《我老婆唔係我女朋友》【那些年／九十年代學界／真人】 第七章全新中篇！: 【第八章】 小別勝新婚（４）
話說《Ultima》是第一隻將卡game（Board Game）的概念，在電腦中實現的遊戲，是真真正正的元祖RPG，遊戲的內容其實是「超時空擄劫」，玩家在現世被召喚到電腦世界內幫拖，而那召喚的月門（Moon gate）其中一個出入口就在巨石陣了（Stonehenge），因此阿心一提到這個景點，登時勾起了兒時回憶。
「吓？你對曼聯無興趣，反而有興趣睇嗰啲大石頭，怪人…嘻，我第日再陪你去囉。」她怎知道原來在背後有這麼的轉折呢，廢青的天文地理知識還不是由動漫和打機中學到的。
我在心中嗤之以鼻，妳女仔人家睇英國波又夠奇怪啦，麻甩妹～
嗱，如果家中小朋友喜歡打機，無論是手機、家用機、街機或是電腦，千萬要支持呀，在遊戲中學習，增廣見聞，有益身心㗎。（今次的說話是講畀我老母聽嘅…由朝到晚話打機無用！仲有，游水都搵到錢㗎。）
之後阿心她們又去了牛津，探望跌打佬啲朋友，回到曼徹斯特後，又去見識一下英國的夜生活、隊酒文化，原來市中心有多達500家持牌經營的娛樂場所呢。
「喂，妳又飲酒，想死呀？」我惡狠狠的話她，只因她的酒量只能支撐飲幾啖啤酒而已。
「嘻，飲兩啖咪放低囉，米叔帶住嘛，我哋臨返香港前嗰個星期仲啱啱好撞上『驕傲巡遊』添呀！」阿心蠱惑的微微笑。
「咩嘢『驕傲巡遊』呀？」我又再次大鄉里出城。