英雄決定聯盟：超越人類的智慧: 逸出女武神：封印之門（中）
繼續我地嘅山莊之旅
就係咁我同磨俠開始認識 佢磨俠好叻 擅長制造各種刀嘅武器 最犀利嘅係可以以有以無嘅法術 我都想擁有法術 超能力之類 我知呢樣野係無咩可能....
呢間屋本來屬於一個阿夢居住 佢故意係呢個地方起呢間山莊 跟住就一直係度住 退隱嘅生活 而阿夢同磨俠本身就有一段 離不開嘅戀情 磨俠最近先知道左有呢間山莊 藉此今日佢都係度..
阿夢去左邊度？ 佢上左去天國了 阿夢意外得到癌症 可惜嘅係磨俠無機會得到阿夢 同埋應該走左好耐
而家嘅磨俠希望可以打理番呢間山莊....
我唔知講咩好 男人都係為錢一係為女....
「阿夢到底因咩事隱世？ 因為一早知道自己有癌症？同埋阿夢都走左一段時間 點 解你會知有呢間山莊嘅存在？」我地坐左係山莊門前石級
「阿夢係臨死之前寄左一封信俾我 信中提及阿夢因為癌症而開呢個山莊...」磨俠道
呢間山莊應該要花多錢去建成 ...
我地好想幫下佢手執下山莊 畢竟呢個都係磨俠同阿夢美好嘅回憶
「你地走呀 我唔駛其他人幫手呀 呢度係我同佢嘅回憶 我唔需要第三者加入...」
佢推左我地出去外面
好大力拍門
「呯...」
個下門好響 我覺得呢個人都係有問題
個一刻我都未知佢有法術 超能力
佢唔想我幫就由佢 慳番啲力仲好...
我無理到佢 自己開心就好
開番部手機之後繼續我地嘅行山旅程
之後嘅行程同拍攝十分順利 只不過路程係有少少迂迴曲折
我唔知係唔係入去就掂到污糟野 跟住就怪事上我身...
明明好熱嘅天氣變到令我唔覺得熱
明明天文台講明有成34度 我感到自己好暖 停留係外面幾個鐘 無流過一滴汗水
而好多人都大汗疊細汗 ....
「到底咩事呀你...一啲汗水都無嘅..」
為左拍攝呢一段影片 我地出左大街 今次我約左另一位嘉賓出嚟
佢係阿bee 佢都係一個部落客
我地拍一輯尋找城市中嘅特色美食
「唔知呀 我唔覺得熱...」我道
我諗番起山莊嘅三個鐘 我地大多都係密室逃脫 然後都係坐而待斃 睇唔到有咩特別...
我暫時拋開左呢個念頭 去食野
我同阿bee係美食街度 掃街 有啱啱出爐嘅特大魚蛋 我都唔覺得熱 阿bee仲睇住我睇到定哂格
「哇... 唔怕熱嘅 犀利...」阿bee道
「無問題 我ok...」我道
原來磨俠有跟蹤我 佢都知道左我有咁嘅情況 無端端係大街 推開阿bee 拉開我隻手 離開美食街嘅人群...
我好想甩走佢隻手... 但係佢捉得我好實
「咩事呀 ？」我道
「我吊住你尾 己經知道你有唔妥 原來真係擁有左超能力...」磨俠道
「你知唔知自己講緊啲咩？」我問
「我知道我自己做緊啲咩...我好清醒...你己經擁有唔怕熱嘅能力 只係仲有其他超能力未發掘出嚟...」磨俠道
「你跟蹤我？有咩企圖？」我道
「我只係嚟同你講 果度係有啲神秘野會出現 而你就係咁啱觸犯到果個結界 所以你先會有果種超能力」磨俠道
「係唔係你本身都有呢種超能力？」我道
「你係體內逼到一種潛能 從而變成有超能者 唔係個個人都得...」
磨俠道
咁我係唔係好似彩票一樣 萬中無一 我係咪應該要值得開心...
跟住我就同阿bee集合 當然佢都會問一大堆關於呢個人嘅野 我作左個大話呃佢 對唔住 唔想俾人知我隻手 可以燒烤
個次拍片之後 開始慢慢 成為女超人 除左唔怕熱
手仲有如鐵沙掌一樣 發出一股火焰 如果正常人被打中嘅話 真係會有火燒嘅傷.
最近都不練習下自己 可唔可以將超能力收放自如 我又係無人嘅時候先可以試..
