一覺瞓醒，你竟然同我講香港有喪屍？！: Zombie 11：Leaving The Comfort Zone.

整理好行裝後的我再度出發，而首先要做的就是檢查那輛先前插著鑰匙的汽車，如無意外的話，應該可以把車發動。而在這之前，當然要先確認包圍著汽車的喪屍去向。
 
步出升降機後，我走向大廈鐵閘窺視著汽車的周圍。
 
好似走晒喇，一隻都冇，Good呀！
 
我輕輕的把鐵閘打開，步出大廈，探視著街道上的安全性。我拿出手機確認時間，「07:21AM」，喪屍不見了！我趕緊發動汽車，把車駛到我妹的住處前方，離開前，我留意到車還剩一半汽油，非常足夠去碼頭的油量。
 
「哥！」
「老公！」






當我打開我妹家的大門時，洛雯跟Mayu已經在門前等待著我的歸來。
 
「你仲咩唔叫醒我哋，嚇死我！聽到樓下有架車響，再發現你唔見咗……」洛雯一拳又一拳的打在我的身上。
 
「バカ！（笨蛋！）心配（擔心）……バカ！バカ！バカ！」Mayu哭喊道，還跟洛雯一樣，一直送我拳頭大餐。
 
「對唔住，我想妳哋多啲休息，而且，我先唔會咁易死！」我試著安慰道。
 




「佢兩個一直嘈住要去搵你！」小鳳不知何時在房間走了出來。
 
「家輝呢？」我好奇家裡唯一的男生在哪。
 
「佢為咗阻止佢兩個，被打到流鼻血，喺廁所呀！」小鳳望向洛雯跟Mayu說。
 
「唔小心撞到咋！」洛雯立即解釋。
 
「係！唔小心咋！」Mayu附和著。
 




「得喇！我哋隨時可以出發，我搵到一架車。」我拿出汽車鑰匙。
 
「我仲擔心緊，五個人點坐上架綿羊仔度，呀哥，都係你醒。」家輝用手蓋著鼻子說。
 
看著家輝這個模樣，我有點同情他，但也很感謝他，不然我生命中最重要的兩個女人就會傻傻地衝出門外。
 
「你冇嘢吖嘛？」我關心道。
 
「冇！我哋都隨時走得，已經執好晒行李喇！」家輝回應。
 
出發前，我把所遇到的事和喪屍的弱點告知他們，更將我推斷的「喪屍活動時間」分享出來。
 
「所以喪屍嘅活動時間大約喺零晨十二點到朝早七點左右？」小鳳問。
 
「我唔可以100%確定，但我哋可以利用呢段時間以外嘅鐘數活動。」我回應。




 
我們一行五人，帶著少量的行裝和食物便坐上了汽車，準備出發前往維多利亞港。港灣附近的遊艇數量眾多，相信應該有機會偷到一艘遊艇，就算是快艇我們也別無多求，持著一個「有就好」的心態。
 
「Audi RS 3 Sportback？正喎！」家輝不停讚嘆著這輛我「撿」回來的汽車。
 
「俾你揸？」我望向副駕駛的家輝。
 
「好啊！」家輝滿面笑容，完全沒有緊張感。
 
這樣也好，我至少可以睡上十幾分鐘以上，跟家輝對調坐位後，我便閉上眼休息，女生三人則坐到後座去。
 
「睇嚟啲喪屍唔惹小，妳呀哥咁快就瞓著。」小鳳向洛雯說道。
 
「殺喪屍……我唔係好想噉做，話晒佢哋之前都係人……」洛雯說。
 




「雯雯，呢啲嘢等我哋啲男仔嚟就得喇，妳哋只要照顧好自己。」家輝突然開口。
 
「你唔好咁下巴輕輕，你哋都要小心照顧自己！」小鳳擔心道。
 
一路上，大家都沒有再說話，除了家輝外，其他人都閉上雙眼，縱使沒有睡覺，但至少可以休息一下，整理一下思緒也好。
 
沿路的風景已不再像從前般美麗，一座座冒出黑色濃煙的建築物籠罩著整個香港島。路上也開始出現人類的蹤影，互相搶掠，互相廝殺，人類醜惡的暴行一覽無遺，也可能是受到昨天的廣播影響。
 
家輝把手機架在窗邊，錄影著這一切，紀錄著人類的醜陋。
 
「我哋之後會唔會都係噉？」洛雯突然開口問道。
 
「我都唔知……都有噉嘅可能，我哋冇理由被人打都唔反擊。」家輝回應。
 
「我好驚……我覺得人比喪屍仲得人驚……」洛雯望向車頭的倒後鏡說。




 
「的確係噉！我覺得呢班喪屍可能係俾人製造出嚟都話唔定。」家輝分析。
 
「哈啊！我瞓著咗，出面好似好大獲。」我打了個哈欠望向車窗外。
 
「哥，你覺得嗰啲喪屍係點嚟㗎？」洛雯問。
 
「呢啲嘢，九成九都係政府整出嚟，如果唔係，點有會嗰段廣播？」我猜測道。
 
就這樣，我們三人討論著喪屍的由來和被製造的目的等等。我們不是科學家，沒有可能製造出解藥，但相信某個地方一定會有解藥或血清。
 
「到喇！」家輝把車停在銅鑼灣花園附近。
 
把Mayu和小鳳叫醒後，一行五人走下車，搜索著適合的船隻。