[少甜][愛情][校園][真人真事改編] 自從我爸爸過左世，我遇上左佢: 23

放學之後，詠兒姐姐因為有補課就唔可以同我放學。
我就諗住去揾偉哥佢地打陣波。
「喂7頭，我宜家去打波，你跟唔跟?」我問。
「跟! 小王子去打波我點可以唔跟。」佢快快手咁執好哂書包跟我行。
「你唔係諗住宜家直接去啊?」佢問。
「你都on9，梗係返屋企換衫先啦，4點半 xxx球場見啦，唔識去自己google map。」我到左巴士站。
「一陣見。」佢做左個bye既手勢就走左。
4點半，我好準時咁到左，當然去之前買左招牌飲品 - 朱奶。
但好奇怪既係，去到球場發現偉哥佢地今日冇黎。
呢個真係十大奇觀，佢地竟然冇黎到打波。




「咦，你冇波友架?」梓軒都到左。
「平時有架，佢地今日唔知點解冇黎，咁我地自己練算。」我講完就拎左粒波出黎。
都係嗰啲野啦，拍波既drills，再做啲定點同移動既射波，講真，做到一半梓軒已經攰到就黎死。
「哇，你平時啲訓練咁撚高強度? 我攰到郁唔到啦。」佢攤左喺地下，成pat屎咁。
我冇理到佢，繼續射波。

突然有兩個中學生由另一個半場到行左過黎。
「hi，不如我地鬥下波?」一聽到鬥波，梓軒即刻跳返起身。
我本來諗住話唔鬥，點知條7頭自己答應左。
對面兩個人係着住隔離學校既校隊背心，一個8號，一個21號。




針波佢地炒左，我地入左，所以我地進攻先。
我冇諗住自己打，所以就交左個波比梓軒，叫佢自己試下。
而我就拉左去零度嗰邊。
梓軒雖然平時喺我隔離好似好廢咁，但佢要打呢啲一打一單打，應該唔成問題。
佢jab step之後，向右突破，對面守佢既係個8 號仔。
梓軒急停fadeaway，好靚咁穿針入左。
衰仔，平時都唔覺佢咁勁。
之後第二球我都係照比佢單打。
佢運左幾下球之後，捉住一個機會向左突破。
我嗰隻21 號想補防。




梓軒傳左個波比我，個21號即刻想撲返我到。
佢咁上當啦，梓軒用速度甩開左個8號roll左入去。
我當然傳番個波比佢上籃啦。
之後繼續都係梓軒既單打時間，對面個8號根本守佢唔住，比佢係咁in face。
直到入左10分先至炒左。
對面拎到個板之後個8號傳左比21號。
佢見我一直冇出手，諗住話我應該冇咁勁想單食我。
搞笑咩，我加速就已經偷到佢粒波。
出到三分線直接起手，望都唔洗望就知係穿針。
梓軒表示自己冇力啦，叫我打哂。
然後最好笑既係我喺個21號面前連續入多左3球3分，直接game左。
佢地見比我地炒蛋就即刻頭dupdup咁走左。

「笑死，我打咁耐波都未試過炒人蛋。」梓軒見佢地走左即刻笑住講。
我冇理到佢，始終佢地係幾廢下，同埋梓軒都打得唔錯。




就比佢囂張下。
之後我地繼續練多左陣波，就換衫去附近食啲野。
「你有冇諗住打甲一。」梓軒一路食魚蛋一路問。
「我想打nba。」我係認真，想去美國打波。
「你認真?」佢問。
「係，如果做到。」我好認真咁講。
「如果我地有機會一齊打職業就好。」梓軒好似好盼望咁。
「咁你就真係要努力啲。」我話咁快就食完我既燒賣。
之後我地各自就返屋企。