英雄決定聯盟：超越人類的智慧: 異界殲滅者2：怒羞成怒（上）
地球
美好嘅一天...
馬克斯村莊 林立酒館
山威博士嗌左一大桶白酒 覺得自己好有格調 通常紅白酒都係用酒杯飲 佢就特別啲用木桶裝嚟飲 佢 話咁先暢快 坐係窗邊 想灌醉自己 所謂一醉解千愁
最近某啲事去左異界一趟 正正就係最近查異獸嘅物種 以及佢嘅基因 但佢查嚟查去都無頭緒 有時又會係度飲悶酒 好似而家咁
......
異界某山洞
「fire..」山威博士係現場見到一隻訓左嘅異獸「呢度有一隻死左嘅異獸可以做實驗. 」
佢將一支試針刺入己死嘅異獸裡頭 自以為成功嘅山威博士 被困於山洞裡面 出面出現百年難得一見嘅冰雹 仲越落越大 佢暫時走唔到 就算出到去地球 都無用 異獸嘅基因太多太複雜 佢都要花太多時間鑽研
山洞只有山威博士同一隻死左嘅異獸 佢自己有帶部電腦 橫點走唔到 藉此係度研究下 異獸係點嚟..點解會有異界傳送點
係研究上 無人會幫到佢 一來太危險 二來研究需要少量經費 通常都係自己貼錢 除非遇到我地 異界殲滅者 唔多唔少都會幫到手
等到冰雹慢慢收細 山威博士就嗱嗱聲番去地球 先發覺 試針唔係身上 之前都試過一次 無程程唔見左試針 啲異獸有啲都好聰明 識得聽人類嘅說話 可能咁樣而去舒走試針都唔出奇
所以山威博士一煩就會灌醉自己 每一次有事飲完酒第二朝又會重新開始新旅程 幫得馬克斯村莊幾多得幾多..
「爽呀~」
講完好興奮之後佢就暈低左係檯上面 一直都無人留意同叫醒佢 個個都知道佢一有煩惱 飲酒再到訓著左 都係閒事 不過今次就直到酒館打烊 先知道佢不醒人事
「喂 山威...」酒館阿英 不斷拍拍佢膊頭 想叫醒山威博士 但佢一樣無反應 阿英係酒館老闆之一 好多野自己都會親力親為 做野之前都會先戴上手套 以策安全..
直到救護員入嚟酒館送山威博士去附近醫館救治 離酒館兩分鐘路程左右 但救左十五分鐘就己有宣布搶救無效 證實己經死亡
消息非常突然 震驚成個村莊 後來查到唔關酒館事 有人指出山威博士太過瘋狂調查異獸先會搞到自己咁 自己又獨行獨斷 成日又會有自己做事嘅一套 所有野都係佢自己咎由自取
之前山威博士仲查到有異獸一定會由異界傳送點過嚟地球
除左研究異獸嘅基因 又要諗大類唔覺意上到去異界女又會好危險
馬克斯村莊內嘅人 知道山威博士死後 第二日 消息己有開始人傳人 全部人都知道咩事
我地異界殲滅者點會就手旁觀 自從同異域博士失聯 有時都見到山威博士嘅努力 我地都唔可以鬆懈
我城不嬲過住原始人 簡單又撲素嘅生活 唔係好似地球人咁 又大魚大肉又飲啤酒可以解愁 靠獵殺怪物再燒烤佢地 好比地球人嘅雞豬牛 味道亦都係差唔多
我地一直生活於異界 今日去左地球一躺 就聽到有啲閒言閒語又話異界人信唔過...
第二日就突然傳來一則新聞 法醫己經一口咬定山威博其實仲未死 仲知道佢體內擁有毒素...
三日後
就有一隻異獸發出咆哮聲 完全中左劇毒咁 慢慢成個身體開始抽搐 到最後訓左係地上 毒素開始傳左去異獸身上 最後一次嚟過呢度嘅係山威博士 打完試針都會引起副作用 暫時仲未確定到係唔係同山威博士嘅死有關...
