英雄決定聯盟：超越人類的智慧: 拖鞋俠2（下）
過左幾日之後....
一個無人嘅暗巷
本來想搵希爾出嚟斟酌一下 係我眼前出現左希爾 佢一樣係一身刺客look 著到成個人變成好後生
呢一刻 我仲未變身成拖鞋俠 就算唔變身佢都知我就係拖鞋俠 因為個頸上胎記
呢個希爾越來越飄忽 有需要嘅時候就會自動出現 無需要嘅時候你想搵佢都搵佢唔到 有少少懷疑呢條暗巷會唔會就係佢經常出現嘅地方...
就算你問佢野 佢都自己一五一十將事件講出嚟
佢俾左一段錄音我聽 裡面講述兩條茂利係度大聲說話 想殺死我 又提及希爾 我聽得出果兩把聲係院長同格言 雖然分辨唔到呢段錄音有無做過手腳 希爾咁飄忽 佢搞事一啲都唔出奇 開始就同佢嘈
「點解你要呢段錄音我聽 ？係唔係生安白造事非出嚟？」我道
「原因好簡單 佢想殺我 殺我唔到 想殺你報仇..其次 我唔需要搞咁多小動作 我嘅出現只係想同你講 你要打贏格言 就要加強訓練...」希爾
「你出現就係想同我講呢啲？佢要殺你報仇 你同佢打咪得囉 你咁勁..」我再道「做咩姐家陣 做咩搵我過橋 我嘅人生己經不由自主 到而家想腳踏實地做個有用嘅人 你就搞啲咁嘅野..」
「雖然你係拖鞋俠 但你嘅資質連我都打唔過....」希爾道
「唔好諗住扯開話題呀 希爾 ..」我道
「我睇到你嘅成長 我好開心 放心 我唔會殺你 我仲要睇住你打低我 你先係強者 點都好 我同你都係壞人 有必要嘅時候我就會出現你眼前 總之一句到尾 想打贏格言就要好好鍛練自己 佢有機械手臂 而家嘅你根本唔夠揪 佢應該好快就會搵你 你自己好自為之....」希爾道 希爾竟然安慰真係嚇左一跳
後面有一塊高牆 希爾好輕易就跳左上去 離開我視線範圍佢講一句說話 「再見了.. My son..」
希爾一瞬間就消失我眼前
「喂...希爾 元朗工廠邨要收啦 我連變身都無埋嘅話我搵咩同格言打呀...」我知道佢離開得越來越遠 我都希望我嘅大聲等佢都可以聽到
最終希爾無再調番轉頭搵番我 姐係我點大嗌都無用..
不過我相信佢會再嚟搵我 同埋佢第一次講我係佢個仔 希爾到底仲有咩秘密無講出嚟 搞到我好煩 而家知道希爾唔會殺我 起碼釋除疑慮
頭先段錄音係真嘅話 咁格言應該會好快搵我 如果係假嘅 我一定唔會放過希爾
之後我同左超仔 等佢都分析下呢件事嘅真實性 至少超仔識得人比較多 要查起上嚟都容易啲
超仔屋企
「我覺得係真真假都好 佢嘅出發點係想你變強 另外 希爾想你親手殺左佢 有啲可圈可點呀..」超仔同我通訊
佢呢排都忙到甩碌 根本無時間番屋企 係得我自己一個懶懶行
「趁呢段時間得閒我會鍛練下自己嘅..」
佢己讀不回完我都無再打搞超仔
而家嘅我有啲想搵格言問清楚下佢 ..
另外一點就係 收地件事 如果真係收左 我可以搵咩方法打贏格言 姐係話 我點都要阻止政府去收地 幫唔幫到向左村又係一回事 自己嘅人身安全都係好重要 畢竟我嘅人生仲有漫長嘅路...
果條局長叫咩伍那繫殷 名都改得逾過人 仲要嫁俾姓伍嘅老公 係唔係咁搞笑啊..
