英雄決定聯盟：超越人類的智慧: 疾風女俠與狸貓俠2（中）
妹子係回家嘅路上 俾幾個紋身飛仔挑逗 四個人 三個人都係度紮紮跳 其中中間個位係佢地大佬
一個彎低身年邁拎住拐杖嘅老人行過 佢見到妹子俾人恰
「死靚仔 敢膽恰女仔？」老人意志堅定 一故作氣道
「老野 你做架兩呀？你以為自己係邊個？唔好以為我唔敢打老人家呀..」佢地大佬一臉自大囂張
「可惡...連老人家都蝦..」妹子心諗 自己又唔識打架 又突然剎出一個老人 個一刻嘅佢無能為力
「你敢打我 我要你地嘗試一下老人嘅杖罰..」老人卻滿滿自信
大佬示意其他三個拳打老人 妹子不加思索 有啲慌亂
「停...停手呀..」
「唔...」
老人一支拐杖逐一拍打飛仔頭上 令到佢地痛楚不已
「好諗住挑釁我..」
妹子以為自己睇錯左 點解老人都可以咁揪得..
「呢個老人真係強硬..等我嚟 成班無用嘅廢柴..」老大吐左一下口水 跟住向老人進擊
佢出拳嘅技術同啲靚一樣 咁魯莽 好易就俾人識穿佢嘅動作 下一秒老人用拐杖直接敲中佢嘅頭上
「砰..」
老人竟然暈低左係地上 啲靚嗱嗱聲拉住老大走 離開現場之後 妹子上前同老大雙手多謝
「乖啦 妹妹 你叫咩名呀？」
「我叫...」
突然有一間大破車出現係佢地左近 幾個男人拎住支棍衝埋出嚟
「死老野...仲搵你唔到」妹子突然驚左一驚 危機接二連三咁嚟 不過今次嘅目標係老人 連自己都受牽連
「aghfg jffopo plkool ？tya pool ？」（咁女仔點？放佢走？）
「let tpa gre kopit caokol...」（捉埋佢走...）
妹子想反抗都無用 雙手俾人捉到實一實 一個捉住一個 另一個又將佢地逐一將索帶綁死 強行拖住我同老人上車
妹子佢地無俾人封住把口 只係安靜咁渡過 老人暫時都束手無策
如果出一句聲 綁匪一定會執法 到時就不堪設想
綁匪都係求財姐 唔求財又仲可以做咩
啲綁匪係車頭位你一言我一語 一開始就唔知講咩Q野 但好肯定佢地唔係本地人..
老人突然伸個頭埋嚟 細細聲同我講
「佢地講緊批亞德語言 ..」
「let pool sit..」（靜啲唔好嘈呀 ..）
前面嘅綁匪好好微嘅聲音都聽到 不過妹子大概估到佢呢句講咩
乜野係批批亞德？ 係一個遠離煩囂嘅族人群 老人知道都未知係邊個係度搞鬼 但佢知道有啲人會對榮光吊墜虎視眈眈 應該係為左榮光吊墜而嚟..
架車揸到 一支箭咁快 仲非常危險 老人覺得呢班人手車都係屎過啲新手
因為 批亞德 係一群族人 個度無路更加無車 簡直係度玩命 稍一不慎 兩條命就凍過水
老人佢有辦法逃出生天 但呢個咁嚴峻嘅情況下 好難幫到妹子 只好默默等待去到目的地 希望途中唔好出咩事
佢地揸到一個暗淡嘅山路 石路開始一仆一碌 搖擺不定 差啲都撞到大樹
佢地又開始係度咿咿哦哦 好似嘈交咁 做野之前唔係應該有有計劃先嘅咩？綁完之後就係度內訌 妹子心裡偷偷咁笑 都見過咁水皮嘅賊 佢又諗會唔會因為自己係族人 未係適應到城市嘅生活...？
咁樣嘅話 應該就係受其他人指示佢咁做
其中兩個人帶左我地出嚟 雖然仲係日頭 但佢地捉到我地係一個黑暗山頭 個夜晚無分別
我地被困於山屋之中 綁匪綁完之後就離開左 無再番轉頭 水又無 野食又無 甚至想去廁所都去唔到 就係度默默等待 等到餓死渴死 或者時辰到嘅時候我地就天國天際之處 想搵人救 真係難過登天..
「批亞德啲綁匪應該走左了 咁我教你魔法.」阿里望住坐係度嘅妹子
「啊..？老人 你識魔法？」妹子覺得好神奇 呢個世界竟然有魔法使者 真係講都無人信
「唔好老人前老人後啦 我有名架 我叫阿里 你呢？點叫你呀？」阿里道
「個個都叫我妹子呀.. 」妹子又諗左一陣 對阿里呢個名字有印象 好似係邊個聽過
「你係唔係城中阿里旗艦嘅果位商人？」
「你真係聰明 連你都有留意 咁就ok啦 幾驚你唔知我係邊個..你頭先都見到我幫你打贏班飛仔 而家又要逃出去 就要用魔法..」阿里道
妹子有懷疑過阿里 如果真係識魔法點解頭先唔出手 要而家先嚟教我用魔法 大財小用左啲
「我知你諗緊咩.. 我個啲魔法只係細翳嘢 只可以救到自己 打唔到人嘅 而且綁匪將我支拐杖棄於荒外 未捉我地之前己經想教你自救魔法 不過無法啦...」阿里道
我睇得出佢都有對誠意 加上阿里嘅魔法 妹子快就用到 只要佢傳授 妹子就隨時都可以用
當下要整爛索帶 簡直易過食生菜
「終於都甩難了 仲以為會死係度..」妹子幫手將阿里嘅索帶都整斷 不過阿里無拐杖傍身 妹子就要扶阿里行出去 阿里支拐杖一早俾綁匪掉左係荒野己經搵唔番 大海留針 又可以點搵..？
點不之未出到門口就聽到有聲 係綁匪啲人 佢地都係講批德文嘅 原來一直都未走 只係去左打野食 聽到一袋三袋嘅聲音 呢度荒山野巔 去邊度買野食..