可能會問 點解唔直接將異界嘅出入口封住佢 理由好簡單 傳送點係點都唔會封死 異獸一走近 一樣可以打破關口 所以我地盡量將異獸同地球共存 只不過有啲異獸會變形 佢地自己都不受控制...
有一個地球嚟嘅朋友 佢無講明自己嘅身份 我地係異界見到有地球人 即係話 地球人己經個道異界傳送點...
「呢度係唔係得你幾個人係度生活？」查爾見到眼前三幾個帳篷 其附近地方都己經夷為空地 只係未有異獸出現
「係 無錯 我地係想阻止異獸經過傳送點..」間戰道
「有無諗住點阻止啲異獸？一直同異獸打架？」查爾道
「地球人 我地肯俾你嚟呢度己經好俾面你 你要知道異界好危險..」間護阻礙查爾
我地示意查爾離開 唔想佢受傷害
「咁你地都要諗辦法將異獸同地球隔絕 如果你地係度扎營都唔係辦法..」查爾離開傳送點
查爾講得有道理 我地不斷阻止都只係浪費時間 ..
查爾走後不帶走一片雲彩
........
番到
馬克斯村莊
有虛名法醫 去調查 山威博士嘅死因 先發覺 山威博士 死人個種面清口唇白 只係好似沉睡係床上嘅睡公主一樣 中左一種毒 法醫覺得呢種毒同好耐之前嘅毒素一樣 世人名為安格毒素
而且山威博士嘅毒素不知不覺傳入呢位虛名法醫身上 佢無為意自己身上己經有安格毒素 照樣繼續生活
「我好肯定山威博士未死..法醫向村內開一次演講
個個村民係下面聽佢嘅說話
有啲人又己經證實山威博士己經死左 又啲又話佢未死 村民都仲未係好分辯到事實嘅真偽
「一時一樣嘅 都唔知邊個先係啱..」一個村民穿得比較撲素 語氣有啲重
「佢未死咁幾時先醒番？」格籬嘅村民又追問
「冷靜啲先...,我係外面係一個法醫嚟 所以我驗山威博士嘅時候 第一下模落去 完全唔似死人會發生嘅事 通常屍體都係冰冰冷冷 但山威博士竟然係相反 係熱血沸騰 第二點 安格毒素 係有得救嘅 未至於會去到死 就算真係會死 機率都好低」法醫繼續演說
「你咁講有咩方法可以解決安格毒素？」村民說道
法醫身上開始發出冒汗 開始個身唔受控制 有人箍住佢條頸 令到法醫完全抖唔到氣
「佢做咩事？」一個一個村民受到驚恐
「仲掂過山威博士 即係佢有安格毒素叛變呀 大家快啲走呀...」村民急不及待離開演講廳 有好多人開始圍封現場 法醫漸漸不由自主 到最後同山威博士 暈左係地上
但係山威博士中毒之後都無法醫大毒之後咁誇張 人傳人之後就會強化 無人會再親近佢
村內鄉公所
「點解法醫會講出呢句言論？」村長同有啲村民紛紛討論此事
「山威博士死嘅時候都係得法醫掂過佢 會唔會二度叛變.？」村民道
一切嘅事 村民村長都摸不著頭腦 給終都係由我地異界殲滅者去徹查......
