《我老婆唔係我女朋友》【那些年／九十年代學界／真人】 第七章全新中篇！: 【第八章】 海角紫霞（２）
「咦，你兩個以前都讀【山大】㗎？」我很好奇，莫非你又是在學期間低價吸納「優質股」？
「係呀，以前同學，而家老婆囉。」李博士仍是輕鬆的回應。
這時候阿腸開始叫大家集合玩集體遊戲，而我決定拉阿心去「海角紫霞」睇吓，反正我倆不似Lulu，她喜歡熱鬧，已經全情投入玩遊戲了，於是我們跟Leon打聲招呼就逕自出發。
出了BF大樓，根據阿腸指示朝【誠明書院】方向走，沿路都有路牌的，如果迷路了就望著那個鶴立雞群的高塔找就可以，幸好他臨尾提一提我【山大】有兩座塔，記得望近啲嗰個呀～仆街，差啲行錯方向。
尋尋找找了10分鐘有多，又問一下沿路上碰到的學生，最後還是由阿心找到那個觀景位（我熱到出汁，幾乎溶了，無心機找），雖然無寫明是「海角紫霞」，但憑著那無敵大海景，再拿出指南針看一看，又是大東北方向，不中亦不遠了，而且我都無心機再找。
從袋中取出膠地蓆鋪好，終於可以坐下休息。
（有人問「海角紫霞」其實是不是那個「海天一色」，答案——不是，那些年「海天一色」還未興建。）
見我帶備了膠地蓆，又剛剛點燃了蚊香，阿心好奇的調侃：「喂伙計，有無嘢飲呢？」
「有～唔好大我，哈哈。」我從袋中掏出兩罐汽水，是剛才在合作社順手攞的。
「嘻，懶巴閉，呼～呢度真係幾舒服喎。」她輕鬆的呼了口氣，伸個懶腰，感覺非常愜意，還用眼神示意我睡下，我當然求之不得了。