《我老婆唔係我女朋友》【那些年／九十年代學界／真人】 第七章全新中篇！: 【第八章】 小別勝新婚（３）
「踢法硬朗妳都識講嘅？！我都唔睇波，鬼識咩。」我非常驚訝她竟然有男人的浪漫。
「嘻，三色台《聲寶球壇盛事》講波嗰個阿叔講之嘛，有時米叔同我爸都有講吓，我咪知囉。」勢估唔到林心穎居然對足球有點認識，看來還有點興趣添。
92年電視廣告《聲寶球壇盛事》曼聯對列斯聯
https://youtu.be/xlyPE3K7VKg
後來世嘉在94年出了一隻街機virtua strike，落機竇時都是阿心幫我惡補足球常識的，甚麼底線傳中、三角短傳、車身倒掛（倒掛我是知的，因為有睇《足球小將》），還有隻game嘅角色，有條小辮子的是巴治奧，爆炸頭的是華達拉馬，真係聽到我頭昏腦脹…時至今日，全家仍是只得我一人唔睇波，老婆都仍有興趣陪小朋友睇仲有交流添…有人問我有無玩Winning？我點會嘥錢買呀，打吓喪屍好過啦。
看見她喜形於色的絮絮不斷，雖然我對睇波全無興趣，但也樂於摸著她的嫩手靜靜聆聽，反正只要她安全回來，不用我牽腸掛肚就好了；接著她又說到因為有地膽跌打佬做領隊，她們坐火車去了其他城市觀光，倫敦大笨鐘、倫敦塔橋、大英博物館、白金漢宮，又在倫敦參加本地旅行團去巨石陣（我插嘴：啊呀，妳有去Stonehenge！我都想去呀～），講咗咁耐，這是我唯一有興趣去的英國景點，原因是中學時已經開始玩Apple II 版的《Ultima》。