英雄決定聯盟：超越人類的智慧: 疾風女俠與狸貓俠2（上）
疾風2（上）
「嗚...嗚....」
警車一架一架隨後趕到 一班便警落車 見到離歌 無任何防護下 直接衝向警方嘅防線 警察佢地見有危險 開始亂槍掃射
「呯呯...」
槍林彈雨
陣亡竟然係警察
「無用嘅廢物 」離歌向警察們吐口水
「全部都係...不知所謂...」
係教堂天父底下 離歌擁有一張殺氣騰騰嘅樣子
係艾林城市下 盛起十惡不赦嘅歹徒
離歌出左名係一個大賊佬 不過係好耐之前 被一個奇怪人暗算成功後 就開始人間蒸發 無人再搵到佢 而離歌今次嘅目的係 榮光吊墜 因為價值連城 藉由重出江湖 點都想辦法搶走吊墜
今次之事 令警察們一直以嚟都頭痕 離歌大盜係一個搞麻煩嘅大盜 而且警察根本無籌碼去收拾佢地 好似今次件事 離歌要對付警察簡直輕易而舉 邊個人會諗過消失一排嘅離歌大盜又會再出現暄鬧嘅城市之中 搞到城市禍不單行
「啲警察成日阻頭阻哂 真係好煩..」伊時搏不厭其煩道
「煩係煩啲 我地都好易打低佢地啦 見一個殺一個好快就可以了拎到寶物 放心..到時我地再慶祝食大餐 哈哈哈...」
離歌覺得離目標唔遠了 因為寶物就藏係艾林 一個商人之中 而且 果個商人對離歌嚟講 簡直暸如指掌
「如果唔係警察 我地一早拎左寶物..」伊時搏望住倒地嘅警察 再向眼前警察吐口水
「阿搏 由佢啦 嬲完都係一樣 我地去集合三步槍啦...」離歌拍拍伊時搏 嘅膊頭道
「大佬叫到 我一定聽嘅..」伊時搏幾時都聽大佬嘅話
離歌同伊時搏向三步槍嘅嘅位置進發 三步槍佢正正就係我daddy嘅酒館發難
佢一個人就己經可以打爛啲檯檯凳凳 連吧台架上嘅酒杯都打爛埋 情況有啲失控 短短三十分鐘就己經搞到亂七八糟
不過犀利在佢行動非常細聲 如果係街上行過嘅路人都唔會察覺到有唔妥
佢無察覺到有道門通往地下武器所嘅牆 只係純粹掠過 對佢嚟講無咩特別 窗口無打爛 打爛左會有聲所以佢放棄左咁做
正當下午之際 酒館又未開門 酒館係夜黃昏開到第二朝六點 下晝嘅時間daddy好少係酒館出現 大多數都係屋企訓教行周公之禮 除非有啲重要野係武器所度 就點一定會番去 例如電腦 只有武器所會保全
三步槍離開之前 打左個克蚩 同一張名片 裡面印有佢假名 三步昌 無睇錯 槍同昌可以差一個字
三步槍每次行動都會帶三把槍 今次都唔例外 一支槍仲要重過成個人咁滯 佢話帶槍出街係型啲 最特別嘅三支槍比人嘅感覺係裝飾器或者係吉他個長手柄 所以無路人留意佢係武器
三步槍行過街口 同離歌佢地集合
三個人一人一支大煙 好似三條帶住Cap帽嘅大叔一樣 易容得徹底 無人知道佢地就係離歌大盜
佢地於一個極少人租嘅旅館 放低行裝 隨便休息 個度就係佢地三個人嘅落腳地 週不時都要換房 都係為左避開警察查牌...
今日 警察特登查到離歌旅館之處 仲發出一張公告 一個離歌跟伊時搏嘅相片 己經視離歌為城中通緝犯 仲講明邊個捉到會重重有賞 但現實無人會挑戰呢個命運
係房嘅離歌 打開小門聽到警察入嚟任由佢地黐住張紙
警察將通緝嘅紙黐左係旅館服務台左邊嘅牆上 方便人見到張紙 但入嚟旅館嘅人極少會提及到佢地
「真係麻鬼煩 啲警察明知唔夠我地打 仲要不斷挑釁我地 大佬 我地應該點做好？」伊時搏道
「我地嘅目的係榮光吊墜 唔係警察 佢地多多嚟只會麻煩到我地 我見警察都唔打算巡房 暫時係度一兩日 有咩事嘅話我地直接逃窗出去..」離歌道
「都得..」伊時搏覺得大佬點都有一手準備 完全相哂佢
旅館老闆無打算巡房 都無查問啲旅客知唔知離歌嘅事
「只不過暫時唔好離開房一步 驚啲警察知道我地係度 ..」離歌道
係旅館服務台有位帶花帽典雅嘅女士問話 「我都知道呢三個友 我見到佢地呀..」
而老闆聽到佢嘅說話一定會追問位女士 而女士又不斷將知道嘅事講番出嚟 一時又話夜總會 一時又話快記餐廳 到最後連發夢麵講埋出口..
「呢度始終都係雜 話哂都可以入嚟問話..」
佢地三個繼續偷聽 無辦法聽唔到 因為女士嘅聲音聽得一清二楚
最重要嘅係老闆又會八卦一份 聽到花邊新聞有時比電視節目更好....
