《我老婆唔係我女朋友》【那些年／九十年代學界／真人】 第七章全新中篇！: 【第七章】 林心穎密碼（１）
林心穎密碼
次日中午習泳班收工回家時，經過【聖多馬堂】（我住巴域街尾），順手接過門口有人派的傳單，回家後隨便放在枱上，午飯後又再繼續聽著那餅悶歌，老媽在收拾飯桌時問我那傳單還要不要，由於已經忘記了是甚麼，還是瞄一瞄才丟掉吧。
聖多馬堂歡迎你。神愛世人…（下刪）…反得永生（約翰福音 3:16）。
「媽～掉啦～玩嘢咩。」我大聲跟老媽說。
我家是拜家神的，是早晚會在門口裝香的那種家庭，其實又不是有甚麼信仰，只是傳統的本土家居，有個地主求個出入平安罷了；雖然不是特別迷信，可能是自小耳濡目染的關係，總覺得我家跟耶教物品格格不入。
「唓，點知你會唔會突然走去信耶穌啫？」自然又被老媽大聲兇返轉頭。
咦，信耶穌？聖經？
一言驚醒，馬上衝入房找回阿心那張Memo，將那個密碼跟傳單一做對比，果然就是這種格式了。想起以前未拍拖時，曾經陪她去【播道書局】，她有教過我引用聖經的格式。
呃，唔通阿心想我查經嗎？
下一刻我又走去問老媽：「媽，噉屋企會唔會有聖經呢？」
「有本金剛經，將就啲頂檔得嘛？」老媽答得相當詼諧。
懶得再同佢糾纏，逕自行咗去打電話畀Leon，問他有無聖經。