馬克斯 村長 直對山威博士嘅死耿耿於懷 村長無論如何都要搵我決定問題
因為我係team leader 暗戰
我直接去咗馬克斯村莊嘅鄉公所一趟
馬克思村長好好人 遞上一杯佢哋條村最矜貴嘅茶 自問我係異界就未飲過 飲得嚟又唔苦 有啲清新嘅感覺 村長拜託我一定要我係異界查下異獸嘅事 如果唔係病毒引入嚟 地球就好危險
我當然知道點做啦
我同村長坐咗喺梳化
「呢件事睇嚟唔係咁簡單 我哋喺一邊生活咁耐都未聽過安格病毒嘅事...」暗戰道
「 呢個山威博士又係嘅 查咩都好安全為上 而家查咗大頭佛呀 搞到我哋條村咁...」村長道
「聽講有個法醫都係咁樣而死亡...」暗戰道
「 係呀冇錯 佢最後接觸咗山威博士嘅身體 所以佢先至中毒 我哋冇人咁去嗰個範圍清理 所以想請你哋嚟處理下呢件事...」村長道
「放心啦 我哋識點做㗎啦....」
同村長會面過後就離開 村莊鄉公所 暗戰直接去法醫 發作嘅現場 佢成條屍非常恐怖 好似屍班嘅臉貌 耳仔都溶溶爛爛 簡直慘不忍睹 周圍有好多圍欄欄住現場 冇人可以入到去 因為入得去嘅都唔會死人 仲有機會人接觸其他人
呢個時候查爾就喺我身邊 佢真係 鬼鬼鼠鼠 令我嚇咗一跳
佢望住法醫嗰條屍體 冇出過任何一粒聲音
「 我想請問下 你對呢個法醫嘅死有咩睇法？」暗戰道
「計我話殺曬啲異獸最好不過...」查爾道
「異獸 對人類好有研究嘅價值 如果唔係山威博士 都唔使特登返時間去查佢..」暗戰道
「 你唔係地球人就係咁講啦 我住喺度㗎真係好驚病毒會傳染...」查爾道
「 你要記住啦 異界 係一個非常危險嘅空間 你最好唔好入去 異獸 都冇可能滅絕 點樣都係存在 我哋知可以阻止異獸進去嚟 又咁樣講 如果人類唔會去研究異獸 其實啲異獸都唔會獸性大發...」暗戰道
「係人見到個窿都好奇啦 更何況係我....」查爾再道「 點都好啦 啲日唔解決安格毒素 一日村莊都唔會安寧」
「 都唔係淨係關馬克思村莊嘅 如果傳出到外界 就係成個地球嘅事 我哋都要負上責任」暗戰道
另一方面
千干洞二段
出現咗一隻異變基因 雙頭獸 佢係一個 深水潭浮上來 一上水就好似想搵獵物一樣 一直以來佢都冇食嘢
暗護 捷克 暗騎 隼 分道揚鑣 兩個去千干洞 因為嗰度深不可測 另一隊去 火山洞穴 睇下有冇啲異變基因嘅異獸
暗護行入去最篤 到左千干洞 好耐之前喺呢度殺咗隻異獸 故此重回舊地 就發現仲有第二段山洞口
有一隻雙頭獸緩緩地走出嚟 佢竟然見到暗護同捷克 但係雙頭獸對捷克呢個小矮人有興趣 如果想食咗佢 醫番好過肚 但係暗護 點樣都會保護捷克 唔會俾捷克有生命嘅威
脅 見到雙頭獸 發出凌厲嘅尖叫聲 下一秒就起勢衝向捷克身邊
暗護 示意捷克一齊離開現場
捷克同暗護耳朵都戴住個headphone 所以可以互相偵測到大家嘅位置之餘 仲可以通話 第一時間同暗騎 隼佢地知
「我唔係好清楚 呢隻異獸係唔係已經都中安枱咗毒 .但係 佢係咁起勢追我當我係獵物咁樣..」捷克道
「 你咁細粒粒 係人都想當你獵物 咁啦...」隼玩笑道
「 究竟係唔係安格病毒 都要等暗戰返嚟睇下點樣先 如果我跑完打草驚蛇 又唔知雙頭獸做啲乜嘢...」暗騎道
暗戰已經番到異界 所以佢聽到headphone大家嘅對話 收得一清二楚 因為佢哋喺異界 而暗戰佢去左地球 所以兩邊信號收唔到 暗戰點做都好 都無辦法係地球俾指令係異界嘅佢地
「 我收到曬你哋所講嘅嘢 唔好理咁多啦 地球又出現一個中咗安格病毒嘅人 唔好理呢隻雙頭獸係唔係中咗毒 只要佢對我哋有威脅 我哋都要殺...」暗戰一聲令下 個個都集合到千干洞入口處 但雙頭獸己經出左嚟山洞了 佢終於重見天日 睇到異界嘅天空 不過個天都係黑黑紅紅咁...
