英雄決定聯盟：超越人類的智慧: 拖鞋俠2（中）
拖鞋俠2中
我有咩事都好 超仔佢會大力支持我 都會幫我手 慶幸我識到啲位好好嘅老友 一世人留流流長 有個好心好友好難得 仲要係會同你出生入死....
係感情嘅路上 我永遠都覺得自己係零 因為我仲係未拍過拖 就係自從搞點X組織之後 有人鍾意同欣賞我....
係超仔不斷說服之後 我決定向果個女仔表白 一面之緣都好 或者我可以同佢做住朋友先
個女仔係其他人心目中女神級type 超仔人面好廣女仔話鍾意拖鞋俠個時咁啱超仔佢係現場影左張相 不過搵到佢嘅時候佢己經有男朋友 佢聲稱鍾意迷超級英雄 我係其中之一個
都話左我係零 做左超級英雄都好 機會都唔係你 以為做左英雄好威 現實有時都幾殘酷
佢住係觀塘 我將軍澳 咁都唔算好遠..
「嗨...」我係佢屋企下撞佢
「你係...」穗茵道
「我無惡意㗎 我係嚟搵你嘅...」我道
「你係邊個..？我唔識得你..」穗茵道
「唔係 我同你見過一次㗎喇」我道
「邊度呀？點解我無印象嘅？」穗茵道
「你話過你鍾意我 超級英雄 你記唔記得？」我道
「你係...？英雄...？」穗茵打量我全身「你個身型都幾似泥漿俠..」
慘..我俾人誤會係泥漿俠 不過都正常嘅 拖鞋俠行動嘅時候係蒙住塊面 佢都無見過真面目
「你鍾意泥漿俠...？」我道 我無否認我係泥漿俠
「唔係呀....我鍾意拖鞋俠呀 你識唔識佢呀...？」穗茵道
「識呀 仲好熟添..」我道
「可唔可以帶我去見佢呀...」穗茵道
呢個女仔真係不惜一切都要搵拖鞋俠 睇嚟佢真係好鍾意我 佢又唔知我身份就係拖鞋俠 就咁相信一個陌生人 佢嘅眼神有啲渴望想我幫佢..
「我咪係囉..」我道
「咪玩啦 ...我認真架 我好想見一見佢真人 你係唔係真係知道佢幾邊..？」穗茵道
我邊一忽似係講笑 我講事實嘅時候竟然無人會相信
「你唔驚我會呃你咩..？」我道
「我知道都查過咁耐 無咩線索 睇你個樣斯斯文文 又唔似係呃人嘅 起碼有一線希望 咁都俾你呃就真係我問題...」穗茵道
「咁好啦 我帶你搵佢 首先 我可以點叫你呀？」
我道
「我叫阿yan呀 你呢...？」穗茵道
「我叫無名..」我道
「唔...個名有啲奇怪...」穗茵道
終是我地毫不猶豫去左元朗工廠邨 我同阿yan講會有啲遠 因為係元朗 佢話唔緊要 最緊要搵到拖鞋俠
我地乘搭的士過去 係呀 飛的過去呀 因為超仔有錢 唔需要同佢慳...