妹子唔敢輕舉妄動 話哂佢地都有幾個人 而佢地得兩個 仲要一個係老人 有咩時上嚟就係咁先...
「唔好亂郁呀 阿里..」妹子好細聲同阿里講
「信你啦..」阿里坐係起上 靜觀其變
綁匪打開山屋嘅破門 見到我地坐係地上 綁住嘅索帶整爛埋 即刻嬲到紮紮跳
佢地五人決家跪係地上叩頭 有一個係度向天祈禱 個個都自言自語唸咒語 完全聽唔明噏乜
「佢地到底想點？阿里 你聽唔聽得明佢地講緊啲咩？」
妹子仲係度諗會唔會係批亞德人嘅儀式
「佢地嘅咒語儀式就唔係好清楚喇 但係佢地好似停低左攻擊..」阿里鬆了一口氣
睇佢地一輪祈禱同叩頭之後 佢地講出兩句說話 要佢地搵離歌 成件事都係佢指使批亞德嘅人做 講到呢度就有另一批人嚟到山屋 今次只係得一個人 佢係離歌 離歌想捉住阿里 要脅阿里交出榮光吊墜嘅下落 但阿里太詭秘 離歌點都要捉佢番嚟 十成都係為左榮光吊墜而嚟
離歌決定放妹子走 私人恩怨私人了 批亞德人同妹子隨後離開山屋 出去嘅時候雖然仲係有啲陰風陣陣 但時間差唔多到黃昏 荒山野嶺又無信號想搵人又唔得 第二又唔知呢度係邊度..
阿里同離歌山屋入面 如果阿里唔交出榮光吊墜嘅下落肯定會滅口....
阿里算係無良商人 嚟艾林唔算富裕嘅城市進駐 而家俾離歌千方百計偷野 都唔怪得人
但妹子選擇救阿里 唔理三七二十一 話哂阿里教過妹子自救小魔法 呢個恩一定要報...
妹子番到去山屋之處 向屋內大嗌
「想唔想知道榮光吊墜係邊？」
「妹妹仔 你知道榮光吊墜係邊？」離歌望轉頭 妹子卻無鬆懈
「係呀 你捉阿里都想知榮光吊墜嘅下落 我而家都知道係邊 搵我都一樣啦..」妹子道
阿里有感動過 妹子會翻轉頭救佢 佢知道一定係想引開佢先咁做
「好 我跟你行 ..」離歌信到妹子十足十 跟住妹子條尾 而阿里趁佢地走左靜雞雞離開山屋往後面走
「仲唔上當..」妹子由慢步再加快步速 出盡全力跑 離歌見唔對路 停左一陣
「呃我..？」
離歌決定番轉頭搵阿里 唔再追妹子 追到妹子又唔會搵到寶物
但係翻去山屋都見唔到阿里嘅蹤影 先知係一個局 聰明反被聰明誤 佢深信一個老人唔會走得咁快 佢決定係附近四圍搜索
離歌緊係搵唔翻阿里 佢無諗過咁辛苦捉到阿里翻嚟 而家又俾佢走甩左 佢個心 越來越嬲氣 走甩左再捉翻佢就難了..
「豈有此理....榮光只屬於我...」離歌向天空大叫
「一個咁偏僻嘅匿藏地點 咁好嘅計劃 咁都可以走甩..」離歌個心深深不忿
另一方面...
妹子己經行出偏僻嘅山區 出到去大馬路 佢第一時間拎出電話睇下有無信號 佢睇到信號爆棚嘅時候就有啲興奮 打俾左阿斯
「喂...阿斯...？」阿斯好快都接聽左妹子嘅電話
「妹子 你方唔方便嚟酒館一塘？..」阿斯道
最慘嘅係妹子都唔知呢度係邊度....大路又無咩車經過 係妹子絕望嘅一刻 有兩盞殘眼嘅燈射住妹子對眼 有個人係車落左嚟
「妹妹仔 上車嚟 我車你番出市區啦..」
眼前嘅係阿里 佢手有一隻全新拐杖 仲有私人司機 仲有一部好閃嘅房車 以阿里咁有錢 揸呢類房車最好不過
「阿里 你無事就好啦..」我道
「我多謝你救左我就真....」阿里道
總算有阿里帶妹子出市區 係車上面 妹子有同阿里傾計
「我朋友呢係酒館好似出左事 可唔可以車我去個度？」妹子問阿里司機
「得呀 無問題 過去睇下有無野可以幫手啦..」阿里為左多謝妹子 點都會幫妹子手....
「阿里 你知唔知呢度係邊度？」妹子再問
「呢度係立青山 離市區都有一段距離 呢度比較 陰森 更加唔會有人嚟呢度行山 仲相當危險 聽講會有猛獸出現 咁離歌佢點？」阿里道
妹子住係度咁耐都未聽過立青山 可想然之呢度真係絕世隔絕..
「佢追到一半就無跟啦 佢應該想翻轉頭搵你..」妹子道
「一定搵我唔到就走左 唔緊要 而家知道離歌目的係吊墜 我點都會做番啲野....」阿里道