除左暗戰未到 其他人都到齊 準備向雙頭獸迎戰 雙頭獸 奔馳嘅速度太快 隼就先拔頭籌 向雙頭獸不斷開槍 但係冇一下中到雙頭獸 雙頭獸要轉移目標 唔搞捷克 先搞點隼 隼嘅槍擊 雖然射程遠 可惜對打近戰信心減半 仲要速度動作比較輕快 隼唔容易對付
「 我係呢度起武器所嘅作用 就係想強化你哋...之前個異獸太過垃圾 眼前呢隻雙頭獸我又唔明點解會係千干洞出現 ..」暗護道
「支槍唔夠狠...」隼道
「點射都唔會中 佢閃避嘅速度根本快過你...」捷克道
「大家唔好搞佢 等我嚟..」暗騎 騎住一隻黑馬 威風凜凜
向佢眼前嘅雙頭獸道「雙頭獸 你嘅目標係我 唔好諗住搞小矮人 先過我呢關..」
但係雙頭獸嘅視線無離開過隼 完全當暗騎透明 繼續追擊隼
「隻雙頭獸 唔單止鍾意 仲鍾意我..」隼有啲不知可惜
暗騎快馬加鞭跑向雙頭獸 從正面襲擊佢 個一刻 雙頭獸無諗住還擊 只係搖左兩下頭 就繼續捕捉作嘅獵物
「我又唔係小矮人 點解要追住我？到底點解..」隼道
「因為你靚仔囉 係異界殲滅者裡頭 最靚仔非你莫屬..」捷克諷刺緊隼
「呢隻野有啲難掃 ..」暗騎向住雙頭獸追 而雙頭獸又追住隼
「異獸又唔會攰嘅 佢點追你都得...」暗護道
暗騎示意隼行慢少少 更加容易擊中 雙頭獸 隼聽左暗騎嘅指令 放慢腳步之餘 到左接近隼嘅背脊嘅時候 隼踎低左係地上 俾而雙頭獸趁機爪向隼 但雙頭獸嘅攻擊落左空 大好機會嘅暗騎順住個勢 跳過去雙頭獸身上
揭止左雙頭獸嘅行動 佢無法再移動 暗騎正正踩到身上 雙頭獸只可以不斷喺度糾纏 垂死掙扎之際 暗戰出現係大家面前 一把劍 拮落雙頭獸嘅其中一個頭頂 頓時己經失去知覺 就咁將條屍直接放係地上
「真係嚟得好及時.」暗騎開心道
「真係呀..呢隻野係千干洞出現 即係話 千干洞仲有啲隱居嘅異獸我地仲未發掘..」暗戰道
「咁佢有無類似中毒嘅跡象..？」暗騎道
「有啲似..」暗戰道
「點都好 山威博士試針嘅地方一係要查 不過異界好多山洞 又多啲唔平穩嘅路 所以都唔知可以點搵...」暗戰道
「慢慢搵囉 ..」隼道
「目前係得呢個方案..無其他諗法 其他人又點睇？？」暗戰道
「你ok就得啦..」其他人都無問題
「查千干洞最實際..」暗騎道
首先都係由千干洞入手 暗戰比較有慧根 又或者咁諗要從山威轉士嘅角度諗 佢到底知唔知千干洞嘅存在？
「既然嚟到千干洞 就查左先 ..」暗戰再道「你地查左火山洞 有無咩異常？」
「火山洞反而無咩問題 完全無異獸係度 ...」暗騎道
火山洞穴 溫度比較熱 異獸又鍾意去火山洞聚居 不過到左某啲日子 火山隨氣候氣溫會下降 可能呢個原因導致異獸離開火山口
「好 我地繼續行..」暗戰道
佢地頭上有裝備左一盞頭燈 開燈方便我地照應 向前面行 裡面仲會越行越黑 無燈就真係好危險...
