一覺瞓醒，你竟然同我講香港有喪屍？！: Zombie 79：垂死.
走上階梯，我發現到警局內的環境好像變了，而且瀰漫著一股奇怪的氣氛，本應有點熱鬧的大堂，如今卻顯得格外冷清。不知道是不是因為接近零晨的關係，大家都回到樓上休息才一個人也沒有，但明明之前都還會有好幾個人在看守。
「好似有啲唔妥，一個人都冇嘅？」洛雯輕聲說道。
「會唔會係去咗瞓覺咋？」雖然小鳳這樣推測，但心裡也覺得有點說不上來的奇怪感覺。
我們並沒有先去找何守信或他的小弟，而是直接去找柯博士，只是整個樓層也不見他的蹤影，休息室和洗手間也沒有。既然他人不在，我們只好往其他樓層查看，首先就是去何守信所在的最高樓層。
當昇降機經過七樓的時候，一陣吵鬧的喧嘩聲在該層傳出，我們只好快速的按下九樓等它停住，再乘搭昇降機往下返回七樓。
「叮！」昇降機的門打開了，映入眼簾的是一眾的小弟，何守信、阿發和柯博士也身在其中，而他們的身旁多了一個女人和一個小女孩。
「細路！你哋仲咩突然又返嚟？你搵到人幫手嗱？」柯林望向我身後的孫家二人問道。
「福仔，我同你介紹吓，我個乖女。」何守信一看到財福便興奮得好像看到未來女婿一樣。
「咦？乖女？」嘉琛用充滿著疑問的眼神望向那個小女生，也掃視了她身旁沒有見過的女人，皺起了眉頭不發一語。
「浩龍先生，佢哋係我個老婆同乖女，柯先生終於成功研究出血清喇！」
雖然我們彼此的距離相隔有點遠看不太清楚，但聽到何守信這樣講，我們大伙頓時好像虛脫一樣，鬆了一口氣，同時也看到了希望，香港甚至世界各地都會變回原樣的希望。
「柯博士！老公佢……你快啲睇吓佢先啦，佢隻眼好紅呀！」
當大家都在高興的同時，Mayu卻焦急得心亂如麻大聲叫道，把在場所有人的目光都集中在我身上。
「快啲坐低，我幫你睇吓！」
柯林仔細地為我檢查著那紅得像顆紅寶石的右眼，同時也吩咐了好幾名人員幫忙去五樓拿工具。此時的我只覺得自己出現在一個不合適的時間點，打擾了大家的雅興。
「阿龍，除咗隻眼，仲有咩唔舒服？」
「柯博士，不如返五樓先繼續，唔好影響到何先生佢哋慶祝，而且下面工具都齊啲。」嘉琛說。
看到滿桌的食物和飲料，應該是為了何守信的妻女而設，既然是這樣的話，我們避開也非常合理。
「不如其他人留喺度，等柯先生同助手都可以專心啲，呢邊啲嘢食嘢飲可以食。」何守信指向第二張放滿零食的餐桌提議道。
孫家二人疑惑著為什麼不是全部的食物可以一起享用，而是只有第二桌那堆盒裝和罐頭包裝等的即食食品。小鳳把二人拉到後面一點的位置，解釋著其他的食物混合了人血人肉在內，除非他們想試，不然還是不建議正常人去碰。
最後，Mayu、嘉琛和孫伯三人跟著來到五樓的研究樓層，柯博士聽完嘉琛早前幫我檢查的描述後，皺起了眉頭若有所思的閉上了雙眼。待他睜開雙眼的時候，又隨即在電腦上輸入了一堆關鍵詞，其中包含了紅眼、力氣變大、聽覺敏銳和惡夢等等。
「呢啲……同變成新人類時嘅症狀好相似，而且你係變成有能力嘅新人類……亦因為你體內嘅血好特別，抑制住病毒快速嘅傳播……總之，你有好大機會會喺短期內變成第五級嘅新人類。」
「既然而家何守信一家人都冇事，係唔係代表浩龍都可以醫得返？」嘉琛猜測道。
柯林低下頭嘆了口氣後說「我冇成功研究出血清……」
「噉頭先嗰兩個係邊個？個女人同個𡃁妹唔係佢老婆同個女咩？我總覺得佢兩個個樣有啲怪。」嘉琛再次提出疑問。
