《我老婆唔係我女朋友》【那些年／九十年代學界／真人】 第七章全新中篇！: 【後記】 廿五年後（完）
一向全家出街吃飯，都是由老婆埋單再從家用開支中扣回，所以她提出要我出錢是有違正常流程的。
「妳都癡線嘅，我睬妳都有味。」你道我仍是當日的「吳下阿蒙」嗎，老夫老妻我仲同妳客氣？
「嘖，孤寒～」老婆咕噥著順口招呼路過的waiter：「誒！唔該埋單。」再嬌聲對我說：「嘻，係呀，你梗係有味啦，雞翼味～～」
原來老婆都還記得嗰晚聽歌、睇星嘅嘢。
「嘿，話時話嗰陣撞上妳屋企，都仲未有除夕紀念日呢件事喎。」今早的這個po，加上今天這個紀念日，確實勾起我不少回憶。
「嗯…好似係。嗰陣都未拍拖…好嘞，走喇。」老婆側頭想了一下，順手簽了waiter放下的信用卡賬單。
「咦喂～噉計嗰陣時真係《我老婆唔係我女朋友》喎。」我無端想起這個不太合邏輯的形容。
老婆嫣然笑道：「嘻，返屋企啦，我老公係癡線佬呀。」逕自帶頭先行。
「誒～林…林小姐，妳未攞返張信用卡呀。」茶記waiter追出門口，一面看卡上的名字，一面叫著：「等等呀，林～心～穎小姐…」
是呀，瘦妹最終都跟我結了婚。
當年摸上門事件發生時，她真的還未是我女朋友呢。
全書完