「的士..」穗茵聽到有啲驚訝 可能偏遠嘅地方比想像中遠
啱啱好的士就駛到我地面前 呢個鐘數附近都多的士係度交更
上車之後我同穗茵坐 扣好安全帶之後 我就講出地點
「司機哥哥...唔該你 去元朗工廠邨..」我道
的士哥哥收到我嘅說話 就一支箭出發
「元朗...？呢度係觀塘 一陣我無車錢俾架...」穗茵道
「放心啦...車錢個方面唔駛擔心 我會搞點架啦...」我道
話都無咁快 就到左目的地 眼前一片靜焗嘅工廠邨
「呢度可以搵到拖鞋俠..？」穗茵道
「係呀...不過你應承我 搵到佢之後唔好同其他人講拖鞋俠嘅存在 唔想俾咁多人知真實身份...」我道
「點解你會帶我嚟搵拖鞋俠..？」穗茵道
「咁你想唔呢見到佢..？」我道
「無時無刻都想呀」穗茵道
「想咪得囉 ..」我道
我地去工廠邨一個工廈單位 我稍為將穗茵安置 想俾個驚喜佢 我番落去樓下 準備變身拖鞋俠上去
「咯...」
如穗茵所見 眼前係一個全身綠色嘅拖鞋俠 係一個夢未而求嘅畫面
穗茵對眼突然閃閃發光
「其實呢 我真係拖鞋俠 你唔信我 我就囉有證明俾你睇..」我除低左面具
「嗯...」穗茵開始收埋靜左 睇到真面目 係唔係想走
「如果你覺得我係怪人 你走啦 我唔會攔住你 我講聲對唔住...」我道
「做咩講對唔住？我無諗過你係真正嘅拖鞋俠 我只係感到意外 我開心都嚟唔切..」穗茵笑道
無嚇親到佢就己經好好啦 如果唔係都唔知點算
「係喎 點解你鍾意拖鞋俠嘅？」我問
「因為你去船灣救人個次真係好英勇 到你打X組織我都有留意 仲有打藍狼人」穗茵道
佢將塊嘅資料完全講一次 我最開心原來有fans
「係呢？點解你會搵到我？」穗茵問
「自從藍狼人 吸血鬼嚟香港侵略之後 我嘅人生都開始漫無目的 第一件事就係想搵到你 識個朋友咁..」我道
「我同英雄做到朋友 係我嘅榮幸 我有難嘅時候你都會幫我嘅..可唔可以交換電話..」穗茵道
「無問題呀..」
呢個女仔幾爽直 我鍾意 認識到第二個朋友 我對人生有啲希望 至少阿yan有難嘅時候我一定會救
之後我送番阿yan出觀塘...
我地分開嘅時候 我 叮囑阿yan 今日嘅事千祈唔好同第三者講
佢離開我越來越遠 超仔就過到嚟
「好彩呢個女仔嘅底細 清白 不枉我搵人查佢 如果佢有問題你要同佢做朋友就好難..」
「多謝你 咁今晚請你食飯..」我笑道
「你無業架 先生 何來有錢？我請啦..」超仔道
卒之都係超仔請食飯
後來我知道阿yan口中嘅男朋友就係我拖鞋俠 真係無諗過會係咁 原來佢一直幻想緊自己有男朋友....
第二朝
不過咁 元朗工廠邨好快就玩完 我嘅私人空間好快俾人收購 應該咁講 係成個工廠邨都要改建
呢度的確無咩用途 多數都係商業 租客多 鍾意自由發揮跳出自己嘅框框
我嘅單位都唔例外
所以工業嘅事務比較少之有少 政府想收番呢度 因為想起更多嘅居屋 香港土地不足問題就肯定的 收購元朗工廠邨 一定計過度過 呢度一部份人都己經搬遷出去了
政府事先通知呢度逐家逐戶 好等人做好準備 而我會想辦法阻止政府遷拆工廠邨
不過距離遷拆仲有一個月時間 政府會俾足時間你走..
