[少甜][愛情][校園][真人真事改編] 自從我爸爸過左世，我遇上左佢: 32

十月基本上都冇咩其他特別野。
同詠兒姐姐既關係就剩係keep住肉體之間，而夢兒姐姐就每日都攬攬鍚鍚，但都只係姐弟關係。
去到十一月，有日我諗住去自己練下波。
去到球場，見唔到偉哥佢地，都正常既，唔通好似npc咁24小時都喺度咩。
咁我就自己練下拍波射波，等自己既得分可以更穩定。
練到咁上下坐低休息下，忽然間有個見過既人影黎左。
天恩? 我冇認錯呢個應該係天恩。
自從上次學界之後都冇見過佢，佢又會咁岩黎呢度練波?
佢都見到坐左喺度既我，揮住手咁行過黎。
「周喻希!!又會咁岩喺呢度見到你既!」天恩笑住咁講。




「應該我問你先岩，呢到我地頭黎架wo。」我講笑咁講。
「係咩!!我都成日黎呢到練波架，都未見過你。」佢皺左下眉。
「不如我跟你練下波啊~你咁勁! 我都想跟你學下野。」佢提議。
「冇咩所謂，你頂唔頂得順架?」我串串地咁問。
「當然冇問題啦! 開始啦咁!」佢講完之後我地就開始訓練。
本來我以為冇咩人可以頂得順我既自主訓練，冇諗到佢又真係頂得順。
不愧係FMGS既正選，我都有啲佩服佢。
我地練完波之後仲傾多左一陣計，發現佢既愛好都同我幾似。
冇錯，啫係食野同訓教。
雖然天恩佢已經中五，但佢都冇當我好似細路仔咁看待。




點解咁講? 我都唔知啊，可能係佢對我既態度同講既野掛。
總係覺得佢好平易近人，相處起黎好舒服。
過多左一陣我地就各自返屋企。
正確黎講，得佢係返屋企，因為我仲要去運動場揾夢兒姐姐。
至於點解?
其實係因為就黎到陸運會，夢兒姐姐想我陪佢練習下咁wo。
老老實實，佢平時都唔多做運動，最多就係跳舞，都幾難拎獎下。
不過當係姐弟活動咁囉，正確黎講應該係偷情活動。
因為我同詠兒姐姐既關係，我同夢兒姐姐好難可以平時一齊出街。
陪佢運動就正好可以光明正大咁一齊出街，係咪好醒先。




「你終於黎啦希希~」夢兒姐姐見到我之後衝過黎攬住我。
「係啊，sorry啊夢兒姐姐，頭先打波打到傻左所以遲左。」我一邊摸夢兒姐姐既頭一路道歉。
「唔緊要啦希希，我都唔係等左好耐啫~」夢兒姐姐拖住我一齊入運動場。
雖然話就話係約會，但點都要訓練下，所以我地拉完筋就一齊去慢跑下先。
夢兒姐姐報既係長跑，800米同1500米，所以氣好重要。
就算岩先打左好耐波，不過天生體能就異於常人既我都仲係可以好輕鬆咁陪住夢兒姐姐跑下。
我地跑左6，7個圈左右，夢兒姐姐已經喘哂氣，所以我地唞左下。
之後我就幫夢兒姐姐計左個800米既時。
結果就唔好講啦，反正就... 你懂的。
「唔緊要wo，志在參與啫，你有努力過對得住自己就得架啦。」我見到有啲唔開心既夢兒姐姐即刻安慰一下。
「嗯... 我地繼續努力下啦。」夢兒姐姐睇落好番啲，不過都係唔開心架啦。
如是者，我地又出去繼續跑下咁，間唔中鍚下夢兒姐姐咁。
或者因為有我既陪伴，夢兒姐姐睇落開心番。