一覺瞓醒，你竟然同我講香港有喪屍？！: Zombie 25：我變咗新人類？
「你嚟呢度做咩？我唔係叫你返屋企咩？」我完全不想理會眼前這一坨屎人。
「我就係冇聽你講先變到而家噉，又有𡃁，又有面！」肥陳走到沙灘上跟我對話。
「得喇，叻啦！返去啦！」我對他非常反感。
「我嚟多謝你呀！多謝你令我變得咁有Power！我而家邀請你加入我哋『新人類』。」
當我們一聽到這個名詞後，空氣彷彿一下子被凝固了，本來愉快的氣氛整個完全被打破。
「龍哥，請上船，我想先帶你去一個地方。」肥陳伸手示意我踏上快艇。
我沒有理會肥陳，只死死的盯著他，希望他盡快在我眼前消失。
「老公，邊個嚟㗎？」
Shit！妳個傻妹點解喺呢個時候出聲？
「你條女呀？啱喇，一齊啦，放心喎！我對呢種女冇興趣，我鍾意勁大波，你知㗎。」肥陳露出猥瑣的淫笑。
我伸手護著Mayu，另一隻手高舉武士刀。
「俾你揀，殺死佢哋，定你同你條女跟我走？」肥陳突然從背後拿出一把手槍。
「你唔Likey我啫，捉我一個咪得囉！」我站到肥陳臉前跟他互相對視。
「砰！」林仔的左腿突然被子彈貫穿，整個人痛得在地上打滾。
「下一個就係佢哋！」肥陳威脅道。
「老公！我去！」Mayu突然跑到我身旁。
「噉咪好囉！一早聽話咪冇人受傷囉！」肥陳嬉笑道。
你條仆街！我一定唔會放過你！
被迫著離開的我和Mayu，踏上了肥陳的快艇前往他口中想我去的神秘地方。我倆跟著肥陳走到我上班的地方。
「做咩呀？好出奇噉，上嚟啦，有正嘢睇！」肥陳率先帶頭走上樓梯。
「嘔！」Mayu未踏入正門已經忍不住嘔吐了。
這跟我上次來的時候有著很大的差別，一地空酒瓶和半乾的血液，而且空氣中飄散著一股難聞的腐臭味。這種氣味對身為廚師的我十分影響，尤其我的嗅覺本身就比一般人敏感。
肥陳停在VIP房門前，未進去我就看到一灘濃厚的血水從廚房的門縫滲透出來。VIP房的旁邊剛好就是廚房，地上的血水彷彿已經把它們連成一線。
「呢度呀，你睇吓，個頭係老闆嘅，個身係呀大廚彭哥，左手係阿絹，右手係肥妹……」
條友變態到用成間公司啲同事砌一個人出嚟……呢陣臭味同佢身上散發出嘅一樣，係腐臭！
我除了跪到地上嘔吐，已經沒有別的反應了，我感覺我的身體抖動得很厲害，完全停不下來。
「你！我念在當初你對我幾好，我就唔殺你，將你變做我哋嘅同類！呢隻老鼠咬過我㗎，而家我就餵你食」
肥陳不知何時手上多了一隻死老鼠，蹲下他那肥胖的身軀對我說。
肥陳見我沒有反應威脅道「你自己諗，你食定你條女食？」
「我食，但係俾我同條女講句嘢再食得唔得？」我瞪著肥陳說。
走出VIP房，我走到入口處，Mayu已經吐到整個軟癱在地喘息著。我只輕輕撫摸了她的臉龐，用著我瘋狂顫抖的雙手抓緊她的肩膀。這可能是我最後一次可以用人類的姿態看著我的最愛。
「Mayu，記唔記得上次個碼頭點去？維多利亞公園嗰個，去返嗰個碼頭，家輝會接妳走。」
「你呢？我唔想離開你！」
「ごめん，愛している！永遠に愛している！（對唔住，我愛妳！永遠都咁愛妳！）」
我只能用我記憶中的日文單詞來對Mayu表達我的愛意，親吻著我一生中最愛的女人，然後趕她離去。
待我返回VIP房時，肥陳吸了一口煙問道「放佢走好咩？噉你以後就得返一個人喇喎。」
顯然肥陳根本不想理會Mayu，他的目標由始至終都是我，Mayu只不過是迫我就犯的誘餌而已。
「食啦，唔食我就派人去殺晒你班Friend！」肥陳依然喜歡用要脅來威逼別人就犯。
看著這隻不知死去多少天的老鼠，它的身體明顯被拳頭用力握至變形，身體上的凹陷處都呈現出手指印，多麼可怕的握力。肥陳到底變成怎樣的怪物？竟然可以將老鼠握成這個慘狀。
我閉上雙眼一口咬下它那殘破的下半身，腐爛的惡臭隨即湧滿整個口腔。隨後我感到身體開始發熱，雙眼也開始覺得很熱很痛，緊接著整個身體都冒出轉為紫紅色的青筋。
我好驚！我唔想變成阿強噉！我唔想變成喪屍呀！
我開始失去意識，只聽到肥陳那討人厭的笑聲。我跌到地上不停地打滾著，全身的痛楚一下子爆發出來，痛得我差點暈死過去。
等我醒來的時候，我已經身處一座工場裡，躺在一張髒兮兮的床舖上。
「醒嗱？」肥陳向我吐了一口濃煙，那種擁有果香味的電子煙。
「我冇事？我唔係食咗隻喪屍老鼠咩？」
「咩喪屍老鼠？你睇戲睇上腦？」肥陳揶揄道。
我明明記得我全身痛到唔郁得，全身熱到好似俾火燒噉。
「你只係食咗隻打咗針嘅死老鼠啫。」肥陳露出恥笑的表情說。
「喪屍針！」我脫口而出。
「你只係食𨶙咗毒品咋！白痴仔！」肥陳不屑道。
「毒品？噉我點解個身會咁熱咁痛？」
「屌！你第一次啪嘢梗係會有幻覺啦，呢隻嘢新嘢嚟，好勁㗎！」肥陳拿出一枝藥針說。
「你直接俾我食毒品咪得囉！仲乜嘢要俾隻老鼠我食？」我非常不滿地說道。
「玩你唔𨶙得呀！」
你講乜𨶙嘢呀？仆街仔！
所以我沒有被注入喪屍藥針，我還是一個人類，切切實實的人類！