因為炸雞店一次意外，我變成了超級英雄。: 第十一章 海傍之戰

我跟住阿誠既血跡泥到商業海傍，幸得依家時間已經好夜，人流都唔係特別多，所以呢度變得特別空曠。

阿誠既血跡泥到呢度就冇左，而我都發現唔到佢個蹤影。我四圍望，突然個頭感覺到一種刺激，呢種刺激就好似人掂到熱野會即刻縮開既感覺，令我本能咁向右跳開。係我跳開之際，阿誠竟然由後面衝上前係我左手面掠過，個把鋒利既黑刀只差幾個距離就可以割斷我既頸動脈。

阿誠企係我面前，依家既佢雙眼反白，下顎有兩隻大獠牙突出，黑色既血筋係塊面度若隱若現，好似電影入面睇到既喪屍咁。

我戴住面具，佢應該認唔到我。雖然我冇格鬥經驗，但平日上網睇片都學過唔少，我憑住記憶擺起一副似模似樣既格鬥姿勢，準備同佢大戰一場。

佢踎低身，又想用個招對付我。我一早已經見識過，再加上我已經唔再係以前咁軟弱，佢呢種簡單既招數又豈會可以打贏我呢？





果然，佢驟然加速向我衝過泥，不過係我眼中，佢飛過泥既速度就同蝸牛一樣咁慢。係佢既刀鋒正要割盲我雙眼之際，我即刻訓低地下，然後大力一腳踢向佢個肚。

佢肚左成啖口水係我塊面到，但我懶理，再向佢塊面揮多一拳，力量之大足以打飛佢彈去幾尺遠。

佢係幾尺遠彈返起身，我亦都施返個蜈蚣彈起塊身，大家又再次擺出作戰架勢。

頭先我既動作似乎令佢有所顧忌，佢唔敢輕舉妄動，企左係度個頭左郁右郁咁觀察我。

突然之間阿誠面容扭曲，用手禁住自己個頭，望落好似好辛苦咁。佢不斷尖叫，突然雙眼開始流淚，又講起人話︰「救…救我呀！」





我猛然醒悟，講呢句說話既人肯定係阿誠，佢似乎同緊身體入面某啲野對抗緊。

「誠！」我向佢大嗌。不過冇任何作用。

更多既警車聲再次往海傍駛泥，阿誠又再一次向天咆哮，然後就跳左落海，離開左現場。

我追上去，但冇跳落海，只係喺海邊望住落左水既阿誠。個一刻，我見到水底有隻龐然巨物，雖然海面好黑，但憑住街道既燈光，我望到個隻巨物既身長同形狀，同帕特修斯係十分相似架。

呢個時候我就有個大膽既猜想，唔通阿誠就係帕特修斯？





警察越泥越接近，我除低個面罩，以極速既速度閃離現場。

如果我既推論係正確既，咁我下一個目標似乎就係阿誠，但我卻最唔希望會係佢…