[少甜][愛情][校園][真人真事改編] 自從我爸爸過左世，我遇上左佢: 9
去到第二節，佢地照樣都係比人打到還手既力都冇，而我發現隊長又係咁望我。
喂，唔係你真係想我帶傷上黎打啊?
不過佢都真係好努力，喺籃底不停咁想揾機會。
嗯，都有入到一兩球既。
對面既中鋒其實唔勁，但身高仲高過我地隊長，而且又大份啲。
所以隊長點樣揾機會都係打唔過佢，始終佢技術都唔係話好。
其他撚樣? 佢地跑步都跑到就黎死咁既樣，咪撚打波算啦。
就喺佢地比人拉大個比分拉到二十分嗰時，我聽到紅社班社員都仲未放棄
仲係不停咁為場上班撚樣打氣，有冇咁愛社啊痴線。
我?當然繼續食下花生先啦。
第二節好快就完左。
30:10
中場休息既時候佢地全部都攰到郁都郁唔到，係咁飲啲水。
紅社既社職就係咁幫佢地撥涼，想佢地舒服啲。
中場休息既時間比較長，而今次就係到黃社既啦啦隊表演。
佢地跳既舞，用既歌都係咁老土，講真真係一啲都唔好睇。
隊長都係係咁望我，大佬啊，你唔係真係想我打啊?
20分要追唔係唔得，但我都有啲驚隻腳會再傷多次。
「希，你上唔上到場?」我都估到隊長會開口架啦。
我認真feel下隻腳，其實又真係唔係好痛。
「可以。」我起身熱下身。
「靠你啦。」隊長眼裏面又有慚愧，後悔，但同時又好有希望。
知唔知咁樣我好大壓力架...
所有人見到我喺後備席到着左件龜背，紅社11號，準備大幹一場。
反而有好多聲音係到講緊
「喂你睇下，佢地出個細路仔wo。」「笑死，係咪放棄啦。」「似啦，比人領先20分wo。」
呢堆質疑我既聲音，我會一一打臉。
「哈，做咩啊，比個form1仔打? 真係放棄左?」對面個中鋒繼續嘴炮。
「睇下點。」我地隊長今次既回應， 好有自信。
喂，都話左咁樣我會好大壓力架wo。
第三節係我地既進攻，呢個控球矮仔想偷我波，比我一下變向就過左佢。
雖然我話佢係矮仔，但其實佢都仲係高過我，起碼有米七。
過左半場之後我完全冇減過速，一下突破入到去內線。
所有人以為我會上籃既時候，急停跳投，我既拿手絕活。
下半場既第一球由我乾淨俐落咁拿下。
「唔係wo，點解佢咁勁既。」「佢係咪就係討論區講嗰個form1?」「deedee好得意啊~我岩啊~」
場邊既觀眾都開始對我改觀。
當然，表演先岩岩開始。
對面既進攻，佢地啲傳球真係好慢，而且係漫無目的咁傳。
我對準機會，一下就斷左佢地既傳波。
反擊快攻完全冇人夠我跑，一條龍服務，再拎多兩分。
就係咁，攻防兩端我都以超神既表現打爆對面。
就喺我左右變向fake開左防守之後一個stepback三分，穿針之後，我地成功追平左比分，咁岩第三節都完左。
我望向夢兒姐姐嗰邊，向佢單左一眼，佢比左個飛吻我。
呢一下甜到入心啊。
「痴線，我地知你勁啫，冇諗到你勁到呢個地步。」「真啊，對面成隊都係籃球隊黎，咁樣比你一個打哂。」
你班仆街，我攰到成隻狗咁啦，攻守兩端都要打哂，唉。
老實講，頭先要話我一打五都唔過分，我波都冇交過比佢地。
「sorry啊希，尋日整傷完你，仲要你今日咁樣carry我地。」屌，咁撚婆媽架個隊長。
我擰擰頭，表示冇所謂。
第三節既紅社啦啦隊明顯氣勢上勁左唔少。
望住對面黃社五個球員，全部塊面寫住兩隻寫 「唔gur」
唔明點解自己會比個form1打爆。
但講真啊，你地咁撚7廢，我唔打爆你地都對唔住自己啦係咪?
周圍既紅社社員都高叫緊我個號碼，11號，我最鐘意既籃球角色 - 流川楓既號碼。佢地咁叫法搞到我好似救世主咁，雖然又好似真係。
第四節，撐埋佢就可以啦。
對面進攻先，明顯比起前面三節更加認真。
佢地既傳波速度快左，我冇咁易落手去偷。
對面中鋒上黎pick 我嗰隻，冇計佢太硬啦，我唯有加快速度越過佢去防對面個矮仔。
點知呢下中距離又真係比佢入左。
第四節既第一個入波，比佢袋左落袋。
到我地進攻既時候，佢地一改之前中場就黎防守，而係改由212 聯防。
完全唔想比機會我突破入去。
身體唔夠勁既我，冇辦法直接喺中間到撞入去。
如果我加速入去一定會比人夾。
唯有喺三分到起手。
呢一下比個矮仔有少少干擾到，個波喺個框到轉左幾下之後碌左出黎。
籃底既隊長比對面卡死左，個板落左對面到。
明顯佢地既水平都上升左，認真左。
不過都冇可能贏到我。
到佢地進攻既時候，經過一輪傳黎傳去，最後比左對面既中鋒打隊長。
佢一個轉身，以為自己可有空位可以勾手。
我喺佢背後躍起，雖然我身高唔高，但彈跳一啲都唔矮。
呢一球佢比我精準咁釘板。
「哇痴線，係釘板封蓋啊」「佢唔係得米六幾咋咩...」「估唔到人仔細細都跳咁高」
周圍既觀眾全部都比我呢球封蓋，燃燒起佢地既興致。
落番地既我，以超快既速度帶波過哂所有人，無人可以停到我落黎，快攻上空籃。
佢地實力既提升令我都熱血起黎，發揮既表現比平時更加好。
對面入一球三分，我就比番個答案佢地。
對面封蓋我地中鋒上籃，我就封蓋番對面既投籃。
一來一回，最後三十秒係我地既進攻，落後一分。
我決定要以突破上籃黎壓秒鐘完場。
「最後十五秒」我啟動了，向右做左個假動作之後拉番向左邊突破。
對面既速度完全跟唔上。
剩低喺內線既中鋒
佢高高躍起，似乎係想報番岩岩比我封蓋既仇。
當然，呢一切都喺我計算之中。
我以一個超高難度既拉杆，極限喺最後拉左個波上去。
對面既手並冇碰到籃球，反而係打左落我隻手到。
仆街... 我成個人既平行失左。
今次仆街鳥...