英雄決定聯盟：超越人類的智慧: 逸出女武神：封印之門（上）
故事以虛構地方改寫
一覺醒來 太陽初起之時 特別美麗 我二話不說走出去外面 凝望住天空 橙色嘅太陽 新嘅清晨開始了
我好細個就習慣5點半起身 ...
細個因為讀書嘅緣故 所以一定早起身 而家慢慢習慣呢種生活
我從小都無諗過想做咩大事 直到一個經歷 令我成為化妝師 開始嘅時候都係同大家一樣 試下有咩適合我嘅去向 點知一做就做到而家為左化妝師 拍影片都係我嘅興趣 餘下時間我都會諗好多新嘅題材的拍 多左人識我 廣為人知嘅就係我係一個出名影片部落客之外 無人知我真正嘅身份
就係....
女武神 逸出女武神 米青女俠 米青姐係我英文名加個姓個解 無乜特別意見.....
個名簡單易明就可以了
同我個名有啲關係 以中間取名為日出 再演變成女武神 因為我有一把劍係身上
果個長劍就係我隨時用決鬥嘅重要武器 把劍相程穩重 我都要練左好耐先可以拎得起把劍...
...........
兩年前
因為我平時都有行下山嘅習慣 藉此拍一條行山嘅影片 而條片剪輯埋大概有10幾分鐘 但係我無將條片放出嚟 因為....
個次行山 就係令我成為有超能力嘅人
雖然過程要艱辛先可以出番嚟 仲有差唔多到死亡邊緣
呢個經歷應該會係我一件畢生難忘嘅事情....
畢山 係一個我居住嘅城市最高嘅山 有好多山旮旯 大大小小嘅山窿 一個唔小心都會有危險 山有兩條路可以行 一條山嘅中間會居住啲馬騮 佢地好鍾意跳跳紮紮 好鬼聰明間中會伸手問你攞食物 而另一條路就好少馬騮聚集 陡峭險峻 曾經有馬騮意外失足跌落懸崖 環境保護部門因而將果邊一部份立下禁止進入牌 同時亦會圍封 但山路仍然可以行
我同朋友約好係山腳嘅一個公園 準備好拍攝行山之旅
我輕裝上陣 無帶太多野係背囊 免得太過重 行得辛苦 因為我好怕熱 我一定會帶一個風扇仔 唔係嘅話我會熱死 至於我朋友小雨 會幫全程揸機 但係佢都會露一露鏡頭 但就唔係好多 間中都講幾句助一下興致
「歡迎大家嚟到畢山 係最呢個城市最高嘅山 有成5公尺咁高...」我望住相機鏡頭
「真係好高呀...」小雨係另一頭笑笑
實際上係有800公呎
「呢座山最大特色 有好多馬騮 所以今次我地會行果一邊...咁我地就繼續行啦.....」我地繼續行繼續影低美好嘅風景
「呢度嘅風景真係好靚 上高啲仲可以俯瞰整個城市嘅繁華景象 睇緊影片嘅你係好值得到此一遊 不過要行我呢邊就要小心啲馬騮啦...」
我地行到差唔多有馬騮嘅地方 就有圍欄欄住我地前進 仲有個牌寫住 ”因前面有維修工程所以登山者無法前行 請用另一邊繼續 我地為此致歉 敬請原諒”
我完全唔明 呢一邊明明好多馬騮出沒 可以維修啲乜野？ 不過個欄 欄到實一實 無空隙俾我地望入去
個牌咁樣寫 我地都無法強制向前
唯有轉個另一條路
果個路比呢一邊有少少難行 啲路又唔係平衡 好多突出嚟呢小石頭
「因前路維修我地就行去另一條路喇 不過果條路真係要好小心咁行 同埋呢個邊係無馬騮出沒嘅 兩條路都唔會有連接 出口都唔同..」
兩條路嘅入口係好近 未知點行嘅時候 就可能需要點指兵兵 如果好似我咁 想親近馬騮就唔駛猶豫一個方向
「終於到左好難行嘅路...」
面前就有一個山莊 呢度幾時有一個咁隱蔽嘅地方 我都聽講過 地圖都無顯示
我地無因此而停機拍攝 繼續拍嚟落去 我地想直行直過間山莊 我會形容幢建築物係山莊 因為個牌寫住 山莊
去到山莊門口 就發現大門係無鎖到 出面嘅外牆好舊好舊 仲有甩色嘅痕跡
到底係入去探究定係繼續往前行？
呢個問題需要擲公字
結果我地係擲到要入去探究....
我地原本話題由馬騮山 講到另一樣野 就係呢間山莊
山莊外面有一個圍欄欄住山莊 仲包圍住好大塊空地 有啲花花草草 不過好多花己經枯萎哂 有啲就得番啲草 山莊後面有個小小遊樂場嘅設施 滑梯 鞦韆等 不過都舊到好多灰塵....
「原來就係想去搵馬騮 而家嘅目標己經轉移探索神秘山莊 ..大家有無興奮又有趣呢？我地一齊入去睇下..」我繼續道
山莊嘅裡面 好廣闊 就好似一間別墅咁 有客廳 有廚房 有廁所 不過睇得出山莊己經丟空好多年 啲塵多到好多烏蠅
入去後 山莊嘅唯一正門自動關上 個下聲音好清脆 我地嘗試去拉一拉道門 用左九牛二虎之力都無法拉開道門
我地停止左拍攝 想處理左而家嘅問題 我地係嚟行山 唔係嚟玩密室逃脫....
山莊無窗 而且仲好悶熱 好彩我有把風扇係度 但係風扇持久度唔係可以撐得幾耐...
我地藉此探險下山莊 睇下有無咩門口
山莊仲有第二層 理過二樓主要係睡房
我地越來越熱 風扇都頂唔住 咁舊嘅地方就算有冷氣 呢度都無電
風扇都吹到一啲電都無
我地繼續係度 仲要熱到出哂汗
我地一時之間都諗唔到辦法 只不過越來越熱 更加唔想郁 我太後悔擲公字入嚟山莊
如是者 我地係三個鐘 個身熱到成個火爐咁 當下我係度諗 如果可以逼走啲熱力就好了 但應該無可能
係無望之際 有人打開大門
有個男人見到我地係度
我同佢仲擦身而過 就係個一下 令我有股好強嘅力量 到底係佢轉移俾我 定係我多中左？暫時都唔知點解會咁
個男人手持住一把大刀 神態輕盈若然 佢自稱自己為磨俠
「你兩個係度做咩野？」磨俠道
呢一次就係同磨俠第一次相遇....
「我地唔小心入左呢度...跟住就出唔翻去..」我道
「兩個傻瓜嚟嘅 呢道門雖然會自動反鎖 但係有個鎖匙窿係度 只有插入個鎖匙就可以開門架喇...」而鎖匙就掛係門牆上嘅一個大箱
真係好嬲 我地一直搵都無咩料到 原來牆上仲有一個箱 用嚟裝住各種房間鎖匙...
「我地誤打誤撞入左嚟 仲唔知規矩 對唔住...」我連忙道歉...
...