我地到左千干洞 仲有第二段山洞 暗戰就好奇咁問「點解山洞裡面仲有山洞？之前我地探索嘅時候好似都無..」
「唔出奇啦 呢度山洞 會隨時而殞落 導致衍生第二段山洞..」捷克對眼係一個透視眼睛嚟 可以查出各種嘅資料..
「正常嚟講冇可能 啲石跌落嚟就會衍生第二個山洞..」暗戰道
講完之後就有一大堆異獸出哂嚟 多不勝數 每一隻都急不及待向住出口方向衝前
我地反應不及就中左佢地衝擊嘅攻勢...
「啲異獸...咁多嘅...」
暗護道
「唔好俾佢地出去異界傳送點 俾佢地入去就弊喇...」暗戰道
「無問題 等我一野展過去...」暗騎 騎坐黑馬率先衝鋒 將異獸斬開成兩邊
「做得好呀...」暗護道
暗騎己經衝到去異獸嘅開端 將佢地通通殺一儆百
「真係好險...」隼道
「我地唔入去 啲異獸都唔出嚟 肯定有問題...」暗戰諗左一陣
「真係得人驚...」捷克道
「而家無事啦..有我保護大家架嘛...」暗護道
暗騎返向我地 繼續我地嘅路程 第二段山洞 有啲沒完沒了嘅感覺 就算山洞上面啲石會降落都好 無可能跌到條路咁整齊 仲有 跌左嘅石會去左邊？ 山洞左右側都無石頭嘅痕跡...
但其實我地都只係兜左一條路行 山洞原來係一個圓形 仲要係捷克佢發現件事 捷克好懷疑山洞二段整到咁絕對係人為..
「兜左個圈都無咩進展 除左頭先一堆異獸...」隼道
「唔好咁老定 可能仲有啲野我地可能唔察覺..」暗戰道
於是大家定分開行事 查下第二段山洞仲有其他奇怪事 除左顯眼嘅水潭 其他都係正常 ...
暗戰仲覺得雙頭獸好大機會係呢度湧現..
捷克用眼晴己經睇穿左 千干洞裡面無異獸中過安格毒素
安格毒素係會令提抽搐 但異獸好明顯係叛變 眼睛本身正常藍色眼睛就變到好仇恨嘅眼神
不過千干洞經我地查過之後 都可以放下心投大石 千干洞算係一個異獸重災區
大家離開左千干洞 直接番去原本大家帳篷嘅位置 就見到幾個帳篷已經殘破不堪
「到底發生咩事呀？點解啲帳篷爛曬嘅...」捷克
捷克本來想送啲禮物俾大家 佢份禮物就係想每一個人都可以提升到自己 係一件開心嘅事 但係而家帳篷俾人打爛咗捷克情緒非常唔開心
「肯定係啲異獸..」暗戰一口咬定係異獸做
「 咁會唔會已經入咗去地球呀？」暗護道
「之前嗰位人兄講得冇錯 一定要將異獸斬草除根先得...」暗騎道
「斬草除根就真係難就啲囉...」暗戰道
「使唔使去地球check返一轉？」暗護道
「 都好 睇下咩情況先 我哋立即出發 ...」暗戰道
地球
馬克斯鄉工所
幾個村民同村長再搓次喺度開會
「到底請咗異界殲滅者嚟幫手未？」 一個村民問道
「 我叫左喇 希望佢哋都係做事啦 我都相信得過佢哋呀 因為淨係佢哋先有地球人冇嘅嘢...」村長道
「我都希望係咁 ..」村民B 道
「 咁法醫嗰條屍體 係唔係都由佢哋處理？」村民A道
「 梗係啦 我哋人類掂咗會中毒㗎喎 唔通你哋個個都想
死咩...」村長 語氣加重
「馬克斯村莊嘅人本來就怕死... 我相信冇人會去搞條屍體...」村民B道
「 得㗎喇 佢哋會搞㗎喇...」村長道
村長同村民最驚嘅就係我地放啲異獸過嚟殘殺地球人 同破壞馬克斯村莊
異界傳送點一日喺度 村長同村民一日都唔會安樂..
