一覺瞓醒，你竟然同我講香港有喪屍？！: Zombie 12：蔣金水.

「咁多舢舨同帆船，究竟要搵邊種船呀？」洛雯問。
 
「睇吓有冇遊艇，我哋五個人，搵架睇落去安全啲嘅好！」我提議。
 
我們一行五人各自搜尋著適合的船隻，放眼望去，只見一排又一排的舢舨和漁船，卻未見有遊艇出現。
 
「喂！有啦，喺嗰度有一架。」小鳳指著遠處的海面上。
 
「咁遠！點樣過去？」Mayu側著頭問道。
 




「如果撐過去呢？」家輝邊說邊走向一艘小漁船旁。
 
小漁船應該只能坐上三個人左右，划過去應該也要好幾分鐘，家輝提議我們兩個先上遊艇探個究竟，女生則留在車上等待。
 
「噉都好，萬一全部上晒去先知架船行唔郁就慘喇，而且又要搬行李。」我回應道。
 
既然有了目標，我們便分成兩隊，男生負責上遊艇探勘，女生則在附近的漁船上搜索物資。
 
「妳哋三個小心啲，有咩事即刻返上車鎖門。」我叮囑著。
 




「嗯，我哋知㗎啦，你哋都要小心！」洛雯說。
 
就這樣，我和家輝坐上漁船，划到遊艇後方游泳平台的梯級處。我倆一前一後爬上梯級，剛踏上船板便被一個老人叫住。
 
「停喺度，再郁我就開槍！」老人拿著漁槍對準我的頭部。
 
「我哋無心打攪你，我哋唔係壞人，可唔可以放低把槍先？」我連忙高舉雙手解釋。
 
「對唔住，我哋都係想搵架船返屋企，我哋好擔心屋企人。」家輝附和道。
 




「……屋企人？」老人疑惑著，對我們的對話感到懷疑。
 
「我哋想去長洲。」我回應。
 
「長洲……」老人喃喃自語。
 
「對唔住，我哋去搵第二架船，而家就離開，希望你唔好攻擊我哋。」我見老人未有反應便開口說道。
 
「等陣！我可以送你哋過去，但有一個條件！」老人放下手上的漁槍說。
 
眼看我們兩個沒有說話，老人再度開口
 
「我好肚餓，幾日都冇食過嘢……」
 
「簡單啦！我哋可以分一啲嘢食俾你。」家輝說。




 
「好！Deal！而家出發！」說罷，老人便向駕駛室前去。
 
「等等，我哋有五個人……」家輝把老人停住。
 
經過簡短的介紹，老人把船開往漁船停泊處，好讓洛雯等人上船，也方便我們把行李帶上。
 
「伯伯，多謝你，我真係好擔心屋企人。」小鳳第一時間上前道謝。
 
待遊艇進入空曠的海域，老人便把船調到自動航行。老人名叫蔣金水，金光集團的創辦人，幾天前家人被喪屍襲擊，自己則逃到遊艇上躲起來。
 
「金光集團？嗰間買金器好平嗰間？」小鳳問道。
 
「好平……哈哈哈，小妹妹，連我間舊舖妳都知。」蔣金水笑道，意味著他有更多不一樣的店舖。
 




沒有想到遊艇內竟然會有冷氣，感覺舒暢了一點，至少不用給悶熱的天氣弄得心情更糟糕。我們六個人在遊艇上閒聊著，如果這是一個平凡的假日有多好呢。快到下午十二時，午餐時間，我們把一埋零食杯麵等擺放在桌上各自享用著。
 
午餐過後，大家各自休息，而我則走到甲板跟家輝討論著登上長洲後的事宜。
 
「家輝，把刀俾返你，全靠佢我先冇事。」我把武士刀還給家輝。
 
「送俾你啦，既然你用得慣。」家輝說。
 
「俾我？唔係你嘅收藏品咩？你捨得㗎嗱？」我驚訝的問道。
 
「冇咩捨唔捨得嘅，保命緊要，呢啲嘢買過咪得囉。」
 
看著家輝露出的微笑，可以清楚知道他有多不捨，感嘆著自己不會用刀。而用刀來說，起碼我是一個廚師，縱使刀法不同，但我多少都知道用刀的技巧。
 
「咁我就唔客氣收咗佢喇，多謝晒！」




 
「我有呢樣！」家輝從身後拿出一把雙節棍來。
 
「雙節棍？你喺邊度拎枝噉嘅嘢返嚟？」我好奇著。
 
「我㗎，細個學功夫嗰時買㗎。」家輝得意道，在我面前把玩著雙節棍。
 
嘩！條友之前係咪喺度扮宅男，又武士刀又雙節棍……
 
「喂！你哋講緊咩呀？」洛雯等三人突然出現。
 
「拎曬啲武器出嚟做咩？」小鳳問道。
 
經過詢問後，才得知家輝小時候有習武過，直到其中一場的比賽弄傷了韌帶才迫不得已放棄，而這一切洛雯全都知曉。
 




「就到喇！」蔣金水從駕駛室大叫。
 
終於到長洲喇，唔知上面有冇喪屍呢，希望小鳳嘅屋企人冇事啦。