別人名字，我的姓氏(上集): 22. 會有煩惱嘅我

返到屋企，沖完涼食埋飯，做哂功課後攤左係床上邊

究竟婆婆點解要安排我入排球隊呀?

我把口雖然講對排球隊一D都唔上心

但係近來我發現自己愈來愈為排球隊緊張

有隊友黎唔到練習，我會主動了解





有人打唔出水準，我會主動安慰其他人

星期六，溫哂書後，我自己落左去海邊跑步，有時跑下步幾舒服嘅，可以跑走D煩惱

不過當我每次做完運動想休息果時，永遠有條pk會係到搞搞震

我跑完返到去，浩揚條粉腸又係到食非常吸引嘅燒肉勳蹄飯，再加白雲鳳爪

我一沖完涼出黎，佢已經用叉吉住隻鳳爪再伸去我面前





「家姐~食啦~食啦~」

呢條友真係五行欠打

佢唔單止拎左白雲鳳爪出黎，佢仲開左泡菜黎食

頂佢個肺丫

仲要係到食到雪雪聲





終於我忍唔住，一手搶哂過黎食

「係囉，咁先至係架嘛家姐」

食完又返去攤上床到

唔…聽日就係星期日啦

每個星期日上晝，我地三姊弟都會返聖堂上主日學

學下耶穌嘅道理

有時我坐係聖堂內會覺得好靜好舒服

係每個主日學後嘅彌撒上，我都會好用心聽神父講道





我兩個細佬嘛…應該好專注咁合埋雙眼去消化神父嘅說話

今日讀左智慧篇

7:7 為此，我曾祈求，天主就賜給了我聰明；我曾呼籲，智慧的神便臨於我身。

7:8 我寧要智慧，而不要王權和王位；財富與她相較，分文不值。

7:13 我誠心地學習了，我也豪爽地分施與人，我絕不隱藏智慧的財富。

7:14 因為智慧是人用之不盡的寶藏；凡佔有的人，必獲得天主的友愛，賴受教而獲得的恩賜，深 得天主的歡心。

7:22 在她內的神，原是聰明的，至聖的，唯一的，多樣的，微妙的，敏捷的，精明的，無玷的， 率直的，不受損害的，好善的，銳敏的，





7:23 無敵的，施惠的，愛人的，穩固的，堅決的，無慮的，無所不能的，無所不察的，又是洞察 所有明達、潔淨和精微心靈的。

智慧嘛…我肯定係有嘅

企係聖堂內，思考下自身嘅問題

剛巧神父開始講道

「大家嘅自身能力，係唔係不足呢?會唔會有軟弱之時?」

咁當然有啦

「主耶穌基督會唔會有軟弱過?大家有冇煮讀過聖經?」

唔會呱，佢可以將水變成酒





「主耶穌曾經軟弱過，就係佢準備被人出賣之時，佢曾經向天主祈禱過。雖然佢係神，擁有神性，但佢肉身都係一個人，會有痛楚，會驚，會害怕死亡」

有咩?

「如果我地害怕時應當如何?應當祈禱，求主指引道路俾我地，應當真心真意信賴主，我們的天主」

祈禱嘛……我都要試試

於是，係彌撒期間我就向主祈禱

終於過左彌撒，我跟住爸爸媽媽一齊返屋企

經過球場，見到一班人係到打排球





即使係比賽，佢地都打得好開心

可能呢個就係上主俾我嘅啟發

放鬆心情去接受所有嘅挑戰

遇上困難時，可以祈禱

所以自從果晚開始，我睡前一定會祈禱