「校園/愛情/青春」人人景仰嘅隔離校花， 竟然做咗我補習老師: 第三章 - 四目交投
欸...她就是雪姐的妹妹？...
會不會太巧合了？
原本還想着應該不會再見到她的。
「唔該...」
「啊！係？...」我有點緊張得說話分貝都拉高了。
「可唔可以畀我入屋先？...」
「呀！係喎！入嚟呀......」
我搞甚麼...居然忘記給人入屋......
她脫掉白色的帆布鞋，露出纖細的小腳。
今天的她比起之前在遊樂場見遇到時多了一份成熟的味道。
是衣著的原因嗎？
的確，她的衣著打扮不太像時下的女學生會選的。
「嘿~」她突然叫我。
「係...？」
「家姐佢大約都同你交代過囉呵？」
「欸？...都算係嘅。」
就是在十分鐘前才來跟我交代而已。
「咁就得喇，需然佢有大概話我知你依家去到咩程度，不過...」她從書包拿出一疊寫滿試題的紙：「我都想考吓你先，所以都做咗啲題目畀你...」她話未說先。
「咪住等等先！」
「係？」她有點奇怪。
這一刻我真的有很多問題想問...
「首先，其實我都係啱啱先收到風要換人補，所以有好多野都仲一頭霧水......」
我抓抓後腦：「你...真係雪姐嗰妹？」
「嗯。」她點點頭。
「sorry，一直冇聽佢提過有嗰妹......」
「我哋係同父異母，佢冇提起都正常。」
「啊...原來係咁呀。」
同父異母？我還是第一次聽呢，畢竟我身邊的人最多也只是單親家庭而已......
「仲有其他問題？」她問我。
「同埋...我聽講，你好似同我一樣大咋喎？」
「依層你唔洗擔心，我已經提前學到大一嘅範圍，只係教你到DSE嘅話絕對冇問題。」
「欸...」我呆呆的看著她，我還是第一次見到提前溫習到大學範圍的人呢。
她見我沒有反應，面容出現一點不滿。
「你咁嘅樣係唔信我？...」
「唔係，只係好少見到有人會備課備到去大學啫...」
至少我學校沒有這種人。
「中學嘅識曬，自然就學上一級，好正常啫。」
好一句好正常...那我寧願當個不正常的人了~
「問題問完啦嘛，可以開始未？」
「可...可以。」我已經沒有話說了，如果她說的是真的話，那雪姐還真是個有責任心的大人。
「咁係邊度上堂？」
「係入面。」我帶她到平時上堂的房間。
我的睡房。
她四處打量四周，小心翼翼的走進來。
感覺她有點緊張呢...
該不會是...很少到男生的房間？
她這個樣子令我也不禁緊張起來。
撇除老師與學生的身份......
和同年女生在同一空間中獨處已經是多久沒有試過？
啊...好像是從出生開始...
我這個16年的絕緣單身狗......
「喂！...」
「啊！係！」我突然驚醒。
「你做咩望住我發夢？...」她一臉奇怪。
「冇...冇乜嘢......」我馬上集中精神做手上的卷。
我得集中精神！集中精神......
。。。。。。
終於完了...
一個小時一眨眼就結束了。
原本還以為這樣的課堂上起來會困難重重，但想不到還挺輕鬆的。
她的解題非常清晰又容易理解，有很多本來完全不能理解的題目，她三兩下手勢就用我聽得懂的方法教識我。
每年到底有多少正規學校的老師做不到這一點已叫苦連天...
想到這裡不其然感覺面前這個女生還真是厲害。
「喂...」她突然叫我。
「係？」
「咁今日嘅...係咪應該？.....」
「欸？今日嘅？...」我呆呆的思考了一會：「哦！今日嘅人工。」
說罷我就從褲袋中拿出錢來。
「今日嘅錢。」
她拿到錢後認真點了點數。
「二百啱數。」她把錢收好後補充一句：「咁聽日再見啦。」然後就準備離開。
「呀！等等呀。」
「嗯？...」她回過頭來，然後我從櫃桶裏拿出那件失物。
「依個係你......」
我話未說完，她就快速把我手上的吊墜搶了。
她小心翼翼的檢查著，臉上掛著一副失而復得的喜悅。
然後，她就用明顯不友善的眼神看著我。
「點解佢會喺你度呀？......」
「欸？...你嗰日喺遊樂場跌咗......」
「遊樂場？」她眼神中有點疑惑。
「嗰日我哋一齊坐摩天輪嘛...」
「摩天輪...」她想了想，然後一副幡然醒悟：「你係嗰陣時嗰個冇膽鬼。」
甚麼叫冇膽鬼呀！真失禮呢！
我心理這樣想着。
「睇嚟你完全唔記得我。」我尷笑著。
「咁我嗰陣時又唔識你...」
也對的，她說得沒有錯。
「唔該曬，你幫我執番。」她輕輕一句
「唔使，畀得返你就好。」
「嗯~」她淡淡微笑。
。。。。。。
午息時間。
「喂...喂......喂！！」
「咩嘢料！...」我從夢中驚醒。
「浩哥，十問九唔應咁，發春夢呀？諗緊邊個女優呀？」肥龍笑笑口。
「痴線，你睇AV睇上腦呀。」
「頭先邊個講AV呀？」淫希九丈遠都聞到黃色話題的氣味。
「冇人講AV呀...」我很是無奈，為什麼他對黃色話題總是如此敏感？
「唔止十問九唔應，直頭三魂唔見咗七拍咁樣成日發吽豆，浩哥你呢排的確幾怪。」宇軒加入對話。
「怪...呢排...係有啲煩嘅......」我抓抓頭說。
「男人唔係煩錢就煩女㗎喇~從實招來呢係邊樣呀？」肥龍笑說。
「煩緊補習呀，呢排轉咗老師呀嘛。」
「哦~睇嚟有花生食喎，新老師女嚟㗎？靚唔靚女㗎？」他們三個同一時間看著我。
「唔靚呀，阿嬸嚟㗎，三十幾歲㗎喇。」
「超~等我仲以為你換咗個靚女老師㖭，嘥曬擔心你...」
「肥龍~你會唔會過份咗啲？」我忍不住吐槽。
「喂喂，各位大佬，講還講定好咗食咩先再講？我就呢餓死喇。」淫希打斷了我們。
「都係嘅，再唔快啲午息都過。」
校門前的馬路，這條路是去午飯的必經之地。
基本上每日都要走過一次，是已經見慣見熟的道路。
但，這樣平凡的道路，今天卻有些不一樣。
站在馬路前等過馬路的我，一群女生的聲音傳到耳邊。
「嘿~我哋今日食咩好呀？」
「我想食潮山堂~」
「又食潮山堂，你就嚟食到變肥婆喇~」
「肥咪肥囉~我唔介意。」
「唔好拗啦，快啲揀啦。」
「小瑜，你想去邊呀？」
「我......」
她的聲音傳到我耳朵裏，起初我還以為是聽錯......
但當我向聲音的源頭望過去時，我們卻對上了眼。
面前的她一身校服的打扮在我眼前。
不會吧......
我在心理默默念著。