《我老婆唔係我女朋友》【那些年／九十年代學界／真人】 第七章全新中篇！: 【第八章】 睇星？！自殺咋啩～（２）
「呵，有個表姐喺外國讀書嘅，啱啱放暑假返咗嚟香港，呢幾日我哋成家都陪佢周圍去…（下刪100字）」幸好大喇叭始終都是大癲大肺之人，情緒容易疏導，引她講其他話題，佢會自動波開水喉了，唔怕自己有心事鬱埋鬱埋（相反瘦妹有心事就收埋，掘都未必掘到），真是「有如滔滔江水連綿不絕」；哈哈，對白好熟哩，舊年上映周星星嗰套《鹿鼎記》嘛。
我打個圓場就開始練習了，否則她會一直沒完沒了，這種手段我對付馬飛時已經相當熟練。
今天我幫Lulu準備了浮板，開始教她䟴蝶腰。「練習蝶式，大部份人一開始都聚焦練習蝶手蝶腳，實際上蝶式要先練嘅係身體擺動，亦即是蝶腰嘅練習，妳想游蛙式時整體更加流暢，結合蝶腰係關鍵動作。」
「事實上游蝶腰，唔單止有腰部擺動，佢應該係一個由肩、胸帶動到腰、臀嘅動作，令整個身體好似波浪噉的擺動。」我一邊擒著浮板，一邊示範。「因為蝶腰應該是由從肩、胸帶動，一開始練習應該先壓胸肩入水而腰臀彈起，然後挺胸收腰，正常的蝶腰嚟到呢一步，會配合『蝶腳』踢水，但妳目的只係輔助蛙式，所以反而應該避免大力踢水，只專注做好喺無划手嘅狀況下，用肩胸力量嚟帶動腰臀沉降，純靠腰力將胸口往上帶，因為無實際踢水提供動力，所以呢種只䟴腰嘅『波浪式前進』，只有極微細嘅推進力，但些微嘅推進力配合蛙式全套動作，就可以令妳嘅蛙式更流暢，從而做到提速嘞。」