別人名字，我的姓氏(上集): 18. 我係一條虎鯊

Katherine同Annabelle入到去我房參觀，佢地兩個俾我間房嘅野嚇親

因為我間房係粉紅色，仲有好多毛公仔，同埋有少女漫畫+小說係到

呢間房嘅風格，同我係學校之中嘅形象，係完完全全兩回事

我係學校中嘅形象，係非常硬朗

「Jas…Jasmine….乜原來妳…」Annabelle吞吞吐吐咁想講野





「下?咁…我都係女仔黎架….」

當我打開個衣櫃果時，佢地又好似預左咁樣

因為我除左校裙之外，所有便服都係褲，真係想搵條裙都唔得

咁究竟我係男仔頭丫，定係咩呢?

「好啦好啦，拎d功課出黎對下先」我地三個好乖咁對功課





不過佢地兩個又好似有野想問我咁，都不外乎果樣架啦

所以我就快一步答佢地兩個

「我都唔知點解叫詩敏，妳地可以問我爸爸，我個名係佢幫我改」

Katherine果對水汪汪嘅大眼鏡不停碌不停碌

「不過…妳姓程…大白鯊姓張，點解妳會叫佢姑姐?」





我都係到諗一諗，係喎，點解由細到大我都要叫大白鯊做姑姐呢?明明兩個人嘅姓氏都唔一樣

「呢層嘛…呀….婆婆…即係校長呀，係我爸爸契媽，佢由爸爸14歲果時開始照顧爸爸同姑媽」

「妳其他屋企人呢?」

「爺爺同麻麻?我未見過佢地呀，爸爸9歲果時爺爺過身，到14歲果時麻麻過身。我只係知道爺爺同麻麻同校長係同班同學」

「咁妳爺爺咪就係…」

「係呀，佢就係傳說中嘅女校男生」

「咁妳爸爸呢?」

「佢都係呀，佢同媽咪係小學同學，係我地學校重遇」





「咁妳同我地學校真係好有關係咁喎」

「下?咁我細細佬叫咩?」

「佢又點呀?」

「佢係我地學校出世架，當日媽咪B一聲就係學校醫療室生左佢出黎」

「有冇B一聲咁快呀?」

「生第三個，點會唔易生呀?」

佢地繼續望我間房再諗野





「咁Jasmine妳算唔算係大白鯊嘅入室弟子呀?」

入室弟子?我邊有姑姐咁惡呀?

「入室弟子嘛….唔…我的確由細到大都鍾意痴住姑姐嘅，不過呢」

我做一做姑姐個招牌動作

「我肯定靚過佢」

佢地見到之後都不停拍手「妳真係扮得好似大白鯊」

「咁Jasmine妳係唔係虎鯊呀?」

「點解我係虎鯊呀?」我反問返佢地





「虎鯊同大白鯊一樣，攻擊力一流嘛」

我地嘻嘻哈哈咁係房到依嘩鬼叫咁

忽然間，慧思摔住眼咁走入黎我間房，佢手上仲拎住條小鯊魚嘅公仔

「唔?慧思?妳做咩入黎呀?」

「唔唔?」佢轉頭又返左去浩翹間房到瞓

Annabelle同Katherine一齊望住慧思

「呢條就係小鯊魚啦」





「係囉，佢手上真係拎住條小鯊魚公仔」

「果條呀?係我暑假果時買俾佢架」

「小鯊魚又真係幾可愛下」

「佢矇下矇下果時真係好似大白鯊」

「大白鯊會矇下矇下架咩?」

「呢個當然啦」

姑姐佢唔矇矇下就唔會叫張詩敏啦

「不過呢，大白鯊個手袋好似係名牌子黎架喎」

「係喎，Miss Lam都好似係」

「佢地點止手袋，銀包都係啦」

「係咩牌子呀?」

「Celine囉，媽咪同姑姐最鍾意架啦」