《我老婆唔係我女朋友》【那些年／九十年代學界／真人】 第七章全新中篇！: 【第七章】 肥矮毒都有市場（４）
「啊，我以為妳會介意嘛，又話同啲靚女去噉。」暗地裡鬆一口氣，對住心媽，都是開誠佈公安全一點。
話說以牌面論，社科之花確是比我家小野蠻素顏時略勝一籌（如大家都有化妝時平磅則另計，戴返頭盔先～），不過我不是個膚淺的人，睇囡要睇內涵的，哈哈哈哈。（我純粹想讚自己眼光獨到而已，無須過份解讀。）
「癡線仔，你去做嘢之嘛，況且佢表哥都一齊啦，又唔係孤男寡女。」她不野蠻時是相當明白事理的。
「唏，不如妳一齊去咪得囉。」我幾時都想黐自己條囡多啲，更何況又有水著誘惑呢～
「你頭先話月尾去？未必得呀，你唔記得阿爸話等埋心瑜放暑假去旅行咩？應該差唔多日子。」她提醒了我，她們將會有家族旅行。
「哦係喎，唔緊要啦，第日同妳孤男寡女再去過，嘻嘻。」我已經在心內盤算，兩個人去仲唔將佢就地正法咩。
話題一轉，她邊說邊將手放到我耳邊：「欵～講開靚女，我有嘢問你喎。」半邊身挨貼著我手臂，緩緩摸著我耳珠。
雖然我十分享受隔著衣服，手踭輕輕擦邊小饅頭的動人觸感，但在地鐵車箱中，眾目睽睽下她甚少有這親暱的舉動，所謂「人若反常必有鬼」，我實在太清楚小野蠻的蠱惑招數了。
連我一向這麼怕熱，都好像突然有個冰袋貼在背脊一樣，真正涼風有訊～～
「嗱喂，有事慢慢講呀吓，唔好郁手郁腳喎，我無得罪妳啩。」我警惕的說道。
「無～姐姐都未話你，使乜咁緊張呢，只係我聽到小朋友好似有啲曳啫。」她的纖纖玉指不懷好意的在我耳邊游弋，隻新戒指又不時刮到我的耳朵。
「哎～妳又聽到乜嘢呀～」我有不祥的預感，而且我首次後悔買戒指給她，早知應該買手鏈，相信殺傷力會低一點。