問題係 我個變身制係工廠邨 如果將個制拆出嚟 我仲會唔會變到身.？
有無諗過自己嘅命運 我嘅命運是好是壞 反反覆覆 完全估唔到嘅
有喜也有悲 不過不失
定抑或唔做英雄做個有前途嘅人？有時都幾煩惱
當然工廠邨格籬 向左村見到呢件事都唔滿意政府嘅行為 因為拆卸都到牽涉向左村 嚴重影響佢地生活之餘 個度又家祖先留低俾佢地 對佢地甚大 故此堅決反對
「呢個政府都唔理下人嘅感受 豈有此理...」魯陌係向左村村長 佢同村民睇到通告都嬲爆爆
「有名你叫啦 咩局長 叫咩伍那繫殷 死八婆嚟 遲早賣菠蘿..」一個村民道
「原來佢有份 咁就要鬧到佢狗血淋頭喇...」魯陌道
「佢抵俾人鬧....」每個村民都議論紛紛
「如果政府一定要堅持 我地一定要同佢死過 最多連老命都唔要嘅姐..」一個村民道
「阿祖你都去得盡 為村盡心盡力 真係難能可貴呢度無幾個做得到..」
「駛咩講..」
於是班村民村長會舉辦遊行 決定上街抗議 呢個決定令全部村民都舉手贊成
係辦公室嘅另一旁 伍那繫殷 暗地裡偷笑 「只要收埋呢個領地 我嘅目標就完成喇..」
而發展局咁啱又同環境局開緊會 兩個高官開會 主要討論草擬左收回工廠邨嘅發展書
個塊地可以起到大約二十幢居屋 仲可以起商場 相當華麗
「呢啲事 駛唔駛再同其他人商量下？」超涵問道
「乜邊個都一樣 我地都係俾話政府做事好慢 而家土地供不應求 無得起樓 如果唔盡快收購塊地
我同你都唔好有好日子過...」殷道
「有咩事要協助 我一定會幫手...呢個計劃必定妥妥當當..」超涵道
隨後 佢係身後個櫃拎左一支紅酒
「我地都好耐都無一齊飲杯啦 我地今日一於賀一賀佢...」
「死野啊 幾時收埋隻靚酒係我度 好 我地今日一於暢飲一番..」殷道
「你最近工作都咁忙 邊有時間顧其他野 工作緊要 都要小心自己嘅身子..」超涵道
「放心啦 個身體係我嘅 我一定會保護好自己..」殷拍拍超涵膊頭
膊頭下就係一場槍林彈雨嘅開始.......
向左村
我知道左村民村長都極力反對政府改建元朗工廠邨同向左村一事 我好有誠意同佢地埋堆 又得到阿yan嘅支持
我第一個反對改建 我自己都諗過決定繼續做我嘅英雄 個制係入面 我點都唔可以破壞我嘅英雄之路 但係我又唔可以講我係拖鞋俠...
向左村咁啱就係工廠邨格籬 村民當然唔願意見到咁嘅事 畢竟係度生活有原因都有感情 而情感係無可能用錢買嘅....
入去村落 個個人用仇視嘅眼神望住我 我心諗唔係仇人呀 我只係嚟搵村長㗎咋
點不知村長見到大駕光臨 出現迎接我
「我唔係咩政府嘅人 我係工廠邨一個單位商戶 我係嚟同你地企埋一條船..」我道
「後生仔 此話當真？」魯陌道
「係呀 政府要收工廠邨同向左村 咁大件事我一定要搵人幫手..」我道
「咩無用 不過 有你嘅支持我地都好辦事...」魯陌道
魯陌個脾氣都唔係真係幾好 我盡量小心翼翼咁說話 唔係佢火氣上嚟都真係唔係個個人都可以制止得到..
「有咩事都好 入去坐低先傾啦..」魯陌請我過去佢家
經過嘅村民一樣繼續睥住我...
