《我老婆唔係我女朋友》【那些年／九十年代學界／真人】 第七章全新中篇！: 【第七章】 試身室風雲（４）
「喂我頂妳咩，唔係試裙先咩？點解試牛仔褲㗎。唔好～麻麻哋啫。」我只想盡快完事，真係攰到仆街，最好買完即走。
「咩喎，順便試吓嘛，我鍾意著褲多啲。」Lulu扁嘴咕噥著。
「唔係吖，都幾好睇呀，成個Model噉呀。」Leon接口打圓場，頓了頓再說：「不如試埋條裙先再決定啦？」
「嗱，Leon就識貨呢。」Lulu甜甜一笑，滿意的一蹦一跳入返試身室。
Leon轉頭低聲跟我說：「唏～女仔要𠱁嘛，吓吓硬橋硬馬點得呢。」確實招呼女生，他絕對是比我在行的。
我不置可否，逕自行去找椅子坐下。不料我一離開原本站著的位置，馬上有其他顧客進駐、慢行甚至停下來，似乎個個人都想等Lulu試身出來睇版。
「颼～」更衣室的布簾再次盪開，今次Lulu換了條及膝牛仔長裙出來，深藍色裙的前面看來相當普通，可是當她擰轉身，就會發現這條長裙的最大亮點，裙的後擺於臀部下面開始，開了一個超高叉位，這個設計既可解決直筒及膝裙，走起路來那種受束縛的問題，又同時強調美腿在裙擺之內，那若隱若現、朦朧的性感美，如果不想過份暴露，只希望保留微性感的氛圍，可酌量扣上開叉的位置那直排的六顆銅鈕扣。
繃緊的臀部位置，令縱然穿著長裙仍可表現出的S型線條比剛才更強烈，女人味更以倍數飆升，可Lulu的表現卻不似預期，明顯看見她並無剛才試褲時的興奮，連步出試身室時也似舉步維艱。
她苦著臉的對我們說：「唔得呀，好唔舒服，又窄又行唔到。」她嘗試轉了一個圈給我們看清楚，我見她已經一粒銅鈕扣都沒有扣了（即是高叉最大化），看來她的豪邁奔放根本不容許她穿得這樣束縛。