阿英呀？」暗戰左望望右望望
「可能咁啱行開咗佢做嘢姐..」隼邊食邊講
「 酒館有幾忙你都見到啦 佢仲可以放啲乜嘢呢…」暗戰講完 「我去搵一搵老闆娘阿英先 你哋繼續喺度慶祝下啦」
「使唔使我陪你去呀 ...」暗護都企起身
「你留喺度照顧捷克好過啦」暗戰道
於是暗戰單人匹馬去搵阿英 搵曬成個酒館 係酒館嘅後巷搵到查爾 酒館嘅後巷比較陰森恐怖 暗戰會用呢個形容詞嚟形容 好黑同埋溫度比較寒 仲有聞到一陣好奇怪嘅味道 嗰一股味道其實都唔係真係好難聞 只係噏唔出嗰陣味嘅感覺
查爾嘅動作鬼鬼鼠鼠偷番薯 係牆角匿埋 好似係度昅緊啲嘢 我行埋佢嘅時候佢嚇咗一跳 冇諗過原來嚇人沒有咁大嘅反應
「喺度望緊啲乜嘢呀？」暗戰細聲道
「差啲俾你嚇死呀 失驚無神有人彈出嚟」查爾再道「你望下 阿英係做緊啲乜嘢？」
「佢喺度煲緊嘢囉 有咩問題呀 」暗戰唔多明白查爾嘅用意
「但係呢陣味好奇怪喎 佢唔係埋諗住煲呢啲俾我哋食呀嘛」查爾道
暗戰都唔知咩嚟 如果查爾唔係咁講嘅話 唔係食物 唔係為今晚啤酒節嘅更加唔係咩習俗...
「咁你咪過去問下佢囉 你喺度偷偷忙都冇用㗎 ..」暗戰道
「我只不過係驚打草驚蛇姐 如何知道個烹嘢係咩就好啦..」查爾道
「 真係好老實 你與其喺度估估下不如過去問阿英好過..」暗戰道
查爾掙扎咗一陣 佢都係忍唔住衝上去 拍左阿英膊頭一下
「你係度煲緊乜野？」
「係唔係好臭呢.？哈哈哈 呢個煲入面全都係紅蘿蔔素 煮成汁 就會好美味.. 令人忘懷」阿英笑聲不斷
暗戰同查爾都未聽聞過阿英口中所謂嘅紅蘿蔔素 仲有個陣味根本無蘿蔔味 佢係咪搞錯左啲乜咩
「你肯定個啲係紅蘿蔔嚟？定還是你作個名落去？」暗戰不解道
「係一種新品種毒素 不過接觸完之後就會發作..」阿英道
「姐係話 山威博士中毒嘅事都係關你嘅事 係咪咁...」查爾開始有啲慨憤道
「你又會聯想到紅蘿蔔素同山威博士有關嘅 犀利..」阿英再道「不過你講得無錯 山威博士的確係我毒死嘅...」
「佢到底得罪你啲咩？你要落毒毒死佢...」查爾道
「關你咩事呀 阿叔 ..」阿英聲線瞬間增高 兇狠道
「佢係我阿哥 你咁夠膽話唔關我事？你試下你痛失親人會係點...」查爾突然開始流眼淚
「哦...原來佢係你阿哥 咁得得 你阿哥真係傻嘅 以為自己個名有個威字就好巴閉..？ 佢呀 同我一齊之後 話夾份投資呢間酒館 跟住又話要查咩異界嘅事 我同佢件事非常危險 叫左佢唔好去 跟住佢死都唔聽 仲日日廢寢忘餐..日日都係咁 喪失理智」阿英提起件事就眼火爆
「咁你咪同佢分手 做咩毒人 ...？」查爾道
「分手？講就容易...佢肯放手都好啲 最慘又唔係咁 我忍無可忍就搵機會毒死佢 等外界以為佢係入去異界中毒死..」阿英道
查爾覺得呢個女人心腸都歹毒 雖然又唔係咩血腥殺人事件 但呢件事睇得出一個人 凡事真係唔可以睇表面 前一秒仲好善良同我地講話一定要嚟参加啤酒節 下一秒就係一隻惡魔
「簡直欺人太甚..」查爾狠狠地用拳頭攻擊阿英 而阿英佢唔識武功 反應比較慢 完全唔識避開或防守 查爾打中左阿英 個一下憤怒集中哂佢發揮嘅能量 阿英俾查爾打到重傷跌左係地下
暗戰見到查爾嘅動作有啲敏捷 但佢個款同一個中年大叔無分別 仲要識武功 睇嚟真係人不可以貌相..
