《我老婆唔係我女朋友》【那些年／九十年代學界／真人】 第七章全新中篇！: 【第七章】 甜度1000的甜品師傅（１）
甜度1000的甜品師傅
「喂～行快啲啦，咁慢㗎。」阿心在對面馬路叫過來。
「嚟緊啦，咪行咁快啦。」我連忙追過馬路，誰知眨眼間她又已經閃到另一條馬路了。
「快啲啦，咁慢㗎。」她又催促我。
「哎吔，妳等埋我先啦。咦？點解妳啲頭髮…咁快扎到馬尾嘅。」我發現她的村姑頭變回馬尾裝，穿衣也比較鮮艷，還好像著牛仔短裙呢。
耳聽得她又再催我行快一點，但奇怪總不見她的口唇有動。
…！…！…！
睜開眼睛…噢…發夢。
今晚回家後，草草的爬了兩口冷飯，沖完涼就馬上上床睡覺，看來九成是Leon今晚的「好言」相勸，挑起我對她的思念。
Leon在人情世故、待人接物方面，一直也比我成熟，也說明了為何他在女生堆中吃得開，而我一直是個毒隱；想起他的分析，感覺既窩囊又慚愧，以前自恃游泳成績好，很有點目中無人，對人對事都比較囂張，後來經歷了連年考試失利，漸漸失去了自信，後來得阿心在身邊循循善誘，才開始稍稍重拾信心，然而囂張的態度似乎也同步回歸，還幾乎影響到朋友，Leon的提醒直如當頭棒喝！難怪他認為我要受阿心管教。
唉～真的好掛念心媽啊。
話說雖然樣衰，但有個摯友願意冒著反面的風險，挺身提點自己做人處世，還是很有福氣的。
想著Leon的教訓，又想想瘦妹，躺臥在床輾轉反側，雖然身體極度疲累，腦袋卻異常清醒…不是吧～居然失眠！