一覺瞓醒，你竟然同我講香港有喪屍？！: Zombie 31：反骨仔.
「細路，撻嘢！」毛凌勇突然出現在小鳳和阿昌的身後。
「妖！」小鳳只回頭望了一下又繼續跟阿昌把遊戲機放進塑膠袋中。
「哎吔！見到阿Sir都仲咁大膽，信唔信我……」毛凌勇擺出一副高高在上的姿態說。
「信呀，信呀，得喇，好勁呀，我哋好驚呀，唔好拉我呀！」阿昌連頭也不回用著平炎的語氣敷衍道。
「你兩隻嘢竟然大膽到公然偷嘢，我以香港法例第……」
「你慳啲啦！香港已經係死城，你條磨碌收皮啦！」小鳳回頭罵道。
小鳳拉著阿昌的手大步離開商店，準備回去超市，毛凌勇死死緊隨其後，任由小鳳和阿昌唾罵仍不肯罷休。
「家輝！有個痴線佬一直跟住我哋呀！」小鳳邊跑邊大叫著。
洛雯等人立即把家輝搖醒，各自拿起手邊的工具作防衛，連林仔也拿著兩瓶空酒樽出現。毛凌勇見狀，立即指出小鳳她們的錯誤行為。
「你條廢物！我唔係叫你唔好跟住我咩？而家仲要搞我朋友！仆街喇你！」家輝一個側踢把毛凌勇踢倒在地。
「等陣呀！我只係想邀請你哋一齊去酒店。」毛凌勇連忙伸手護著頭部。
「酒店？酒店有人？」林仔露出興奮的神態問道。
「有好多，酒店好安全無喪屍。」毛凌勇回答。
「家輝，你識佢？」小鳳問。
「唔識，只係我拎喼嗰陣遇到，係差佬。」家輝回應。
「我想去！帶我去啦！」林仔放下手上的空酒瓶走到毛凌勇的面前。
「你哋呢？」毛凌勇望向其餘的人。
「唔去！」洛雯別個頭。
「唔去呀！」Mayu也跟著別個頭。
「我哋唔會去，唔好再嚟煩我哋！再騷擾我哋，我會殺咗你！」家輝拿出雙節棍威嚇道。
「噉我拎幾樣嘢食得唔得？」毛凌勇問。
「隨便！」家輝說。
「死賊仔！」小鳳鄙視道。
「我會將錢放低，唔會知法犯法嘅！」毛凌勇不屑道。
待毛凌勇和林仔離開後，小鳳提議盡快離開商場，而且要把船開走。雖然已經到了晚上十點多，但為安全起見還是先離開這裡。沿路家輝提及酒店已經到了缺乏糧食的狀態，到時候超商也會變得不安全。
臨走出商場前，家輝拉上阿昌幫忙在出口旁的Outlet拿了好幾套衣服備用，也順便拿了浩龍的份。
雖然行李箱眾多，但幾人合力推還是很輕鬆的。安放好行李後，家輝連忙把船駛離碼頭，往大澳方向駛去。
「死林仔！二五仔！」小鳳生氣道。
「唔緊要啦，反正少一個外人唔係更好咩？」洛雯安慰道。
「洛雯姐，我唔會做二五仔㗎。」阿昌深怕被遺棄急忙說。
「傻仔，你係自己人，我哋而家咁多個都係自己人。」洛雯笑著說。
「今晚喺船上面過夜，聽日再睇吓點，我驚林仔會帶條差佬去大佛嗰度。」家輝冷靜分析。
「其實條差佬都冇槍，洗咩驚佢喎。」阿昌好奇問道。
「我唔係驚佢，我係驚佢可能被新人類控制，而且佢都有可能好似阿強咁，打完支針就變喪屍。」
家輝繼續說「我唔容許有可能會令我哋出事嘅嘢存在，我一定會保護好你哋！」
「輝輝，唔好俾咁大壓力自己，我哋都會小心行事，唔洗擔心。」洛雯抱著家輝的腰說。
「係囉，我哋會再小心啲，之後都會努力練習防身術㗎啦。」小鳳附和。
就這樣，五人又再度留在船上度宿，好好休息為了準備迎來第二天。
夜深，家輝用航拍機拍下大澳附近的環境，發現在民區還存在一小部分生還者，而且都有簡單的武裝，感覺上他們不太歡迎外來者。幸好航拍機有夜視功能，不然在這種燈火不足的黑夜裡，基本上什麼都會拍不到。
「點呀？上唔上去？」小鳳問。
「睇落有啲危險，班村民好似有武器，而且唔知佢哋係唔係好人。」家輝回應。
「噉如果我哋唔上大佛嗰度，仲有咩地方係安全？」洛雯不禁問道。
「去西貢？有個好細嘅白海灘，人好少㗎。」Mayu提議。
「好細嘅白海灘？又冇乜人……西貢白沙灣？」小鳳嘗試猜測。
「好似係，個海灘有個白字㗎。」Mayu回應。
「嗰度的確比較少人去，但我哋噉樣走嚟走去，成個香港就嚟去勻晒，而且唔知我哋可以捱得幾耐。」家輝有點不太願意離開太遠。
「去遠啲唔好咩？」阿昌問。
「好係好，但……我想救阿哥……」家輝徐徐道出自己的想法。
「輝輝……」洛本想說些什麼，但卻想不出任何的語句。
「其實……如果我係龍哥，我可能會去我哋之前一齊過嘅地方。」阿昌用自己的想法猜想道。
「之前一齊嘅地方……青洲？」洛雯猜想。
「應該唔會去青洲，個肥仔知道點去。」小鳳否定了洛雯的想法。
「長洲？」Mayu說。
「可能性唔多大，而且龍哥冇船。」家輝說。
洛雯再次猜測道「屋企呢？」
「有可能，但我哋走嗰時，外面有喪屍。」小鳳同樣想過這個可能性。
「噉仲有邊度係我哋一齊去過又冇喪屍？」阿昌抱頭大叫。
「碼頭呢？招商局碼頭，我哋第一次補貨嗰度，亦都係條反骨仔加入嘅地方。」家輝忽然靈光一閃。
「如果老公返工嗰度走過去，好似都唔係好遠。」Mayu補充。
「噉聽朝去返嗰度等，睇吓龍哥呢幾日會唔會出現。」家輝說。
這一晚，大家的心裡都非常期待太陽的來臨，更期待著到步後可以遇見浩龍一家團聚。