「停手啦 你打死左佢 山威博士都唔會醒番架啦...」暗戰道
「我要嘅話就攞我嚟發拽 唔好搞其他人...」暗戰道
「好呀 你講得呢句就唔係道理啦 外星人幫一個殺人犯頂罪 好野 殺左人可以饒佢一命 呢個世界變左啦...」查爾火爆道
「我無講過要放過佢 我只係唔想睇到腥風血雨嘅畫面係呢度上映..我知道地球人有所謂一套嘅法律制度 我情願交俾法律制裁佢..」暗戰道
「你係度同我講乜鬼野法律 你呢個外星人 識條鐵咩 係馬克斯村莊講法律？你知唔知馬克斯同出面隔開一個距離？又無法院 可以搵咩人制裁佢？」查爾道
「人義道德都唔容許我咁做..」暗戰心有不忿 自因有顆善良嘅心
「好好笑呀 外星人同我講仁義道德..」查爾苦笑道 向前指住暗戰個心口
阿英意識仲係清醒嘅 佢搖一搖頭 不過態度都係都啱先一樣..
係馬克斯村殺左人 又真係唔會受到外界嘅法律制裁 由佢地村嘅人話哂事 會一班人開會討論點審 如果好似山威博士中毒咁樣 一係就置諜不理 唔查真相 一係就交俾出面嘅警察去查 馬克斯村嘅人大多選擇前者 因為件事同異界有關 點叫外界啲警察查...？
「山威博士其實都係忙於自己埋頭苦幹 應承左人地嘅野都當無到 佢查咩異界又唔係為左賺錢為我地生活 有咩意思？」阿英緩緩地行身
「佢搞到山威博士死之餘仲連累到其他人 人兄你仲想放過佢？」查爾道
「我知道佢犯左啲唔該犯啲事仲搞到其他人 我誠諾會搞好件事佢...」暗戰再道「我淨係想問多一件事 山威博士死左你再煲紅蘿蔔素係咩用意？仲有其他人想毒死佢？」
阿英己經吞吞吐吐緊嘅時候 查爾一拳打中佢嘅致命傷
「你知唔知自己係度做緊乜野..？」暗戰上前扯住查爾件衫 另一隻手想打落佢度
「我唔想知道自己做緊乜 我淨係知道毒死人就要填命..」查爾喊緊出嚟 情緒唔受控制 一隻手拍住訓係地上嘅阿英
暗護佢地見到我都仲未番到嚟 個心有啲唔安樂 不斷搵暗戰 佢地點都搵到嚟酒館最陰陰森森嘅後巷
「佢地係度呀..」間護第一個見到暗戰 查爾係現聲 地下仲有一個訓左嘅人 「阿英？」
暗戰望一望後面 見到佢地嚟搵自己
「你地嚟左嘅？出面唔慶祝喇？」
「等左你咁耐 擔心你嘛 我地慶祝都慶得唔安樂啦..」隼插口道
暗戰都估唔到隼咁有佢心
「我邊會有事 放心..」暗戰道
查爾趁我地係度講野 乘機脫離 其他人想追番查爾 都俾暗戰攔住佢 佢地無問點解 知道一定別有用意
「本來開開心心嘅日子 搞到要殺人..」捷克有啲扁哂嘴
「咁咪係囉 真係掃興呀..」隼本來仲食緊炸雞 不過 佢嘅炸雞 本來就食唔完
「呢個人為左哥哥點都會報仇雪恨...」暗戰道
暗戰將今晚事同大家講述一番 暗戰唇槍舌戰 一色兩角 講個不停..
啤酒節無左阿英 什麼都唔係 啲細嘅知道老闆死左 應該話係兩個老闆都死左 佢哋都唔知點算好 啲村民走嘅走 散既散 有人係酒館死左 點都要驅逐啲人群
現場嘅情況有些小混亂 因為事情嚟得太突然 開心嘅節日到頭來一場空
啲村民走哂之後 暗戰決定主持大局 雖然我哋唔係地球人 但係我哋有一顆善良嘅心 唔係跣人嘅嗰個心 係真心待人嘅果個心
「 其實也很做我哋嘅老闆就夠㗎啦 馬克斯村莊都只係得兩三間大酒館 呢度係其中一間 最近亦比較盛行 」暗戰聽完佢一大輪野 好想接手呢間酒館
「暗戰 你個心諗緊啲乜嘢呀？」捷克 其實都知道佢想接手呢間酒館
「 你應該都知道我諗緊啲乜嘢嘅...」暗戰直言道
「 係呀 我只不過係想睇下你有冇再諗清楚之嘛...」捷克道
「有 佢地需要老闆 我地可以幫到佢...」暗戰道
「暗戰哥哥 我哋唔係地球人呀 我哋又唔識地球人嘅規則 你肯定我哋真係管得到㗎喇？」隼心諗我地係保護地球 唔係保護林立酒館
「我決家左喇 直到有人再入資呢間酒館先退位讓賢啦 唔通叫佢地執左佢咩？ 呢間林立酒咁嘅生意好似都唔錯 我只係覺得執咗個係嘥咗啲囉...」暗戰道
比左隼 佢想任食炸雞唔嬲...