「 點解佢哋唔將啲異獸斬草除根呢..」村民A道
「 呢樣嘢你都係要問返佢哋先知喎...」村民B道
「應該冇咁簡單嘅 ..」村民C道
而我哋例地球嘅第一時間去咗馬克斯鄉公所 我哋見到村長同村民喺度開緊會 順便入嚟打攪佢哋
原來佢哋開會講緊我哋
但係照咁睇嚟 佢哋應該都係安全 馬克斯村長就同暗戰講一件事 希望叫我收拾法醫屍體呢個殘局
咁又係嘅 我哋係異界殲滅者 係唔會怕 乜鬼嘢安格毒素...
「 上次你嚟嘅時候已經想叫你處理好佢㗎喇 不過你好快又返咗異界...」村民道
「 唔緊要啦 我而家係得一樣姐 更何況毒素唔會由空氣直接人傳人..」暗戰道
「 乜你哋唔驚重讀咩...下？」村民A道
「 我哋唔係地球人 根本唔會怕安格毒素..」暗戰道
講完
我地去左法醫所在地
同之前一樣 原封不動咁瞓咗係現場 啲地球人始終都係貪生怕死 其實帶個手套去清理咪可以解決咗個問題囉 真係覺得我哋大才小用
「埋咗佢定係點呀？」暗騎道
「如果喺地球呢一邊嘅話 我會選擇搵個僻靜嘅地方埋葬咗佢 畢竟馬克斯都好多呢啲唔起眼嘅位置 如果係傳送去異界 我會嚟手掉咗佢置諸不理 或者俾異獸當食物..」暗戰道
「咁啲異獸食左咪會中毒囉？」暗護道
「 如果真係中毒嘅話我哋殺咗佢咪得囉 ..」暗戰道
「不過如果得有好多地球人中左毒 第一個方案就用唔到幾多 ..我哋將佢放係異界先 至少 搵出安格毒素嘅來源 我哋先會放心..」暗戰道
「 好彩地球都仲未係有事..」暗騎道
於是我哋趁呢嚟地球一趟 決定去酒館 飲酒好美味嘅炸雞 有陣時都要放鬆下自己先得嘅
一路行 就見到查爾呢位兄弟
佢又會咁啱得咁橋同我哋撞到嘅 仲同我哋打聲招呼..
「我咁啱經過呢頭 知你地嚟左 我一定要歡迎下你地嘅...」
「有咩好歡迎 我地成日都嚟...」隼有啲不滿
「阿隼..」暗戰向隼打眼色 示意佢退後「我好想知道你嘅身份係咩？可唔可以同我地講 我知道你唔係咁簡單嘅...」
「咁聰明嘅 呢位一定係lender 我係山威博士嘅細佬 我係查爾...」查爾自我介紹
見左山威博士咁耐 我無聽佢提起過佢有個細佬 暗戰分唔出呢個人係唔係講大話
「咁你去異界係想查山威博士嘅死因？」暗戰問
「我都係係外面聽到阿哥死亡嘅消息 阿哥埋頭苦幹查異界嘅事 我當然一直反對 而家又搞出個佛..又話中左毒死 件事一定唔係咁簡單嘅...」查爾再道 「我仲知道到佢係馬克斯村呢度 同人夾份開酒館...」
「酒館 一定係我地成日去開個間...」暗護道
「係咪叫林立酒館..？」查爾道
「係呀 你都知道得幾詳細..」暗戰道
「你係唔係發覺林立酒館老闆有咩唔妥？」暗護道
「我去過一次 佢手一定戴手套...」查爾道
「佢係老闆 佢戴手套做野都好正常嘅 衛生啲呀..」暗戰道
「但係佢所有野親力親為 一腳踢 都唔多搵啲員工幫手就有啲奇怪左...」查爾道
「可能係自己開嘅 點都會做好啲...」暗戰一直係咁幫住林立酒館老闆 佢無話邊個幫邊個 喺係突然之間殺出一個程咬金 話山威博士嘅細佬 點都會有保留...
「先唔講酒館 異獸點解無端端會中毒 我真係唔信阿哥要自殺...」查爾道
異界本來就好安靜 就係山威博士 同異域博士又話查呢樣個樣 ..