不過村民遲下就會明白我同佢地係一陣線
過左一陣
「唔好睥住佢喇 各位村民...」魯陌信賴左我走左出嚟 同啲坐係度嘅村民講
「魯村長 你唔係真係會信呢個死靚仔呀嘛...」一個村民睇我唔順眼
「佢係支持我地嘅 放心 無事...」魯陌道
我唯一可以幫到佢地嘅就係寫橫額 魯村長帶頭做隊長 由銅鑼灣遊行到去政府總部 籌備時間幾日 就開始遊行
村民對我所作所為好滿意
我都無左計較
村民大多都係老人 佢地都係字唔識多個 但係唔好睇少佢地嘅精力 分分鐘好過新一代後生仔女 佢地除左有骨氣仲有堅強嘅耐力
「我覺得我地好型..」
係銅鑼灣sogo一直行 村民互相傾計
佢地無行出大馬路 因為佢地知道有啲野係應該做有啲係唔應該做 佢想遊行 無理由要令到交通阻塞 當然佢地有向警署申請過遊行 警署決定俾我地咁做
「點解會好型？因為好快會上電視？ 你好鍾意上電視咩？」另一個村民道
「唔係呀 係出左街令到廣大市民都知道我地遊行係堅持啲咩 令政府有個下馬威..」村民又繼續道
係辦公室嘅另一廂 局長佢地睇到電視即時新聞 好唔滿意佢地遊行 甚至一早搵人調查佢地 知道佢地大多都係文盲 開始覺得有人係背後幫佢地
「威？你覺得我地咁樣遊行 政府就會放棄咩 咪傻啦..」
佢地用左幾個鐘 終於到左目的地 政府總部
無辦法之下 政府只可以重申檢視一下
遲早都係拆 只不過係會早啲定晏啲拆....
「如果可以令到佢地收回主意 我會好安慰...」殷睇到班村民反對自己 有一啲不滿佢地
「駛唔駛搵人同村民講？］超涵都係殷格籬 望住班村民遊行
「講左都無用 佢地一樣係忠於自己 無諗過考慮其他人..」殷道
其實兩邊都係一樣忠於自己一套 盲目去做事都得唔到咩好結果
「咁就照計劃進行就ok」超涵道
無諗過令件事越搞越大 令到佢地嘅關係矛盾化 條村一再討厭政府
「係呀...」
卒之 遊行左咁耐 政府同條村一樣企硬 ....
連工廠邨啲商戶都反對埋一份
「最重要嘅事係個制你麻煩啲 如果重建左工廠邨之後 你個制都己經唔存在 到時就真係無得變身...」超仔問我
「有無辦法將個制移動？」我奇怪問
「如果移動左 又變唔變到身 又係一個問題 如果可以查出個制係點嚟嘅話就最好 唔係次次變身又咁麻煩 跟住又要重建 唉....」超仔嘆氣道
咁又係 每次變身都要係元朗好煩呀
我有諗過會唔會同我嘅身世有關
因為我無親人 從小就住孤兒院 跟住就識左超仔 一直陪伴我再變成知心好友 ....
「有無懷疑過自己嘅身世？」超仔突然問
「點解咁問...」我唔明白佢嘅用意 佢咁問起我 我我先發覺 咁多年嚟 我都查過自己嘅身世
「因為..啲野好似命中註定要俾你咁...你只係一次意外就成為英雄 你唔覺得巧合咩？呢個世界邊有咁大隻蛤乸隨街跳..之前你同希爾打架 呢件事一定同佢有關 」超仔道
「我無理咁多... 不過你咁講 我應該要調查下..」我道
「一定要啦.....」超仔道
個次遊行之後 我開始正式調查自己嘅身世.....
我係腦海諗左好多野 除左希爾呢個人仲有孤兒院 畢竟孤兒院都係我成長嘅地方 希爾就絕對唔會諗 因為都唔知可以係邊度搵到佢
諗諗下有回想之前有個乜野研討會 上過電視 有位人兄 叫 格言..？ 佢話過知道我嘅身世 突然諗到呢樣point真係好犀利呀
格言同孤兒院我選擇左前者
於是我叫超仔派人去查探下格言嘅位置 等我好好質問下呢友
「搵到佢啦 我俾個坐標你 我們一齊研究」超仔send 訊息俾我
問題係坐標我唔識睇 so sad..
只因超仔都唔識睇 我地一同研究香港地圖再睇埋坐標 離元朗好近 我就直接過去踩場
.