另一方面...
艾林 圖書館
大到無朋友 想搵一本書都真係好哂好多精神 有陣時無人嘅時候咪睇下書 過下日神 畢竟鍾意歷史嘅我一啲都唔會變
好多學生一放學後就嚟呢度做功課 圖書院開始放置一張長型大枱 借俾啲學生用嚟做功或者溫書 只要係乖唔嘈 就無大問題 將檯嘅錢 好彩政府都仲未得起
又時圖書館無人我都會中眼訓 不過都係值得 daddu年紀都老邁 仲要酒館同圖書館兩邊頻頻撲撲 我絕對接受唔到
突然阿健嚟左圖書館 佢對我有好感但我一直唔知 佢經過做緊功課嘅學生 上嚟二樓我身邊 我係書架排好書籍 根本多不勝數 目的都全方使攞書
「你唔駛訓覺咩？阿健 咁好嚟圖書館嘅？」雖然係啱啱中午 但酒館早上6點就打烊 訓個幾個鐘得唔得架..
「唔係呀 訓唔著 咪嚟睇下書咁...」我睇得到阿健嘅耳仔有啲紅哂
「你都鍾意睇書嘅？」我問道
「算係啦 我鍾意增強知識 無理由訓覺訓哂佢架嘛...而且今晚酒館打算休一日」阿健道
「都係嘅 你有學習嘅心 己經好值得..」我覺得阿健個上進心係一件好事嚟 只係我唔知佢另有目的
「聽講你鍾意歷史 有無查過古堡係邊度嚟？」阿健問嘅問題真係考起我 因為我之前都係一直查古堡係邊 有邊個去探索古堡 紅藍綠寶石等等
「你咁問嘅？我真係無諗過呢點..」我道
「無呀 我好奇問下...」阿健一邊搵櫃上嘅書
不過聽daddy講古堡一早就己經係度 書本都唔會有關呢方面嘅事
佢攞左幾本有關學英文嘅書 應該知道自己英文唔掂要增值自己 我就問阿健
「你最近都學緊英文？」
「酒館個度成日都嚟外國人 我俾人問到口啞啞 所以點都睇下多啲英文..」阿健再問「有無膠袋？我想拎番去睇下..」
「好呀 你等等呀..」我係電腦房摷到一個好舊嘅環保袋 不過啲書都真係有啲重
兩個人將書袋好哂 阿健決定離開
「唔打搞你 我我番去先..」
「無問題呀 掰掰..」我向阿健道別 電話由阿斯傳一個信息
一張係大街上三個人背後嘅相片 左邊嘅背脊揹左背囊 入面應該係吉他嘅物體 中間嘅人係紮馬尾 因為無樣睇 我判定係女人 右邊係一個正常紅毛嘅男人
「佢地好似係離歌大盜..」阿斯應該係行街見到呢三個人同最近離歌大盜差唔多樣 然後就跟蹤佢地再影埋相
「點解淨係影到背面嘅？」會唔會真係之前嘅傳聞講話好好打 如果真係咁勁 就無見一排就重出江湖啦
阿斯暫時未到信息俾我 或者仲係度跟著佢地 不過知道佢地係邊度落腳都好
我係電腦房打開左電視 睇下今日有咩新聞 竟然出人意表有一個驚天動地嘅新聞 一個離歌 一個金0紅毛男人 後來先知佢名叫伊時搏公然向挑戰警察 兩三下子就將警察打低哂
佢地竟然光天化日做啲咁嘅野
記者又真係有啲冒險 現場咁危險 都影到打鬥嘅畫面 為左工作不屈不撓嘅精神令我好敬佩
但係 就無見三步槍係現場
離歌引起公憤 而家阿斯又見到佢地三個出現 會唔會有危險架...
我立即打電話俾阿斯 好快趣就接聽左我電話 一切都好平安 跟到一半跟甩左己經唔再跟住佢地 而家阿斯仲好安全
「我睇左新聞 今日離歌打低哂啲警察...」我道
「你講真架？記者點影到架..」阿斯好奇地問
「你都知有問題出自係邊 但係新聞無理由虛報..」我道
「咁又係...我無事呀 啱啱放學呀 準備嚟你度溫書呀 再傾啦..」阿斯道
斷線後 仲以為離歌知道有人跟住佢地 就會滅口 知道阿斯無事我都放心啲 既然離歌佢地唔知有人跟蹤 姐係佢地未係特別醒目..
阿斯係一個勤於學習嘅人 放學有時間都會嚟圖書館專修 又會同我傾下計 等我係圖書館無咁悶
有時 有阿斯係度 傾下娛樂新聞 假日會去邊度玩等等 咁樣時間都會易過啲..
阿斯揹住一個斜揹袋就嚟左圖書館 咁啱阿健想借多本書 走番轉頭見到我同阿斯係度伊泣 佢匿埋左暗角一陣 見到我妒忌又羨慕 佢覺得我同阿斯會有一腿 咁諗都正常嘅 阿健都唔知阿斯嘅真實身份係狸貓俠 而且又唔知阿斯有女朋友..
阿健好想衝入嚟阻止我地 但佢無咁做 知道自己咩架子 又唔夠人鬥 氣餒地番去屋企...
無諗過淨係離歌嘅事都傾到好耐 快活不知時日過...