如果可以嘅話我想搵佢傾下 件事係佢策劃嘅 搵佢就最好不過
可以係邊度搵到呢個局長呢？於是我係電話度查 查到一幢政府總部既建築物 佢好大機會係果度
向左村 祠堂
我決定去搵局長之前 點都要嚟向左村同魯陌佢地商量下
我自己都係會有選擇困難症 多個人俾多個意見
我去到嘅時候魯陌係度拜神拜佛 原來佢都會咁做 希望祖先保祐佢地 魯陌緊係想保存向左村
我同村民又佢地虎視眈眈 都而家唔再懷疑同相信之後 我都會好熱情咁對待
我同魯陌係佢屋企坐下 同佢傾番啲事..
佢開始提及自己村嘅歷史
「向左村係40年代己經係度 不過當時塊地係政府俾我嘅阿爸 仲講過係報答老豆 仲有張紙係度...」魯陌係自己房拎出一張紙
原來係地契 照道理政府都理由去收番向左村
「你有張紙係度 咁唔駛怕佢地啦 ..」我道
「佢地話呢張地契 己經無效用...」魯陌拎住張紙係度眼濕濕「好快呢度就會收購 而我又無能為力 為祖先保留下一代...」
唔通政府真係咁無情？ 唔通連人地嘅祖先都想想拆左佢？
「無事嘅 我嚟都係商量下件事...」我道
「後生仔 你有咩高見呀...」魯陌道
「我會過去政府總部搵局長 當面對質件事 ..」我道
「後生仔 你真係搏命呀 我代向左村多謝你..」魯陌咳左幾聲
人老左就係咁 體弱多病 魯陌都唔例外
突然有個村民入嚟 打斷左我地說話 仲聲大夾惡
「呢個人有古怪野 信唔過..」
「何出此言？」我道
「你講..你有野收埋唔同我地講..」村民繼續道「佢係政府嘅人..」
講到呢句說話真係好刺耳 到佢自己攞出所謂嘅證據 我就笑了 張相係我同超仔一齊個時影嘅仲搭哂膊頭 村民又影到超仔同政府嘅人打交道
其實超仔可能工作上有同政府嘅人有關 但唔代表超仔會同政府勾結 無啲村民講得咁誇張..
「首先呢 我唔係你地所講政府嘅人 我只係睇唔到眼 政府所做嘅所作所為... 仲有超仔你唔識佢咩？佢係紅人又成日上電視 佢識政府嘅人都無咩問題呀...」我道
「你講就咁講 真係唔信過你地...」村民道
「夠啦.. 呢位小朋友而家想去政府同佢地講和 希望可以唔好收番向左村...」魯陌道
「佢想呃你架..佢想氹你賣左塊地..」村民道
魯陌又要重申推番自己諗過嘅野 重申定義村民同我嘅對話 不過最後魯陌都支持我去同局長談話
「點都好 你可以講和 叫到政府唔再番塊地我就相你 而家大部份信你都無用 總有村民係覺得你不懷好意 你要做啲野證明俾大家睇 你係啱嘅...」魯陌道
魯陌其實講得啱 要真正保護向左 就要做出啲事情出嚟
我點都會搞好件事
「我派個人去陪你 好唔好？？」魯陌道
魯陌想多個人係身邊睇住我 驚我有咩行差踏錯 如果稍有得罪就會同魯陌回報
其次就係幫口說服政府唔好收地
我自己就無咩所謂 我光明正大 對向左 對元朗工廠邨都係真心 唔會出賣佢地.. 我只係差拖鞋俠未同佢地講 我覺得有需要先講我嘅身份都未遲..