「係！不過……唔係你哋見到噉樣。」
咩叫「唔係你哋見到噉樣」？你哋頭先唔係慶祝梗咩？你又想講咩呀？
對於柯林每次都會用一些常人不能理解的話去解釋事情的時候，我內心總會感到莫明的不耐煩，還是所有的科學家都不喜歡直接講「人話」？
「噉即係點呀？老公佢可唔可以變返正常人？」Mayu擔心的急忙問道。
「唔知！我都話未研究成功，又點會有新嘅血清呢？之前俾你哋嗰枝，睇怕都唔一定會有咩特別效果。」
一直沉默不語的孫伯似乎從我們的對話當中，大概了解到事情的來龍去脈，但對柯林的表達卻感到莫名其妙，忍不住問「噉何先生一家人呢？你又點解釋？」
柯林又嘆了一口氣後，徐徐道出事發經過，更一再強調自己沒有要隱瞞任何東西，只是在考慮要怎樣向我們用簡單的話語去解釋而已。
「喺一個禮拜前，你哋離開之後嘅嗰一日，我發現到有一種變數，可以改變已經喪屍化後嘅DNA，但係……」
柯林頓了一頓，眉頭深鎖，露出了憂傷的神情繼續說
「我係經過何先生本人同意先幫佢同佢屋企人打Temporary Serum，我簡單噉起咗個名——血清T。佢嘅功用就係可以令喪屍化嘅人回復人類嘅姿態，但佢同時擁有一個致命點，就係佢哋依然睇落去係一隻喪屍，你哋冇發現成棟嘢連一塊鏡都冇咩？連會反射影子嘅嘢都唔會出現喺嗰兩母女面前。」
「我頭先冇睇清楚！」
「太遠，睇唔到！」
「睇唔到呀！」
我們幾人都不約而同表示出自己根本沒看清兩人的長相，而且一心來尋求幫助的我們都已經心急如焚，更別說會留意到什麼異樣，連面前究竟有誰也未分得清，何況當時有那麼多人圍著何守信一家。
「總之，我暫時研究唔出有效嘅血清，而且何先生都已經就嚟唔得喇！佢打算同佢老婆同個女好好噉過埋最後呢幾日。」
何守信明明聽起來聲音還蠻響亮的，怎麼會說他快不行呢？可惜沿路一直依靠著左眼去辨路，有點增加了它的壓力，令我左眼的視線也變得有點模糊，當時只能憑身影和聲音去判斷。
「唔怪得佢睇起嚟好似瘦咗咁多。」嘉琛說。
瘦了很多？所以說從上次倒下後，他就沒有好起來？明明聲音聽起來是多麼的健康，我怎樣也沒辦法想像他將會死去。
「血清T只係可以回復到一部分變過喪屍嘅人嘅心智，唔會完全好得返，以現今嘅技術可以話係冇得救，至少我自己做唔到完美嘅血清。何守信已經唔係新人類，大家都唔知失去咗佢之後會變成點，而且何耀邦應該好快就會返嚟，到時候大家可能又再一次陷入恐慌之中。阿發佢哋都諗住走喇，我都係，既然你哋又咁啱返嚟，就帶埋我走啦，我唔想就噉死。」
看來，大家都懼怕著那個殺人狂魔何耀邦，從工廠的慘狀我就可以知道這個人有多變態，被他纏上肯定不會好過，甚至比死更難受。
「咩叫回復到一部分變過喪屍嘅人嘅心智？」正當我們快要陷進沉默的時空前，孫伯道出了一個重要的問題。
「血清T只可以回復佢哋一部分未完全腐爛嘅腦幹細胞，腦神經嗰啲位置，所以就算回復成正常人，佢哋嘅知智商已經大打折扣，可能比弱智更低。」
「噉老公而家打血清唔得咩？」Mayu問。
「唔得，佢未完全屍變，血清係唔會有作用！」
所以……我還是要乖乖的變成新人類後才有機會得救？在屍變後立即打上血清應該就可以立即制止到吧？雖然我是這樣問柯博士，但他卻沒有給我明確的答覆，只留下了一句「可能性係有嘅，不過我唔可以保證！」的廢話。