一覺瞓醒，你竟然同我講香港有喪屍？！: Zombie 29：東涌.
「家輝，我哋去邊呀？」洛雯遞上一杯溫水。
「去大嶼山？」小鳳跟在後方提議道。
家輝並沒有即時回應，而是關心問道「Mayu佢點呀？」
「仲係唔肯食嘢……」小鳳露出擔憂的表情說。
因為黃浩龍的離開，再加上Mayu的消極態度，船上的氣氛整個死氣沉沉。
「林仔隻腳點呀？」家輝擔心道。
「阿昌照顧緊佢，原來佢只係擦傷，雖然傷口有啲大，但無生命危險。」小鳳回應。
盡管家輝很想去救浩龍，但現在唯一的責任是要保護好餘下的人，如果連自己都失去，其他人的性命將會受到威脅。
「去大嶼山……Mayu佢之前都提起過。」
家輝把自動航行設定新路線，目的地去大嶼山。馬灣去大嶼山其實不遠，但大嶼山始終在山上，船亦只能停在靠近的東涌公眾碼頭。家輝為了慎重起見，把船開到附近觀察了一下碼頭周邊的狀況。
家輝和洛雯站在甲板上，用望遠鏡查看著碼頭周邊的地方，隨了亂停在路邊的車外，連一個人也沒有，甚至連飛鳥也沒多隻。
「點呀？上唔上去？」阿昌走到甲板上問。
「係囉！上唔上去呀？我想搵間七仔拎支酒飲，可以止吓痛。」林仔一拐一拐地走上前勾著阿昌的肩膀說。
「再等一陣，望多一陣先，雪櫃下面好似有幾罐唔凍嘅啤酒。」家輝回應。
林仔聽罷，隨即走去翻找，真的給他翻出六罐一Pack的啤酒。林仔不顧空腹喝酒帶來的不適，連乾了兩罐下肚後又倒頭大睡。
經過一個多小時的觀察，家輝同意一起下船找個臨時的藏身之所，唯獨Mayu不肯跟隨。
「Mayu，乖啦，你都唔想阿哥擔心妳㗎，係咪？」洛雯坐到Mayu身旁把她抱緊。
「係囉，浩龍哥一定會無事嘅，到時候見到妳咁瘦，一定會鬧我哋，一陣我哋落船搵個地方食嘢啦。」小鳳同樣緊抱著Mayu安慰道。
「我應承妳，我一定會將龍哥帶返嚟，而家我哋一齊落船先，我都想搵多啲工具。」家輝亦走到Mayu跟前，蹲下身說。
「你掉低老公唔理！衰人！」Mayu生氣地指著家輝罵道。
「……係阿哥叫家輝噉做！」洛雯不忍家輝受委屈衝口而出說道。
「洛雯！」
家輝欲制止，但卻被洛雯示意他閉嘴。
「Mayu，佢係我阿哥，我同妳一樣好擔心佢嘅安全，但而家我哋唯一可以做嘅就係等佢返嚟……等佢返嚟見到我哋好開心噉迎接佢……」
洛雯為了大局，緊緊擁抱著Mayu。縱使雙眼明顯呈現少許通紅，硬要強忍著淚水安慰著眼前深愛著浩龍的女人，她深信著彼此很快會再相見。
「嗯……」Mayu只輕聲回應。
把林仔叫醒後，大家拿好需要的行裝便踏上碼頭，由家輝帶領眾人到東薈城。天色已經漸黑，加上林仔的腳傷，短短二十分鐘的路程卻要用上雙倍的時間。
「我哋今晚喺度過夜，順便補充物資。」家輝停在東薈城門前。
「入面會唔會有喪屍㗎？」阿昌擔心問道。
「唔知，我去睇睇先，你哋喺度等我。」家輝吩咐著。
「我都一齊去，多個人多對眼。」洛雯衝上前不顧家輝的反對進入了東薈城。
吩咐好阿昌和林仔要照顧好女生後，家輝亦快步走進商場。商場內充滿涼快舒適的冷氣，明亮的燈光把整個商場照射得一覽無遺，但這裡卻安靜得彷彿時間都停止住了。
家輝牽著洛雯快速的在周邊的商鋪都轉過一圈，確定安全後便返回大門接應其餘的人。
「而家一齊去TASTE食嘢，之後再準備物資，上面大把衫可以換，記住拎多幾套後備，聽朝阿昌同我搬啲嘢上船，然後我哋再上去大嶼山。」家輝把行程都整理好。
「其實呢度咁多物資，點解仲要上山？」林仔完全不能理解。
「呢度應該唔止得我哋幾個，啲人可能匿喺酒店，等佢哋無嘢食，就會走出嚟同我哋掙。如果遇到好人，仲有機會一齊生活，如果遇到衰人，我哋一定會全軍覆沒！而且……地下咁多空罐頭，估都估到一定有人！」家輝解釋。
「同佢哋打過囉！」林仔指手劃腳的舞動著。
「點打？如果佢哋一大班人，點打？你估你係宇宙最強，一個打十個？」洛雯揶揄道。
「噉又唔得！呢樣又唔得！嗰樣又唔得！」林仔發晦氣地說。
「你咁勁，你留喺度打囉！我會上山！」小鳳不屑地說。
「嗯！上山！」Mayu點頭和議。
林仔見形勢不對，立即望向阿昌。
「唉！唔洗望我！我就一定跟住小鳳。」阿昌立即耍手擰頭。
「挑！即係無得揀啦！」林仔搖了搖頭。
「有，你可以自己留低！」小鳳繼續揶揄道。
「超！懶巴閉！聽日記得叫我呀！我去飲酒。」林仔一拐一拐地向酒區前進。
「仆街仔！」小鳳小聲罵道。
「嗯！正一仆街仔！」Mayu指著已經遠離的林仔跟著罵。
在旁的一行人聽到Mayu的叫罵，頓時發出一陣大笑，帶著口音的叫罵的確很可愛。
「傻妹！唔好講咁多粗口啦！」洛雯撫摸著Mayu的頭笑道。
「家輝哥，其實呢度咁多餐廳，我哋點解要喺超市食罐頭？」阿昌拿起一罐梅菜扣肉大口吃著。
「都過咗大半個月，就算廚房有嘢食，你都唔敢食啦，何況仲要係生嘅肉。」家輝解釋。
「放冰格嗰啲可以食㗎。」阿昌回應。
「你仲要解凍，仲要煮……如果你想食，可以去整，小心啲唔好整到咁大聲。」家輝提議。
「……我都係問吓啫！」阿昌繼續低頭吃著罐頭。
待大家都吃飽後，家輝分配好各人需要收集的物資便獨自前去酒店的方向，為的是要調查其他生還者的存在性。女生們則走到各大名牌Outlet進行著Fashion Show，留下阿昌一人慢慢收集物資。
穿過各間名店，家輝卻沒有多理會，只停在一間有很多行李箱的店門前，打算晚點用這些行李箱裝滿所需要的東西帶走。一來方便攜帶，二來更可大量收集。
待家輝走到酒店門前，他躲在門旁窺視著內裡的狀況。就如他所想的一樣，沒有人，什麼都沒有。
正當家輝踏進去的那一刻，一個聲音從他身後突然發出。
「舉高雙手！慢慢轉身！」
家輝恐怕對方有槍便按照男人的吩咐緩慢地轉身，一名身穿警服的男人手持警棍瞪著他。