因為炸雞店一次意外，我變成了超級英雄。: 第十八章 瘋狂

情況唔係太對路，我依家坐係寶琳隔離，思考緊下一步應該點做。

首先我要問自己既問題係︰「依家呢個係真實世界，定係假既世界？」

我用左幾個方法去驗證呢個問題，包括打自己、走出外面同埋問馬寶琳。但後來一一發現，所有既感覺都好真實架，咁姐係呢度係真實世界？

咁如果呢度係真實世界，頭先突然既扭曲同被綁係張床上既情況，又係咩事呢？

事情撲朔迷離，而更加離奇既係時間依然係咁過去。我坐左係寶琳屋企已經有一個鐘有多，既然有時間既慨念，咁姐係呢度就係真實既世界。





我鬆一口氣，雖然都係解釋唔到頭先既事，或者只係太攰產生既幻覺。

我同馬寶琳傾好所有野之後，就決定先返屋企休息，因為呢件事已經令我筋疲力盡。

我同佢告別，泥到樓下既巴士站。巴士泥到啦，我行上車，突然周圍又開始扭曲，地下突然變成無底洞穴，我再次往下墜落。

我再次係張床醒返。周豈高依然企係我隔離。

「你對我做左啲咩呀！」我幾乎失常咁向佢大叫。





周豈高又唔出聲，又自己係度陰陰嘴笑。然後，佢又係我手臂打針。

「停手呀！你到底想點呀？」我幾乎要崩潰。

針落到肉，但個下唔覺痛。

我又返番泥寶琳間屋，時間又回到我沖完涼個一刻。

我跪係地下，用力咆哮。