政府總部
我係樓下啲暗位埋服 局長 等佢出嚟嘅時使我都可以幫手出一力
於是者過左十幾分鐘至幾個小時不等... 先有一架車駛入嚟 我認得佢嘅樣 佢係咩超涵 因為個名同局長個名一樣咁衰 雖然唔係成日係電視上鏡 但都會依然記得
個一刻 我截停左佢 佢身邊嘅狗都用手攔住我
「副局長？我有野同搵你局長傾 方唔方便約個時間..？」我道
「你係咩人？做咩要搵局長？」超涵叫停佢身邊啲狗
「我係元朗工廠邨一個租客 我有事想搵局長 麻煩你通傳一下...」我道
「哦...原來你係元朗工廠邨嘅人 咁無野好傾啦 我地政府話一就一 話二就二 講過嘅野就收唔番去 所以呢..你想我地唔收番工廠邨？除非你有好嘅理由 如果唔係你唔駛旨意..」超涵理直氣壯道
「我有 你幫我通知佢..」我道
「好大嘅本事呀 朋友..」超涵講完之後 局長殷就落嚟睇下咩事 因為佢間房嘅落地窗睇到地下一清二楚
超涵咳左幾聲
「小朋友 你有咩想講 我俾時間你 一於上去傾...」
超涵同其他人係電視或者網絡講嘅有啲唔同 態度隨即轉變 我皺一皺眉頭 我係唔係睇錯人
佢無多餘招呼 使開左超涵佢地 兩人即刻上辦公室
我係度等幾個鐘就係等佢落嚟 原來局長一直都係 係房無出嚟半步 如果超涵番嚟 都唔知殷幾時出現
「你有咩講？」殷示意我坐係沙發凳上
「我直腸直吐啦 我其實係英雄拖鞋俠 所以我點都會反對你地收地起樓」我道
「點解我要信你？你話你係拖鞋俠有咩證據 ？」局長道
「我變身個制係元朗工廠邨 所以我點都會用盡力氣都要阻止你地 你呢幾年都見到香港英雄 拖鞋俠救過幾多人 你地都有眼見..」我道
「但問題係你有咩證明你係拖鞋俠？」局長道
「要唔要同我過去 我變身你睇...」
呢個係唯一可以挽救嘅方法
「但係咁 香港真係需要地去起樓 你都知自己啲地供不應求..」局長道
「其實你減少外來人買房 又俾啲想買居屋但住緊公屋嘅人優先買 住公屋走左你有公屋單位 咪可以救到啲劏房戶 你而家收左元朗工廠邨 我點算 我都唔想個制係元朗 咁有咩辦法？」我道
暫停收地係最好嘅選擇 佢又講到元朗工廠邨大部份都離開左 而家大部份單位吉位 如果我嘅制係果度 一早就順利就收左
「有啲野唔係你講到咁易 你個制我睇下有無辦法 咁樣先將收地擱置 不過我點都要你帶我去睇個變成拖鞋俠 我先會信你 如果唔係我一定拆卸工廠邨」局長道
無諗過局長會有諗過暫時擱置收地嘅事 本來嘅佢己經另覓新地方 不過地方狹窄 只可以做單棟樓....
我地去左元朗工廠邨一轉
就咁一個路人話係英雄由的確無說服力嘅..
變身就無可被免 局長同司機 都係架私家車上 停泊係工廠邨左邊停車場默默等待.. 佢嘅私人司機點都會知道我就係拖鞋俠
「呯...」
變身後立即落去停車埋個度
我見到局長架車
「我嚟喇...」我上前同局長迎面
個一瞬間 有陣風吹過 越來越強 陣風好快就消失左
「格言」係眼前我見到一個擁有 唔止一隻手嘅格言 背後面仲多左兩個類似風火輪嘅物體 根本格言己經將自己改裝成機械人
局長聽到我嘅聲 己經出左嚟 就見到我同機械人兩個互相停落嚟
「佢係...？」局長俾機械人嚇左一跳
有錢想點改造都得 而家嘅格言 簡直喪心病狂 走火入魔 佢為左報仇 將之前嘅野都推翻
格言佢迎面向我衝過嚟
「局長 你睇到呀 先撩者係我 我係自衛..」我抵擋佢嘅攻擊
「你搞點左佢先啦 其他事容後再講..」局長係後面望住 仲想報警
「唔好諗住報警呀 局長 呢個係我同佢老豆私人恩怨 你唔好多管閒事」格言一邊攻擊向局長講
局長唯有放低打電話 取消報警嘅念頭
「拖鞋俠 我相信你做得到嘅..」
「點解..我老豆出事 我要負全責..」格言打開一隻手臂變成電鑽 電鑽嘅速度好快 仲好猛..
「唔駛多講 肉債子還 你明啦 今日唔係你死就係我亡 我就要睇下你副戰甲有咩咁巴閉...」格言心裡偷笑
佢知道啲機能遠遠超越左我 而我就只係有一對手 唔係唔夠打嘅..只係有啲難應付
格言一手電鑽 一手鐵勾 後面又有風火輪 全部野都車埋嚟 我真係唔可以同佢硬碰硬..
