MK學院: MK仔女江湖事件簿—四葉草篇(7)

我舉刀：「呢個我嘅。」

刀鋒劃過我右邊面，𠝹出一條血痕。

唔算係好痛，仲忍得住。

「嗯，咁佢呢？」佢望住我個肚：「你自己揀。」

我知你講緊邊個位。





啊媽望住我，擰咗擰頭：「唔好。」

如果一刀可以令佢唔再憎你，都幾好啊。

「冇事架，都唔係第一次。」我苦笑：「Here we go again。」

///

大佬拉我入廁所：「你條撚樣係咪穿撚咗櫃桶底？」





你點知架？

「擸咗少少啫。」我嘆氣：「我想上岸。」

我唔想成世都出嚟行。

「我都想上岸，但你穿成球嘢死撚硬架！」佢抆個煙盒出嚟：「食枝煙先啦，我諗下點幫你拆。」

我哋一人拎一枝，之後就各自點煙。





//

佢將煙頭彈落屎坑：「我諗到喇。」

你有計喇？

我好期待咁望住佢：「我要做啲咩架？」

上山下海都得架。

「你聽日帶曬啲錢返嚟。」佢拍咗拍我膊頭：「我遲下安排你過檔去第二瓣。」

保得住條命仔已經好好架喇。

「好。」我忍唔住攬住佢：「多謝你啊Dee姐。」





真係冇跟錯人。

佢拍咗拍我背脊：「屌你講呢啲，我點會睇住你班𡃁妹死啊。」

//

我將成袋錢揼上枱：「一百萬喺齊到架喇。」

我郁都冇郁過，一定唔會少。

摣數佬指住袋錢：「數下齊唔齊數。」

//





佢條𡃁將啲錢塞返落袋：「齊數啊大佬。」

咁我係咪走得喇？

「啊Dee姐，雖然而家收返齊條數，咁但係…」摣數佬搲咗下搲巴：「就咁放走佢好似唔係咁啱規矩喎。」

吓，點解Dee姐你冇同我講過嘅？

佢行埋嚟：「我梗係知啦。」

我見到咁即刻成身震撚曬，慌撚到閪咁。

佢喺我耳邊細聲講：「摣數佬走咗就帶你搵神醫。」

吓，做咩要搵神醫？





我未嚟得切開聲，佢已經將把匕首喺我肚臍到插咗入去。

佢把嘢插到一半嗰陣又埋嚟我耳仔邊講嘢：「忍住。」

匕首完全插入，我痛到直接跪低。

摣數佬拍咗下手：「咁就差唔多。」

佢講完就帶住條𡃁走咗，得返我同Dee姐留喺原地。

佢除件外套落嚟撳住個傷口，之後就一嘢秤我起身：「行啦，再等就流蚊飯流到釘蓋架喇。」

///





我一嘢將把匕首插曬落肚臍到，眼前好快就得返一片黑暗。