爺爺同嫲嫲都係同我住 佢地年紀大 都有老人痴呆 好快就唔記得啲野
成日都問我係邊個 己經到左最後關頭..
阿爺同阿嫲之前煮飯好叻 阿爺通常煮嘅係 隔夜（爺）飯 成日將隔夜飯就會炒成一碟飯 而阿嫲煮嘅係 麻煩（嫲飯 因為煮好多我完全唔鍾意野
所以大多時間都匿係屋企
一來照顧下佢地 一來為左剪片拍片 再嚟我又搵到方向 想幫人化妝 久而久之成為化妝師
我會出下啲片 首先幫自己化妝 再幫朋友化妝 網絡點擊率都係好評 又無諗過有人識欣賞
化妝嘅出路 令我充滿希望
跟住又試下拍其他題材
美食街第二集
會發掘城區隱世美食 例如一條好多以日式嘅主題嘅美食街
令到觀眾再一次亮點到我
短短半年擁有好多fans
不過只存活於網絡上
我嘅超能力一直收埋 暫時都未有用途
半年後 兩老都己經返祖國 人始終離不開生離死別 而我又多左時間做自己嘅事...
「你嘅超能力學有可成未...」突然有個fans係我ig度私底下問我
我第一眼望到佢嘅問題都唔知點俾反應 呢個人點知我有超能力 因為我無同任何人講 除左磨俠 不過磨俠己經蒸發左咁耐 無理由呢個時候出現番
我有九成直覺呢個私底下搵我嘅唔係磨俠
呢個人落井下石有咩居心？
「你係邊個？」我問番佢轉頭
另一邊嘅回覆 圖層想我去佢屋企 一切就知真相
我個心上下忐忑 因為我只有焰火呢種能力 跟住就咩都無 我唔敢輕舉妄動..
「你唔搵我我都會嚟搵你 因為你得到超能力 有份禮物想送俾你 希望你可以成為新一代英雄...」
呢個人不斷推我成為英雄 ...
我再一次感到意外
到頭來 呢個人都無現身 我亦搵唔到佢嘅身份
不過佢送左一把長劍俾我 仲有擁有發火能力嘅劍 但把劍都幾重下 莫講話打架 拎都未拎得起...
我再去ig個度問呢位神秘人 我想知佢嘅真正身份 佢好快就覆左我
「請問我可以搵你」
訊息發送中...
「可以 嚟殷山苑搵我 我住個度...」
我己經鎖定殷山苑 神秘人住係果度 雖然有少少期待同佢會面....
另一頭 阿bee再次打電話俾我 仲約左我出嚟食飯
我地相約係阿bee住個頭附近餐廳食野
「阿me 過嚟坐吖...」我道
「好呀...」 我坐係阿bee 對面 「今日咁好出嚟食野？」
「我越諗越唔對路 上次果個掟你嘅人有股好強嘅邪氣 你唔好再同佢有聯絡 雖然我唔知佢嘅身份...」阿bee道
「我同佢唔熟㗎..」我想照直講我有超能力...
「仲之你小心啲佢啦...最近都好似好多呢啲怪事咁...」阿bee道
為左籌備拍攝嘅野 有啲都會搵阿bee幫手
不過我 點都會去殷山苑 一次 一定要搵呢個神秘人...
殷山苑
神秘人居住嘅大屋 係外面睇落去呢度間間都差唔多 樣 佢就住係中間嘅位置 對住外面係公路同海灘 相當休閒嘅生活
開門嘅一刻 出現左我嘅認識嘅人 佢係雲教授 係我國中時期教我嘅老師 而家嘅佢 己經退左休享受緊生活
「入嚟先講...」雲教授道
我大大都無估到係雲教授送我武器 佢有咩目的？
雲教授嘅家 有三層 上面兩層應該係睡房 一個人住三層樓都幾犀利
我地坐低左係一張棕色嘅梳化上 傾左下計
「我都知你會想問點解會送武器俾你...」雲教授道
「我真係好想知所以先嚟搵你...」我好期待雲教授嘅答覆
「其實唔怕同你講 阿夢未死只係被封印 呢把火神劍就係要有力量先可以揮發 我同你一樣 一年前 行山經過果頭 見到山莊...」雲教授仲未透露點解俾人封印
佢同我見到嘅野係一樣 不過係多左阿夢封印件事..