如果希爾係度就好啦 佢功力係我之上 而家諗咁專都無用 盡全力打先係好方案 點都有一方要死嘅話 果個人一定係佢
「格言 你要挑戰我 我就證明俾大家睇 我功力唔係假嘅 我仲可以好強勢 格言 食屎啦你...」
講完之後 直接進攻佢下身 皆因佢下身無機能 佢啲機能集中係上身 咁就好易搞好多 直接用投擲地球用格言秤起 再狠狠咁掉番落地
我只有呢個方法可以打贏佢...
係背後車上面嘅局長 一路望住我地精彩嘅決鬥 又同時拍低條片
「呢個小朋友 真係好有意志 如果佢可以入到警隊一定大有作為..你話啱唔啱..？」殷道
「啱 你講得啱..」
而家都知道我身份 所以局長想推薦我入警隊 ...
過左一陣 打到格言啲機能縮埋一舊 乜機能都有靈性嘅咩？佢扒左係起上
「格言 你要報仇唔係搵我 係搵希爾 佢嘅事我全不知情 但你己經不能自拔嘅境界...」我道
「係...我低估左你嘅能力 仲諗住可以打敗你 又如打敗希爾 我決定啦....」
格言係褲袋拎出一把小刀 插落自己嘅心口
「再見啦 朋友..」
「點解...要咁做..我無話想殺你...」我個一刻有啲不知所措
局長同司機見狀 即刻落車同時間司機又打電話報警
「雖然係走左火先做衰人 但未至於真係要死嘅地步..」我覺得格言點都會對社會有貢獻
「佢選擇左自殺就無辦法啦..呢度等救護佢地搞啦 我地上車再講..」殷道
車上面淨係得我同殷局長 司機係出面默默等待
「我拍左片啦 不過我唔會公開 格言 眾人都識佢 佢係度死左 唔緊要 死左都係好事 我有藉口講呢度暫時唔收住 死過人始終都唔好 我會對外講 佢自殺嘅原因 至於你個制 我會諗下方法幫你 你都唔可能係呢度變身再去救人 今次你好彩係同一地點發生 如果係中環 銅鑼灣 旺角個啲旺區咁點算？」殷道
「多謝你先 局長 我一直都係諗緊呢個問題 ..」我道
「你有諗過入警隊 如果我將你推薦入警隊好唔好？？」殷突然提問
佢嘅建議幾好 但我都係果個問題 變身制一日仲係元朗工廠邨 一日都麻煩 本來仲諗住唔做英雄去讀下書 睇嚟 香港需要我..
之後局長有私底下搵我 問番格言啲野 又問關於我嘅野 好老實又唔係好似外界所講嘅冷血無情 有時都幾善解人意
局長辦公室..
超涵同殷局長嘅對話
「你真係打算唔拆元朗工廠邨？」超涵道
「有咩問題 個度有格言係度死過人 暫時擱置先啦 我地又唔係無地 唔駛咁急..」
殷局長 想講佢司機好好打 係停車場見到機能格言 司機不斷攻佢下陰 將佢一網打盡 打唔過自後的殺身亡 雖然藉口有啲牽強 一個普通人竟然可以打得贏咁多機能嘅人 最重要係 啲市民接受就得架啦..
殷局長由始至終都將我嘅身份收埋 唔想俾人知道太多 對我有啲保障 而家除左殷局長 佢司機 超仔同穗茵就無人知道我身份了
我都要諗下入警隊係唔係真係好 我知道有前途 又
高薪厚職...
我去搵院長 畢竟佢同格言都熟悉
院長知道左格言自殺左之後都有少少傷感 我又唔知院長有其他秘密瞞住我 同時 一早就知道格言會殺我.我仲係俾佢呃埋落去....
仲一直相信院長係可愛嘅老實人....
之後 希爾無再出現係我面前 我完全覺得好似消聲匿跡咁樣 你搵佢唔到 你搵佢唔到...
不過佢竟然呃我 又話會搵我 最後呢..？我搞點左格言啦 佢就人間蒸發 除左知道我真係佢個仔之外 仲有希爾同格言有恩怨 其他都好迷惑....
卒之
超仔同穗茵要為我慶祝 我生日 一個美好嘅生日 之前都係超仔陪我過 而家多左個人 我真係好幸福呀
原來命運都係掌握係我自己嘅手上 你話係咪.....？
（拖鞋俠2 完）