因為炸雞店一次意外，我變成了超級英雄。: 第二十章 重返現實

眼前白茫一片，似曾相識既景色映入眼簾，對面大廈既火勢猛烈到可以扭曲空氣既形狀。

紅魔企左係我面前，郁都唔郁，面上個個般若面具依然又悲又恨。

但腦入面仲存在一個問題。我真係返到現實嗎？

我唔可以再亂試，如果我依家係身處現實既世界，咁我就真係會冇命。

紅魔除低面罩，周豈高既容貌隨即現形。佢話︰「放心啦，你依家係現實世界。」





面對眼前既紅魔，我係唔太相信佢㗎。

「點解？我憑咩相信你？」我回。

「你可以唔信我，咁你就一直都會活係自己認為既假世界入面，永遠沉淪。」

「你到底想點，咁做既目的係咩？」

「好簡單，我想用我既力量創造一個美好既世界。一個冇死亡，人生可以不斷重新泥過既世界。」





「你痴線呀你，唔通因為你自己想重新泥過，就要搞到人地辛苦得到返泥既野要失去呀？」

「有乜唔可以？反正到最後人終係會死，大家都一樣會失去珍貴既野。我咁做等於幫全世界既人長生不老，將所有珍稀既物品變得唔再罕有，每個人都可以用第二次機會享受呢種物質，難道咁樣唔係理想既世界嗎？」

「你唔好癲啦！一樣野之所以有佢既價值，就係因為人類有壽命限制，物件會有用耗盡既一日。如果你咁樣做，一切都變得毫無意義，人類會墮落，唔再願意進步，個種係地獄既世界！」

「你錯啦！人類本身就唔需要任何意義，只係因為人既壽命有限，物質有限先將人類做既事變得有意義，就好似食飯係為左生存唔會餓死咁，進食對人泥講唔餓死先變得有意義。但當食物變得豐裕充足既時候，進食過程只不過變成奢華既享受，人類唔會在乎進食既意義，只會在乎食物既品質。只要我創造出無窮無盡既世界，意義亦都唔再存在。」

「我唔會比你咁做，你咁樣係剝奪人類對未來既憧憬。我地之所以能夠變得長壽，變得有飽飯食，全部都係過去既人對未來有種憧憬，佢地將佢地既意義賦予比我地，我地先有今時今日既美好！即管我地依家做既野係冇意義，我地都唔可以放棄未來！」





「可惜，睇泥你都係仲未明白。未來有幾多野係可以掌握？你可以掌握未來嗎？佐治。」

「唔可以。」

「咁點解唔跟隨我，同我一齊打造美好既世界，人生有無限take，只要失敗左就再泥過，直至成功唯止。呢個係打破命運既方法呀！」

我握實拳頭，向前一躍，向周豈高用力揮拳，大喊︰「未來係要靠自己創造架！去死啦！」