《我老婆唔係我女朋友》【那些年／九十年代學界／真人】 第七章全新中篇！: 【第七章】 宿生的世紀賭局（２）
兩條傻仔小跑著落樓梯去B1地庫，跑步中又不方便說話，唯有繼續悶著一肚子疑惑。
當我和Leon甫步入B1-06，竟然又引發如同剛才一樣的輕微騷動，有人指著我說好嘢，有人笑著話我仆街，但我唔明點解佢哋都認得我…
幸好讀SOCI班人比較和善，唔似商科班友喊打喊殺，看來這場賭局已經漫延到社科院，不～應該已經籠罩整間【建橋】了。
話說之前的「減壽仁」和「生嘢仁」事件，不單在吹水系唱通街，也令我在【建橋】「薄有名氣」，不過經過今次這個世紀睹局後，吹水系肥仁更加人氣急昇，也令我在下學年有更多神化的遭遇，不過這是後事了。
Leon找到了「財神」。頂，懶神秘，原來搵阿材！我們一般或叫他表哥的，又是在O Camp認識的同學，現讀SOCI Year 2，舊年大家一齊讀必修科時有試過同班的，當然是車頭份子了，也是個公認的老好人，為人純情得有點離地，最經典的例子就是《天若有情》「華弟」的溝女制服的K-swiss（五間）跟愛迪達（三間）波鞋都傻傻分不清；我極度懷疑阿材佢畢業後，如果真係走去跑外展，肯定會俾啲邊青日日「楝」同彈JJ，有機會都要勸吓佢第日搵工，做幫阿婆申請生果金嗰啲工種啱啲呀。
（剛巧有玩具廠推出1/6 figure，但…今天懷舊還有市場嗎？我看不透。）
在課室外面，我急不及待的問阿材：「你鹵味，老表連你都賭？」在我的印象裡，阿材的「人設」是不可能參與外圍賭博的。
阿材好整以暇的推推眼鏡：「我無賭呀，我幫你哋落欖咋，我又無出錢又無收錢。」文弱書生造型的阿材，手無縛雞之力，我肥腫身形幾乎可以做他兩份。
我轉而望向Leon：「噉似乎你係時候解釋吓嘞，又因乜事山長水遠嚟刮阿材。」