[中六續集][愛情][懸疑？]擁抱，失憶(重修版): 四十五.

「邊有可能咁易比你搵到？」我質疑佢：「煙盒係啫，無話裡面啲煙係。」

我夠成日都將啲煙塞落第二個煙盒到啦，有幾出奇？

佢冷笑一聲，反手抽出一枝煙，之後就將煙盒收埋。

枝煙嘅煙身全黑，而濾嘴上面就有一個金色嘅「2000」字樣。

呢個係Black Devil two thousand最標誌性嘅嘢嚟，只要見到呢個金色嘅「2000」就一定冇錯。





「咁你要唔要啊？」佢揈咗揈拎住枝煙隻手：「你唔要我一間就成盒揼架喇，因為我都唔鍾意食呢隻。」

咩話，咁靚嘅煙拎去揼！？

我即刻狗衝過去：「梗係要啦。」

「嗱，咁我比你啦。」佢遞技煙比我：「食快啲喇喎。」

我接過枝煙就一嘢掟咗佢上個嘴到點火，一啜就吸走咗半枝，而啊晴就嘟起咗個嘴慢慢吸、慢慢嘆。





我幾啖就吸曬枝煙，而佢就仲食緊。

既然佢仲未食完，咁我串下佢都無所謂啦。

我嚟到張地氈前面，冷笑一聲：「點啊，仲未食完啊？」

「記得。」

「記得咩？」





「記得。」

佢應該有嘢想同我講，所以我就嚟到石壆到坐低，然後點起咗一枝煙。

佢都行咗過嚟，喺我身邊坐低，之後就喺褲袋到拎咗個耳機出嚟將其中一邊塞落我耳仔到。

「應該記得 記得記得留住你

應該記得記得 其實說好了 和你

一起選婚戒 迎娶你 沒需要失諸交臂」

「你要記得，你講過啲咩，應承過我啲咩。」佢拎走我枝煙，然後又點起一枝Black Devil two thousand：「擘大口。」

佢兩枝擺曬落嘴到吸咗一啖，然後錫落我到。





我想褪開問佢咩事，但佢即刻伸手從後撳住咗我個頭。

煙霧喺嘴唇之間嘅空隙慢慢咁飄散出嚟，幾秒之後就將佢嘴裡面嘅煙全部吹曬落我到。