因為炸雞店一次意外，我變成了超級英雄。: 第七章 力量

身體既事我冇同任何人講，因為我認為就算講左都冇人會信，況且我都未完全知道究竟我既身體依家係發生緊乜野事。

我帶住副全新既身體去到新既工作地點，個度位於郊區半山區既炸雞店。半山居住既人唔係咩有錢人，反而窮人比較多。而且要去度個間炸雞店需要搭一架開得好疏既巴士，過程係極之麻煩。

我一早7點就由屋企出門口，係樓下既停車場搵返我部愛駒。我既愛駒係一部26電單車，早兩年考完車牌買返泥。本身黑色，不過有啲位已經比野刮花左。

我撻著部車，從停車場前往新既工作地點。好快我就駛到公路，公路又係冇咩車，呢排街上面既人真係好少…

就係我專心望住前面之際，我發現對線有架大型貨車有啲唔對路，佢左搖右擺，好似失去控制咁。





我望住部車，突然見佢迎面向我炒埋泥。我即刻扭鈦諗住避開佢，但佢連後面個櫃都失去平衡，眼見要笮埋落泥。

我本能反應攞隻右手擋住，驚人既係，個個貨櫃竟然真係硬生生比我擋停左。

我就咁一路托住個貨櫃，連人帶車咁行到安全既位置。

我返轉頭睇返個司機，見個司機都冇咩大礙，仲有知覺，不過就唔知岩岩發生左咩事。

事情擾攘左半日，件事發生冇耐之後我就打返公司講話遇到車禍，今日又放多一日假。





依家我坐住係海邊，望住自己既雙手，到底我咩事呀…