屯門嶺南大學
我諗佢會唔會係乜野大學教授 如果唔係佢又可以係咩身份 我隨便問下啲路人 個個都識佢 睇得就佢係呢度應該德高望重
「佢係4樓」超仔道
「咁過去啦..」
我地搵到格言嘅位置 就俾一個男人用雙手攔住左出嚟 點解要阻止我地去搵格言 肯定有唔妥
「你地走啦 格言唔會見你地...」男人用一種趕人嘅語氣 同埋真係好笑 明明係佢自己話唯一知道我身份嘅人 而家又叫我走？算係咩意思？我都嚟左門口 無論如何 我點都要搵佢當面對質
「等我十五分鐘 我帶你去一個地方..」一把聲音從入面傳出嚟 相信把聲就係格言
佢助手隨即入去格言間房度 我地就坐係門口啲凳等佢十五分鐘
「呢個人相當有可疑」我同超仔係度吹水
「我都睇到佢別有用意 識事後我一定要check下佢 睇下佢咩新鮮羅白皮..不過之後我會有啲忙 唔多時間會陪你」超仔道
「無問題啦 我咁大個人 應該搞得掂」我道
「我睇好你嘅 一定要越來越勁 越來越出色」超仔搭住我膊頭
吹水嘅時候 都有同學經過不時望下我地 可能我地唔係貴校學生
「超仔呀..」有啲同學知道超仔嘅存在
又係喎 超仔己經紅左出名
超仔都對fans好熱情
唔怪得啲fans想同超仔影相同攞簽名
之後格言出左嚟
「你助手呢？」我問
「我助手有啲無禮 唔好見怪 咁我地出發啦..」格言西裝骨骨 睇落去好正經 真人同上電視簡直另一類人 超仔知道左我地要去一個地方後 立即停止左fans追星會 跟埋我地一齊
格言所指嘅地方就係我成長嘅地方 孤兒院...
真係無諗過格言同我諗嘅一樣 咁我搵格言都係多餘 又講到知道我身份 又叫我嚟孤兒院 真係好莫名其妙 根本份人就係假正經
「我地點解要嚟孤兒院...？你唔係知道我身份咩？你直接講咪得囉 做咩要兜咁大個圈？」
講就講查自己身份 但咁樣左搵右搵都真係好攰 莫非呢啲都係命運？係唔係有啲野我唔應該知 或者 唔知好過知？
「呢間孤兒院院長係我好朋友 個日我嚟左呢度搵院長 個時你好似係得三歲 有個叫做希爾嘅人帶左你入嚟 跟住佢就走左了 」格言道
「又係希爾 我都估到同佢有關架喇 咁己家所有野都係關佢事啦 直接搵佢就一清二楚...」我有啲嬲爆爆
「希爾佢係你老豆」格言講出呢句說話令我震驚
「吓？此話當真？」
「係 希爾走嘅時候同院長講嘅..不過希爾嘅情況係 生左你出嚟 想唔要你就直接送嚟孤兒院 呢啲case呢度大把..」格言繼續道
姐係話院長都知道希爾係我老豆 但點解院長從小到大都無提及過希爾
「你可能會問 點解院長唔同你講你老豆嘅事 因為佢覺得知道你老豆係一個衰人 掉留低你走左去 又無再照顧你成長 到你走嘅時候都無出現過 所以佢選擇唔同你講 唔想你搵番你老豆..」無言道
「睇得出 前幾日佢同我決鬥仲打傷左我..」我道
除左超仔 格言同希爾都知道我係拖鞋俠.. 因為我頸上獨特嘅標誌 從細到大都有 希爾一定認得我
我地順便去探一探院長 打聲招呼 畢竟出左嚟孤兒院到而家都無番過嚟
院長室....