「有無諗過會係異域博士做嘅好事？？」突然暗護問
「邊個係異域博士？」查爾聽到我地係度細細聲講野 佢真係順風耳嚟 差唔多無聲嘅口吻佢都聽到一清二楚 真係唔簡單畈
「我地咁細聲你都聽到嘅..異域博士都係調查異界 佢自己仲有探員 之後就失左蹤了...」暗戰道
「咁唔駛審 一定關佢事...」查爾道
「失左蹤姐 都未必關佢事...」暗戰道
「呢個人唔駛幫 如果唔關佢事 點解 佢無咩無緣無故失左蹤？畏罪潛逃呀..」查爾道
查爾無端端屈一個你辜嘅人 又真係過份左 更何況異域博士係生係死都未知
「今晚每人一檯免費大炸雞 放心你地都有 你地都係超級貴賓嚟 炸雞全食唔嬲..」阿英嘅說話令隼開心起嚟 招待到我地外界人 亦係佢嘅榮幸
「我地行喇..」隼開心到跳起
「你係異界殲滅者成員之一 行為唔該檢點啲...」暗戰提醒隼
「玩埋今日啦..」隼道
「當然 嘿...」暗戰道
查爾都想跟埋去睇下有咩玩 同埋查爾己經懷疑緊阿英 點都要查一查佢..
「今晚7點後不見不散 我番去準備下先...」阿英雙手攔截我地 隨後離開左我地 「約定左就唔好甩底...」
我望一望地球人嘅時間 己經先係下晝兩點...
「有無搞錯 己家先兩點 我等到青筋都現形呀...」隼道
「你咁心急做咩姐 前世未食過炸雞咩..」暗騎道
「全部任飲啤酒喎 真係好難得呀..」隼道
我地同查爾分別左 佢點都會7點準時到場 到時仲有好多村民 會嚟慶祝啤酒節...
「如果查爾會去嘅話 佢一定查林立酒館嘅老闆...」暗騎轉左話題
「知唔知個林立酒館老闆叫咩名？」暗戰道
「好似叫阿瑟？」隼好快速地回答
「咩野阿瑟呀 佢女人嚟架 阿瑟係男人名嚟嘅 okay...」捷克反駁道
「我都係話好似呀嘛..］隼道
有時我地都會吵吵鬧鬧 唔吵架都唔安落但最後點都係和平收場 因為我地仲係好合拍嘅隊友...
「人地唔係叫阿瑟 係叫阿英..」暗騎道
「阿英...」暗戰諗左一陣「佢同山威博士合資酒館 會有可能生意上有拗撬 跟住設局殺佢？」
「連你開始懷疑佢？啱先你都見到阿英佢幾咁誠意拳拳 邊一忽係殺人兇手？」暗護道
「我只係將諗到嘅野大膽假設 我都唔想係真嘅..」暗戰來唔切反應
「仲之都係小心啲 我唔想再傷害啲無辜嘅人..」暗護道
「當然...」暗戰再道「既然係咁 先將法醫搬走佢 暫時搵個地方埋住佢」
「你話有無咩辦法可以解除安格毒素？」暗騎突然道
「之前有試過 但好似俾人破壞左之後就無人再用 最好方法都係搵到致敏源..」暗戰再道「我就仲未知道山威博士會去過異界邊一個位置..」
「事情有諗到咁簡單就好了...」暗護道
「講老實話 至今無人可以解到安格毒素..」暗戰再提醒一句
我地5人將法醫條屍體移走 好等馬克斯嘅村民消毒同清理現場
我地走左無耐 馬克斯嘅村民著哂一套戰衣咁款 包到自己實哂 啲效率真係快 我地一搬走 佢地就己經清理緊現場 仲要10幾條友係度 一個咁細範圍 駛唔駛要10幾條友 真係好怕死就唔應該嚟 我地係後面匿埋昅到實一實..
「佢地係外面坐緊監 犯左事就要受懲罰..」捷克打開眼上嘅電腦
捷克真係無所不曉 根本無野難到佢...