「隼一定係諗住啲炸雞啦 如果呢個執咗就真係冇得食㗎喇...」暗護望向隼「你自己都唔捨得啦係咪先..」
為左炸雞 隼都支持暗戰接手酒館
「咁查爾佢點 殺完人走左 你由佢逃之夭夭？」暗騎道
「梗係唔會俾佢走得甩㗎啦 但係我好明白佢痛失哥哥嘅滋味...」暗戰再道「就算我肯放過佢 馬克斯村莊都唔會放過佢 同埋佢一定走唔出馬克斯村莊」
講講下野 就有一班人嚟酒館 帶頭嘅係馬克斯村長 佢哋想入嚟調查阿英死嘅事
「放心我已經搵人封鎖咗馬克斯村莊嘅所有出入口 查爾一定走唔出村莊..」
「咁捉到佢之後 諗住打算點樣處置佢？」暗戰想知道馬克思村莊係唔係都係殘酷嘅
「如果外面警察受理既 我會交俾警察處理 如果佢哋唔受理 我哋處理嘅方法就係殺..咗..佢...」村長道
暗戰知道咗村莊都係咁麻木不仁 點解可以隨隨便便就殺一個人 呢個村莊 村長根本就係王法 真係好恐怖...
「你地將法醫條屍處理成點？」村長突然一問
「我地將佢埋左係一個唔起眼嘅地方..」暗戰道
「混帳...如果毒素傳到我地咁點算...」村長有啲嬲嬲地 佢只想保護啲村民唔俾佢地其中有事
「我地只係暫時將佢埋住 仲有我地會搵到源頭同 埋搵安格毒素嘅解藥..」暗戰道
「 安格毒素而家都係得佢地兩個中過 仲搵咩解藥？」村長道
「總之 我地嘅職責點都會搞好佢..」暗戰道
「你搞好要搞好嘅事就得啦 阿英同果個男人佢交俾我地處理..」村長講完之後跟隨一班人入去後巷
捷克最想問一件事 安格毒素嘅解藥基乎絕跡 仲可以係邊度搵..始終都係會搞到大頭佛出嚟
暗戰只係想拋窒下村長 等佢退後 好讓自己再諗下下一步應該點做
番到去法醫被葬身之地
我地仲諗緊點樣處理佢最好.. 就咁一直擺係度 村長又會擔心毒素傳人 無人會去搞條屍 又點可能會中毒...
「直接埋葬係異界裡頭 幫佢打得好好睇睇..」暗戰諗左咁耐嘅第一句說話
不過捷克佢查到一啲野 就係啲人中左安格毒素死後 一段時間就會無哂啲毒 ..
捷克將呢咁重要嘅事同暗戰講述
「橫點都係 埋葬係異界最好 有無中毒都好 村長一定唔會俾法醫留係度 村長個性格真係要小心睇下..」暗戰道
「佢有啲我行素嘅feel 我就唔多鍾意呢類人 咁都可以用做到村長 真係無天理...」暗護道
「咪就係囉..」隼認同暗護嘅說法
我地而家最要做嘅係搵到毒素源頭 咁先可以放心落去...
另一方面...
馬克斯鄉公所
村長同村民們係度開會
「阿英同山威博士 咁酒館點算好？」村民A提出道
「我點知呀... 搞咁大壇嘢要我處理 真係麻煩..不如你地教我可以點樣解決..」村長心態想想唔理
村長嘅說話令村民B覺得有啲不負責任
「我唔係好滿意村長嘅態度...」村民B道
「唔滿意？當你做到村長就會好多野煩 ..」村長嘆氣
「我地嚟係俾啲意見俾村長 等村長好好参詳下 而唔係叫村長一個人做哂 唔係嚟開會做咩..」村民C
道
「我提議下睇下在場嘅人有無肯接手間酒館？」村民A道
大家沉默左一陣 到最後無人想舉手
「執左佢 拆左間酒館再起另一樣野 好無..？」村民舉手提出
「呢間酒館係村內幾受歡迎 點都唔可以拆 我地先將佢停業 等到有人肯接手酒館再打算啦 既然大家都打算接手要一時間接手呢間酒館 我明既 需要花大量時間同心水 又唔係個個可以做到 呢個就係我嘅方案..」村長講出嘅方案 個個村民都點頭贊成
「幾時都話 村長最英名嘅...」村長B道
「另外己經捉到殺阿英兇手 佢為哥哥報仇 我明白佢嘅用意 但報仇而殺人 我就唔係好接受 轉頭會同警察傾下 交由佢地處置 畢竟佢唔係呢條村嘅人...」
村長道
個個村民仲諗住可以自己村解決件事 村長竟然交俾出面嘅法律處理....