[少甜][愛情][校園][真人真事改編] 自從我爸爸過左世，我遇上左佢: 30

「小王子! 今日籃球隊有訓練啊! 我入選左啊!」梓軒喺我隔離發神經。
「Hey Ryan, please stop talking! Especially in Cantonese!」原來梓軒英文名叫Ryan。
「Sorly, sorly!」梓軒即刻扮死狗。
「係咩，咁真係恭喜哂你。」我根本唔想知...
之後又係佢日常喺度鳩up
不外乎就係講自己要點樣入甲一，再去打nba咁。
然後又話要幾多條女鐘意自己，做花花公子...
我都已經就黎可以背得出佢嗰啲鳩up內容，好似啲睡前故事咁。
次次聽親我都差啲可以訓着。
跟住就係晏晝同詠兒姐姐食飯。




自從同詠兒姐姐有左「性」既關係之後，
每次食親飯我都會坐喺佢隔離，方便我係咁抽水。
雖然詠兒姐姐唔係幾鐘意，因為驚比人睇到。
但佢都好少會阻止我，除非真係太過分。
放學就去練波，盡量配合多啲，熟啲。
而同夢兒姐姐... 我地既關係好奇怪。
點講好呢...
雖然咁講好仆街... 但我而家同詠兒姐姐既愛
係建立喺「性」呢樣野，無可否認。
而我同夢兒姐姐，我好清楚自己係真係愛佢。




但我而家就係同詠兒姐姐一齊，同夢兒姐姐就係比姐弟更越界啲。
畢竟... 我地除左攬下，仲間唔中會鍚下對方。
其實校園生活都係咁，每日都係咁過。

終於到左十月中，第一場既學界要開打。
老實講，回望返，我都冇諗過單單開始左中學生涯既一個幾月就咁精彩。
而第一場既學界，當然都要好型咁嬴啦。
我既自信心一直都好強，完全唔擔心自己會因為身高而輸A grade既人。
順帶一提，垃圾學界打場比賽都要喺街場到打，真係低能。
我地第一場學界對既係一間叫MDHSS既中學，簡稱M校啦。




對面既都唔係太高，平均都係一米七幾到一米八，屌都唔夠阿鋒高。
「大家，今日就係證明我地努力係有成果既日子! Fighting!」Henry喺開波前鼓勵大家。
我地首發係 我 牧楓 Henry 阿鋒 同埋之前所提既大前鋒，原來佢叫John。
正如我所提，對面冇阿鋒高，跳波之後球權係我地既。
我地部署既計劃係如果我地有球權就直接比我打快攻。
所以我一早已經開跑，而Henry好精準咁接到波之後大力傳左過去我到。
我當然唔會炒啦，呢種快攻由細到大起碼跑過十萬次以上。
對面比我呢個矮仔既速度震憾到。
到佢地進攻既回合。
對面控球既做左個單打既手勢，睇黎佢覺得可以用身體單食我。
佢準備背打我嗰下，我加速睇準粒波既位置，一下就撩到粒波。
之後又係大家都估到既，極速快攻。
我望一望向場邊，今日黎睇我既得夢兒姐姐。
詠兒姐姐其實係想黎，但佢今日咁岩爸爸媽媽返黎香港，所以冇得黎。
對面既實力其實係唔差，不過進攻冇人可以擔大旗，幾波既進攻都係亂鳩咁射。




相比之下，我地進攻除左我做單打機器之外，Henry同牧楓都有入過下波。
呢場比賽冇咩其他可以講，因為對面真係打唔過我地。
最後我地大比數咁贏左首場既學界比賽。
唔知點解，除左夢兒姐姐之外，仲有好多學校既人都有黎睇。
(好多都係女)
打完之後我就同夢兒姐姐去行左陣街就返屋企。
樸素既生活就係咁舒適。