《我老婆唔係我女朋友》【那些年／九十年代學界／真人】 第七章全新中篇！: 【第七章】 第二苦主（２）
那知道還未講完，Lulu已經大聲叫了出來：「吓？！你就係嗰個金毛飛？！我都唔認得你！點解真係搵得返你嘅？你哋約定一齊入【建橋】㗎？」
那些年的那些年，在池邊filrt那個她的那個仁，原來還有個「朵」叫金毛飛，哈！
看到她的叫聲引起其他人望過來，我不禁苦笑：「有緣撞返咋，好邪呢。我估唔到妳都係受害人，不過拜託妳唔好同阿心講，唔知佢高唔高興。」
她不滿的咕噥：「你個死人頭，搞到我嗰年曬到變賓妹。唔使問後來去男校門口等人，又係等你個害人精啦？唔得呀，點都要有啲補償呀，你欠我㗎。之後諗到先同你計。」
我無奈的說：「Sorry囉…」
「哼，游完水先同你算帳。」老師就有老師的氣勢。
「誒…好啦，噉言歸正傳，講返蛙手先啦。大部分初學蛙式嘅人，都會覺得蛙手無乜作用，好似妳都係要呼吸時先向下按，提供助力升出水面，所以掌心經常向下抹吓抹吓，就係所謂打麻雀嘅『洗牌手』嘞。但係喺比賽嘅角度，蛙手應該係畀身體成為箭頭，減少迎面阻力，生動啲講就叫『拜神手』，雖然蛙手嘅推進力唔高，但其實都有包含抱水、推水、雙腋夾水、同伸延嘅動作㗎。留意吓直手蹬腳後，唔好急住循環做另一組動作，喺收腳前應該保持直手直腳去減低水阻，我哋叫做『惰性滑翔』，成組動作可以令妳游水時更慳氣慳力。其實要練嘅就係呢吓喇。」我喋喋的說著，其實這些說辭在教先導班和習泳班以後，倒轉也會背了。
我接著繼續解釋：「吸氣時將身體跨張噉抽離水面減低水阻，聳肩換氣後用腰力䟴壓加拜神手，破水衝向前推進『惰性滑翔』，動作一氣呵成。如果可以用腰力輔助，令身體帶有近似蝶式腰腳波浪式前進，喺比賽時會有絕對嘅幫助。」