「校園/愛情/青春」人人景仰嘅隔離校花， 竟然做咗我補習老師: 第四章 - 聖華女高之花

「係！AB餐到~」侍應拿著兩碟碟頭飯輕輕過來放下就輕輕走去。

只留下餓到半死的我們餓狗搶屎的開食。

沒有辦法吧，午市人多要等待是無可厚非的。

「喂喂~頭先你哋見唔見到小瑜BB呀？」肥龍食到一半突然問我們。

「呠！咳咳咳！...」我瞬間濁了一下。





「你好核突呀浩哥！」

「你頭先話邊個話？」我有點緊張。

「小瑜BB呀，過馬路嗰陣係正我哋隔離嗰個呀。」

「欸？......」

小瑜BB？她居然有這個花名？？





「你唔係同我講你唔識佢呀嘛，虧你仲好意思周圍溝女，連小瑜BB都未聽過。」

「啊...願聞其詳~」我決定裝蠢一下。

「許星瑜，人稱聖華女高之花，唔單止人靚聲甜...」

「對波又大~」淫希插嘴。

「而且成績優秀又舉止優雅...」





「對波又大~~」淫希又插嘴。

「堪稱係完美嘅學霸女神，係我哋學校一早已經出曬名，你唔見放學嘅時候會有成班仔圍住隔離學校嘅咩？個個都係想見到女神一面咋~」

「下......」聽完宇軒的解說，我整個人都呆呆的不太懂反應。

原來她在我們學校是那麼出名的名人哦...我怎麼會現在才知道的...

難道這個是情報蒐集的能力高低？？

看來大家對我這個公認變態的態度已經去到要聯合一起封鎖情報以保護其他女生的地步了...

哈哈~

欸？等一等。





「照你咁講，佢咁搶手應該咪已經有仔囉？」

「咁又唔係喎。」

「嗯？...」

「根據可靠嘅消息來源，小瑜BB到而家為止都仲係單身，原因唔係好清楚，但係佢對拍拖好似有啲抗拒咁，之前A班嗰個校草都試過去追佢，結果都係俾人請食檸檬。」宇軒托一托眼鏡，一副不解的面孔。

「A班嗰個校草？唔通係嗰個趙子良？佢已經好靚仔㗎喇喎，咁都say no？」肥龍有點驚訝。

「嗯~所以個個都話小瑜BB係只可以遠觀不可褻玩嘅存在。」

我抓抓有點發麻的後腦。





她居然是這樣高嶺的存在，我真的完全想不到呢。

這樣說的話，那她在我家私補的事...

要是暴露了的話不就死了嗎？...

連校草都能決斷拒絕的存在。

被人知道我天天都可以跟她獨處的話...

我一定會被人活生生打死......

說真的，還是好好保密吧。

「不過，女神嘅事都係唔關我哋事㗎喇~我哋四大天王自身都難保，要輪幾時輪到我哋呀~快啲食飯好過啦~」肥龍笑說，我也決定不再想東想西繼續食飯。





突然淫希整個人貼了過來。

「索~索~~索~」他又再把鼻哥哄過來。

「浩哥~你陣味唔同咗喎~」

「妖~你先係真正嘅變態囉！」我忍不住。

。。。。。。

「素飯到~」侍應小姐把飯菜放到她的面前就轉身走了。

她沒有想太多拿起筷子就開始吃著。





「啊~~小瑜你今日又食素飯呀？咁樣食法好悶啫。」

許星瑜笑了一笑，接著夾起一注炒生菜：「我OK呀~」然後就吃掉了。

「圓圓，你又唔係唔知小瑜嘅情況，出少句聲當幫忙啦。」張美麗有點生氣說到。

黃圓圓馬上有點愧疚：「我緊係知啦...我都係講下啫......」

「好喇，你哋兩個，食飯就唔好嗌霎啦，咁樣小瑜好難做㗎。」郭海澄輕輕提醒一下，兩人就不約而同看着許星瑜。

只見她掛著有點尷尬的笑容，多少有點無奈。

「Sorry ar小瑜...」
「......」

黃圓圓和張美麗也低下頭來。

「唔緊要啦，我唔介意~ 同埋嚟緊啲錢應該都會鬆動啲，唔使擔心喎。」許星瑜依然笑著。

「呀！係咪之前你講過，話你家姐畀咗份私補你呀？」張美麗問到。

「嗯~」

「咁就好喇，咁月尾就唔使擔心啦~」

「欸~咁即係小瑜嚟緊可以食好多好嘢囉？」黃圓圓有點興奮。

「嗯~」許星瑜點點頭。

「好嘢！」

說罷黃圓圓就把自己的雞腿給了許星瑜

「嗱~小瑜請你食呀，唔使等月尾依家就食好啲。」

然後張美麗和郭海澄也把自己的餸分了一點給她。

「多謝~」

「我哋好姐妹嚟㗎嘛~唔使客氣啦。」

許星瑜笑著，笑容是甜甜的。

「呀~不過小瑜，私補記住小心啲，一定要保護自己呀，呢個世界好多變態㗎。」

「係咪好似頭先喺馬路撞到嗰個？」黃圓圓問到。

「係呀，總之有咩事即刻走呀知唔知。」

「馬路撞到嗰個？」許星瑜有點不解。

「頭先喺我哋隔離嗰班男仔其中一個，聽講就係傳聞中嗰個隔離學校嘅變態跟蹤狂。」

「我知呀！鍾意跟住女仔返屋企㗎嘛。」黃圓圓插嘴。

「係呀！個名好似叫...叫......」

張美麗想了想。

「叫周子浩呀。」

「周子浩...」許星瑜默默說著這個名字。

「總之小瑜你記住，遇到呢啲人要即刻走呀知唔知呀。」

「嗯，我知喇。」