我果日同小雨就真係見唔到阿夢嘅存在 有可能係磨俠係度搞鬼 佢又再一次令我發火
唔怪得山莊仲係鋪哂塵 無人打理
唔怪得佢唔俾我去幫手
「不過呢 解除封印有啲難度..」雲教授道
「點解咁講？我都有果種能力同埋有你手上火劍..」我道
「封印之力威力好強 有機會就會彈開你 雖然你有超能力 我真係開心嘅 火劍贈你之時 你要多加練習 必定有用.」雲教授遞上火神劍俾我
即係話 雲教授就係喺山莊偷火神劍出嚟....
「其實我三樓都係一個研究室 我研究左火神劍有一段時間 正常人係用唔到佢嘅功能 只有超能力先可以匹配到佢...」雲教授道
而火神劍對主人有感應 知道主人嘅存在...
到底當佢係武器定係寵物好...？把劍只會聽主人命令
我藉此參觀一下佢二樓跟三樓 雲教授並唔介意佢都預我會上去参觀......
二樓嘅睡房同我睡房都無分別 不過佢設計得比較簡單化 無用色彩配置房間
「你間睡房都幾單調..」我盡管有少少問題 佢都可以接受我嘅提問
「除左訓覺 都未必係度 故意裝修比較簡單啲...」雲教授道
「不過咁都幾好 要執房都無咁辛苦...」我道
講左幾句計 就上左去三樓 雲教授嘅實驗室..
眼前一亮嘅係 二樓同三樓格局相差太遠 實驗室亂好不堪 可能教授係專登咁擺 方便自己..
「係咪有啲亂呢 呢個研究室係拎到火神劍而建造嘅...」雲教授道
「原來係咁....」建造呢個一間房應該都唔係好嘅事..
之前雲教授都係教我科學 自己又忠於科學野 所以佢有實驗室 一啲都唔出奇 所以藉由再改裝三樓
都只係一年內嘅事
短短一年 研究火神劍 將零開始嘅
之後 教授講解左好多火神劍嘅功能
但我決定要去解除阿夢嘅去印
雲教授同嘉盈熟落 我係雲教授手機見過佢將相...
臨走嘅時候
嘉盈就係門口..
「契爺..」嘉盈見到我
雲教授收左嘉盈做契女
「你係度嘅 阿me...」
「我搵雲教授有啲事 估唔到你竟然做左雲教授嘅契女..」我道
「呢啲係緣份嚟 所以我唔介意多一個契女㗎...」
雲教授道
我仲以為嘉盈會有仇視嘅眼光望我
「咁難得 去食餐飯？」嘉盈問道
我一早嚟搵教授到而家 唔經唔覺己經到左中午.
我同嘉盈都係大學讀書嘅時候認識嘅 畢業之後大家分開生活 你有你忙 佢有佢忙 慢慢就疏遠
而家都可以重遇 都可以話係一種緣份
同時間嘉盈對拍片好多興趣....
「唔知之後有無機會合作拍片..」嘉盈期特地道
「最近拍緊特輯 都可以搵你拍」我道
「tks....」
「最緊要我地目的都一致...」我繼續道
我地對拍片都有一種執著...
食左無耐 牆上嘅電視就播出一宗新聞 延池市中心裡出現兩隻極度兇猛嘅怪獸
我形容其中一隻係 雙頭怪 另一隻係大眼怪
突然嘅巡擊 有啲意外
佢地到底係邊度嚟 外太空 定係同山莊封印有關？
頂
諗咁多做咩 救市要緊
「你有超能力 你去啦 呢一餐我埋單就ok了..」嘉盈道
「我從頭到尾都無講過超能力..點解你會知道？」我仲未離開繼續問
「你唔記得我係雲教授嘅契女嚟 我係住係佢個度嘅 仲有一開始ig係我替雲教授send過去嘅 不過之後嘅回覆就係佢自己親手覆 就唔關我事嚕..所以我先知道你有超能力.....」嘉盈道
「點都好 我唔想俾人知我身份 我唔係出位...」我道
「你而家去救市就等於下一個超級英雄 你點都會出鏡 除非 你帶面具...」嘉盈道
臨時臨急係邊度搵面具....
「你講嘅野都啱嘅...」我道
「雖然我都想擁有超能力救市 但係命運落在你手 呢個使命就交俾你喇 阿me...」嘉盈替我加油
佢知道左我嘅野之後 我就無左深究落去
餐廳嘅人會唔會聽到我地嘅對話...
佢地見到電視上好似都無咩野咁樣
呢個世界開始失平衡 越來越多奇怪野發生
我就係女武神 逸出女武神 我嘅使命好沉重 但我必須做..
.......