《想溝到女千祈唔好學我咁》: 8.2

「咁唯有應承你啦。」我將阿月嘅通告遞返俾佢，佢亦即刻改返個選項。

「喇，唔好丟低我啊。」佢遞上尾指，示意要勾手指做證。

「得啦，煩。」雖然唔知佢係咩用意，但我依然勾上我嘅尾指。

放學嘅時候，我將收齊嘅通告，交到阿南手上。

「快手喎，叻仔！」





「雪糕呢？」我問。

「唔洗驚走數喎，而家去買！」

「你幾時同阿月咁熟？」喺行去小食部嘅路上，我好奇咁問。

「嗯…唔記得咗。但佢幾好人啊，之前都有特登Whatsapp問候我。」「咩人喺你眼中係差㗎？」我問。

「有啊，符文安囉！原來佢真係個衰人嚟，同子晴拍拖之前已經玩過人哋感情，枉我仲咁欣賞佢球技。」





「哈，你而家先知佢啲嘢咩？呢單嘢，我都略有聽聞，聽講仲係撬人牆腳。」

「係啊，原來個女仔之前就係同胡一刀拍拖。」

「唔怪得佢咁憎符文安啦。」我終於都明白，點解胡一刀會咁憎個仆街。

「係喎，阿月同我講我先知，你媽媽就生日。」但每次聽倒阿南講起胡一刀，我嘅大腦就會麻痺一下咁，所以亦即刻轉換話題。

「喔係啊，所以果晚去唔到晚會喇。」





「喔…」

「唔洗失望喎！一係我哋交換禮物啊！喺聖誕節果日。」「呢個建議唔錯。」我淡定咁答，但其實內心非常興奮，我好期待阿南會送咩俾我。

「就咁話啦！勾手指尾！」佢舉起尾指，乜而家啲女仔咁鍾意勾手指尾…？

喺迎接聖誕節嘅來臨之前，我哋都要完成咗大考先。阿南成日都會上嚟我屋企溫書，溫到悶嘅時候就會睇吓我老豆之前買落嘅DVD，有時就會開YouTube睇唔同嘅無聊片。

「講個好消息你聽，我阿媽決定搬返嚟同我一齊住。」有一次睇睇吓片，佢突然講。

「咁咪幾好，唔洗捱貴租，又可以多啲時間陪你。」

「難啲咯，佢都搵到佢嘅第二春，而家戀愛大過天，唔記得我喇。」聽阿南講，個男人係佢媽媽返夜班時認識嘅。

「個男人對佢好，對你哋好就夠。」





「咁都幾好嘅，至少佢正正經經，搞啲小生意。」

「會越嚟越好。」我摸一摸佢個頭講。「你都唔准蝦我，唔係你就知死。」佢冇啦啦燒埋我果疊，仲隨手舉起把較剪指住我。

「點...點敢。」面對咁嘅生死存亡時刻，點都屈服啦。

「咔嚓！」門口突然傳出開門聲。

「大獲，老豆返！」明明佢話今日會遲返㗎！我馬上變得手忙腳亂。

「怕咩，我哋又唔係做緊啲咩。」相反，阿南就十分冷靜。但佢又講得啱，我哋又唔係做啲咩苟且嘅嘢，有乜好驚？

但聽到老豆一步一步行入嚟房嘅聲音，心仍然不期然會好緊張。





「咯咯！」當我以為佢會開門入嚟嘅時候，反而佢只係敲咗兩下門。