院長一早知道我會嚟 因為格言出發前己經通知左 院長 佢背向住我雙手放後 我會用可愛兩字嚟形容院長 佢肥嘟嘟咁樣 雖然上左年紀 但樣子仲係青春一派
「終於嚟喇 兩位..」
佢講野嘅時候望住窗外嘅操場 院長室出面係一個佔地四個標準籃球場 組成一個大型籃球場 一來可以俾啲孤兒打波 我細個都會經常性打波
「係...我地番左嚟...」我道
「我仲以為你地己經唔記得咗我喇 最近生活好嗎？」院長道
「我同超仔生活都幾好呀 好開心 你呢？」我道
「同你走嘅時候無變 不過真係好開心你地番嚟探我..」院長有啲哭泣嘅感覺
院長望向超仔 佢知道超仔己經係可造之材 有史以來嘅第一位 一定好感動 l邊有人諗到孤兒院會培養出一個出眾嘅人 院長諗都唔咁諗
「係呀 間房一樣係咁殘舊...」的道
「係呀...政府同大慈善家又無出錢俾我地 我地好多野都同你走嘅一樣..不過 格言應該同你講 你身份嘅事係咪..？」院長道
「佢係電視度話得佢自己一個知道我身份 但係院長你都知道我嘅身份 咁姐係唔只一個人知我係咩人..」我道
「本來係得我知道你嘅事 但格言就自己去查希爾..」院長道
「院長我想你老實答我 希爾真係我老豆？」我問道
「的確係 仲張親口承認嘅 我覺得 佢唔會攞親生仔講笑..」
院長再道
「就算你變左拖鞋俠我都一樣認到你 因為你頸上嘅三角形胎記 呢個胎記絕無僅有..」
院長室外面 有人就遞上杯茶俾我地三個.....
照道理嚟講 院長其實都係知啲唔知啲 佢對希爾嘅野都唔係好了解 院長話格言查左好多野 我一定會問佢
因為頸上一個胎記 希爾就知道我係佢個仔
「你啲茶咁多年嚟都係咁苦澀...」超仔飲起一杯茶
「孤兒院都無咩資金 好多野都係慳得就慳 無辦法..」院長道
我覺得政府一定會拆孤兒院起居屋 只係遲早嘅問題
而家香港乜都貴 樓又貴 香港人又買唔起 政府又無地起樓
我就好彩 超仔有第一層樓 無私奉獻同我一齊住 佢嘅野即係我嘅野 我嘅野就即係佢嘅野 只不過大家紅嘅地方 佢係名人 我係超人
如果有啲大慈善家嚟支援下你話幾好呢..
睇出窗外啲小朋友 真係好開心呀
「之後你諗住點？無名你會唔會搵番希爾？」院長問道
「會...我一定會...好多野都仲係唔清唔楚 點都要問清楚佢」我道
「咁好啦..」院長道
我地出左去同啲小朋友玩一陣 超仔都跟埋嚟 我地決定總要玩到癲 超仔都係 好耐都無試過咁攰 佢番工有時都要直落十幾個鐘 但都會俾佢抖氣
我地都無理會到格言佢去搵院長 畢竟佢地本身識 格言去搵院長都好正常嘅.....
但係.
格言同院長原來有啲不可告人嘅秘密 佢地係院長室會面 佢地坐係沙發上
「呢個無名 即係拖鞋俠 你諗住想殺佢？」院長皺眉 道
「希爾係佢老豆 唔多唔少都會同佢有關 殺唔到殺爾 就唯有殺佢個仔 ..」格言道
「點解唔細細個殺佢？而家佢成為拖鞋俠 你有無能力殺佢？」院長道
「我要等佢大個 等佢自己知道咩係死亡 我要佢知道希爾所做嘅好事 ..」格言道
院長心諗 格言己經變成左惡魔 之前都唔係咁 仲諗住好唔好同我講...
「呢度係你一手經營如果我一手摧毀就好唔值得 呢度可以話係歷史嚟..呢個拖鞋俠 就俾佢開心多陣..」格言再道
個老豆做錯事 竟然要個仔賠上 問題係希爾都唔要自己個仔 個仔都好無辜
「你竟然有你計劃 我都唔阻止你..」院長道
「放心 唔會搞到呢度 唔會有事嘅..」格言道
「你諗住幾時落手...？」院長道
「差唔多了....」格言偷偷地笑
格言諗起要報仇要對付我 就邁向成功嘅一步 而我仲係懵然不知 危機即將來臨 係我身上.......