一覺瞓醒，你竟然同我講香港有喪屍？！: Zombie 17：他只是個孩子.

「噉我哋而家點呀？留喺度？定返去？」
 
家輝突然問了一個我們都沒有想過的問題，看來，我們好像把危機看得太輕了，只不過是從一個危險的渡假村，爬到對面沒有那麼危險的學校而已。
 
我們互相對望，但卻沒有人願意作出回應。可能是不知道該去哪裡，又或者我們根本不知道可以去哪裡。
 
「……我想返去！」我突然說出口，但事實上我也不知道原因，可能自己的家會多一份安全感吧！
 
「我都想……」洛雯看著我投以一個「也把我帶走的眼神」。
 




「呢邊啲喪屍好似冇分朝早定夜晚，咩時候都有可能出現，返去我哋嗰邊，啲喪屍都起碼有個休息時間吖！」我不禁提出我的想法。
 
「我留低！多謝你哋送我返嚟。」小鳳露出一副依依不捨的眼神輕聲說道。
 
「定係妳哋一齊走？長洲咁多船，區區二、三十人難唔到嘅！」我提議。
 
「後生仔！多謝你肯帶埋我哋一齊走，但你都睇到啦！我哋成班都係老弱婦孺，未走到去碼頭可能已經俾喪屍食咗喇……」小鳳爸爸婉拒。
 
「如果可以嘅話，帶佢哋幾個走吖！」一個嬸嬸提議著。
 




「唔要呀！」
「我都唔想走！」
「成個世界都係喪屍，去到港島咪又係一樣！」
「我想留喺你哋身邊……」
 
幾個青少年表達了自己的想法，唯獨一個。
 
「我想跟你哋走！」阿昌說。
 
「昌仔……都啱嘅，離開呢個傷心之地都好嘅……」小鳳的爸爸嘆了一口氣。




 
按照這樣的說法，阿昌的家人應該已經不在人世了。
 
「哥哥姐姐！可唔可以帶埋我走？」阿昌走到我們的面前問道。
 
我下意識望向小鳳，渴望得到一個回應。而小鳳也好像明白我內心的想法，對我點頭示意。
 
「我冇行李，只有呢樣，我身手唔錯，體育攞A㗎！」阿昌拿出一張染血的全家福。
 
「……原來你頭先係返去拎呢張相……」小鳳靈光一閃意識到。
 
「螢螢……妳都一齊去啦！阿爸阿媽會照顧自己，唔洗擔心！」小鳳的媽媽勸說。
 
「我點可以掉低妳哋自己走！妳哋點樣照顧自己？水呢？嘢食呢？邊個會拎俾妳哋？」小鳳反駁。
 




「螢螢姐姐，我哋會幫妳照顧叔叔同嬸嬸㗎，妳放心啦！」其中一個青少年說道。
 
「傻妹！妳……妳哋點可能走得甩……」小鳳跪在地上痛哭道。
 
我拿出手機確認現在的時間，傍晚六點多。天空開始變得灰暗，近海的風真的特別冷，這時才記起我的衣服都被汗水沾濕了。
 
商量過後，我們決定在學校逗留一天，明早再出發，也讓小鳳及其他人好好想清楚。
 
深夜時分，身體的疼痛以及疲累令我完全睡不著，我只好一個人走上天臺吹吹海風，好讓自己的思緒可以清晰一點。
 
「龍哥！」
 
當我一踏上天臺就有一個聲音把我叫住了，我定睛一看才發現原來是阿昌。我走到他的身旁坐下，望向渡假村的方向。沒有了，全都走了，下午的喪屍全都不見了。靠著燈柱的光，我探頭去尋找蔣金水的屍體，也不見了！
 
「個伯伯俾佢哋拖走咗喇，你唔會有機會再見到佢！」阿昌似乎看透了我的想法。




 
「咁佢會被拖去邊？」我好奇問道。
 
「紅梅山莊。」
 
「紅梅山莊？相傳好猛嗰度？你點知㗎？」我完全想不到有什麼可能性。
 
「細聲啲啦！啲喪屍未走晒，佢哋去晒海邊。」
 
阿昌繼續說「嗰日我同班Friend去探險見到……我返到屋企……仲見到爹哋媽咪俾……俾佢哋……」阿昌雙眼通紅哽咽著。
 
我並沒有追問下去，只是給他一個擁抱，畢竟他還是個孩子。阿昌依靠著我低泣著，不敢發出太大的哭聲，這是第一次有男性趴到我的身上哭。