[中六續集][愛情][懸疑？]擁抱，失憶(重修版): 三十七,

「吓，點解啊？」

「嗰個人就喺你附近。」

頭先羽毛跌落去嗰下我已經估緊，而家總算Confirm咗。

但…

「點解係佢？」





雖然就呢件事嚟講，知係邊個係最重要。

但對我嚟講，我更想知點解係佢。

「佢已經走火入魔，不顧一切咁想所有嘢都跟住佢寫嘅劇本嚟行。」

「明白。」

講完，佢就變返做烏鴉飛走。





我洗手出返去，拎住部電話扮傾緊嘢。

「失陪一下，有嘢要傾。」我拉走啊晴。

啊晴未嚟得切問我咩事，就已經比我拉咗出學校。

「喂！」佢拉停我：「搞咩啊？」

「搞鳩你嗰個係啊澄，我哋唔可以再坐喺嗰到。」我望住校門：「行遠啲先。」





講完，我就拉咗佢去天橋對面。

「點解你會知？」

「你記唔記得啱啱隻烏鴉？」

「隻烏鴉比人控制緊？」

「可以咁講，但實際一定唔止控制咁簡單，我唔知點解釋，總之佢可以變做人。」

「所以係佢話比你聽？」

「冇錯。」

「咁我有兩個問題。」佢皺眉：「第一，嗰條友可唔可信？第二，點解係啊澄？」





「佢一定可信，但點解係啊晴…我都唔知。」

「你話有冇辦法引到佢出嚟講？」

「有，紅棍，不過係屋企。」

佢話用枝棍嗰陣佢就會自動出現。

「咁行啦。」

…

..





.

啊晴就喺樓下等我，而我就拎枝棍落嚟。

「話時話點解要喺樓下？」我問佢。

「我點知舊嘢會唔會爆？」佢遞手：「點用架？」

我伸枝棍出嚟：「假動作好喇，唔好掂到，因為佢話枝嘢其實簽紙嗰日先用得。」

「好。」

講完，佢就作勢要揸住枝棍。

喺佢準備掂落枝棍到嗰陣，頭頂傳嚟拍翼聲。





我哋一齊望上去，但咩都見唔到。

再耷返落嚟，枝棍已經比一隻烏鴉撞走咗，然後就有人一把車咗落我到。

我望過去，車我嘅人正正就係英倫啊伯。